تجمع مواليدديسمبر2011ومواليديناير2012

[Le chat]

من امس وانا بالفراش عوار بطن موو صج ولوعه وقلبي والله احسه ببلعومي من قوه النبض قمت اكح ماادري شسوي ابي اروح المستشفى بس ريلي بيحجزونه اليوم وعرس رفيجتي باجر ان مارحت راح تزعل ماادري شسوي

 

[توحه1]

الله يعينج اجر وعافيه ديري بالج على نفسج

 

[حنان المحبه]

هذا رابط الموضوع مادري عاد يطلع ولايعند
ياحياتي ماتشوفين شر … روحي الطبيب لاتزيد الكحه ترى تتعب بالحمال انا جربتها تأذيت منها عساچ ماتجربينها
لي لي اهم شي صحتچ لاشفتي نفسچ فيچ حيل للعرس روحي لاحسيتي انچ تعبانه مو ضروري تروحين اهم شي راحتچ ياختي وعسى الله يوفق رفيجتچ ان شاءالله … طمنيناعليچ ام جنوي
توحه شخبارج
شفتي الموضوع

 

[حنان المحبه]

يووووه ماطلع
شلون احط الرابط
http://www.q8yat.com/t1089386-12.html

 

[حنان المحبه]

الحمدلله نزلته
لي لي انا مسويه چم تسطير لولدي ان شاءالله بيروح اولى ابتدائي
وبكمل ان شاءالله لبناتي بس انطر شلون المدرسات طريقتهم بالكتابه

 

[Le chat]

الحمدلله اليووم احسن بس ويهي يخرع سوااد تحت عيني وحيييل ضعفت
حنونه والله الحين ماخلو شي قبل بس اول اسبوع نسطر دفاترنا وستيكرز ونكتب بالوان ثاني اسبوع نسطر بدون مسطره ثالث اسبوع مانسطر على نهايه السنه مانكتب بالدفنر خير شر هذا اذا لقينه الدفتر خخخخخخخخخ الله يعينكم بس ويبلغنا بهالصغاار ونعابل فيهم وفمدارسهم يارب

 

[توحه1]

الاهي امين ام ابراهيم
حنون شفته وناسه واخذت كم فكره ماشالله وايد بنات مبدعين يويوي العود مايبيني اسطر له يقول كبرت عمر١٠ سنوات لا ابي اسطر بالرصاص او الحبر بس
يويوي الثاني عادي
ام الي بيدخل اولى ابتدائي يبيني اتفنن بدفاتره كلهم ولا يبي اكرر اي صفحه
عباله امه فنانه
واليويو الحكوكه مناجرنا على الاقلام والالوان يبي يشخبط الله يعينى لمن يبدون الجد والدراسه
كلها سوادة هاليلتين

 

[توحه1]

صباح الخير والهمه
شلونكم كروشات بدينا الجد والتدريس

 

[Le chat]

صباحج الصباحي والورد والتفاحي الله يوفق عياالكم ياارب وتفرحون بتخرجهم

 

[حنان المحبه]

صباح الخير للحلوين المداومين
شخباركم توحه ولي لي
توحه شخبارچ مع المدارس ماشي
انا الحمدلله دخل ولدي وخذوه المدرسات اولى ابتدائي مارضوا يدخلونا احسن الصراحه عشان يتعودون عالدوان بروحهم
اما اللي بالروضه كاشخ بالنظاره الشمسيه حتى من الحيا ماقطها وكاني قاعده بالصاله مالت الروضه شوي وآخذه ان شاءالله لان اليوم مفتوح عندهم
لي لي
حبيبتي شخبارج اليوم ان شاءالله احسن وشلون الحراره عسى خفت ان شاءالله واخبارجنوي من زمان عنها وعن اخبارها
باقي البنات شخباركم وينكم غطيتواً
بنوته عسوله نخنوخه وبعد ياربي ضاعت الاسامي كلكم بنات ولاقصور فيكم

 

[عسووولــــة]

مرحبااااااااااااااااااااااااااا

شخباركم رفيجااااااااااااااااااااتي << اشتقت لكم حيييل

عجبني التسطير بصراحة ابداع بس ولدي صغير ان شاءالله من يكبر اسطرلة

الحمدالله بديت احس بحركة البيبي وعندي موعد تاريخ 30/09/2012

وابشركم ان شاءالله

 

[عسووولــــة]

توحة كيف نظام الاكل الحين شنو اعطية وشنو ما اعطية

 

[Le chat]

الحمدلله حنونه راحت الحراره بس واايد هلكانه طلع الي معاي نقص حديد الدكتور حده منبهر لانه انا معاي تكسر وبالعاده الي معاهم تكسر تكون نسبه الحديد عاليه بجسمهم تقريبا ٣٠٠ او ٢٠٠ انا نسبتي ١ ونص!! يقول من جذي تيني رقعه وخمول وراسي يفتر والدوام كلللللش ماني قادره اروح مع اني اقوم الصبح بس عوار بطني وحوضي اوووفر ابي اسوي مجلس طبي بس ماادري شنو احط يعني هذي اعراض حمل احتمال اخذ اجازه بدون راتب وكيفه ريلي يتصرف بالاقساط ولا ينهد حيلي اكثر ماهو مهدود

 

[Le chat]

عسوبه انا احس بحركة البيبي بس مو الي اقدر اعدها مو واضحه عدل عندي موعد يوم السبت

 

[عسووولــــة]

الله يشفيج ويسهل عليج ان شاءالله

وطمنينا عليج حبيبتي لي لي

 

[توحه1]

الحمدالله بخير وبدا الجد والتجليد والطلبات والحمدالله انا موفره كل شي من قبل
وعلى طاري الاكل يويو بديت فيه ربيان احطله ربيانتين او 3 اقطعهم ووكله بس بالشهر مرتين موتزيدون وتقولون توحه قالت
يويو بمرحله الوقف ماشالله
حبيبي يوقف بمساعده يعني مؤشر جيد باذن الله شهرين ويخطي خطوته الاولى
اسم الله عليه الرحمن بعد مع المعاشات ان شاء الله بشتريله مشايه من محل الالعاب ب3دنانير و600 فلس اقوى من مالت مذركير
تلقونها صوب ركن الالعاب لونها ازرق بالابيض ماكولون ثاني

 

[توحه1]

اللحم والدجاج لمن يكمل ١٠ شهور ان شاء الله

 

[miss_Ba6oOo6a]

اهلا بنااااااااااات
لهينا باللويه بنتي دخلت الروضه ولهيت بلويتها وتجهيزها الحمدالله
والصغيرو كملت 8 شهور الاسنان لاحس ولا خبر عفييسه ولا طلعوو وطخت
تفر وتحاول تحبي والاكل بلشت احطلها دياي مع العيش والخضار واذوقها من اكلنا كل شي
مازالت نتفه والي يشووفها يعطيها 4 شهوور

 

[توحه1]

ربي سلم البنات ويخليهم لج
احلا على البنات النعومه
وبالتوفيق حق فطفوووطه الكبيره وعقبال الجامعه يارب
حبيت الصورالي حاطتها ماشالله تبارك الرحمن في ماخلق ملح وشبه وعود بعين كل حسود

 

[حنان المحبه]

السلام عليكم شخباركم وشلون اطفال الدوامات
اخبار اهل الروضه اللي بأولى
تفرحون فيهم متخرجين من الجامعه وصالحين
الدور على المتوسط والثانوي عسى الله يوفقهم
اخبار الحوامل الله يهون عليهم يارب