* تجمع موآلـيد شهر 8 و 9 2012 آحلآ مـوآليـد ..

[مدمنــــة قهــــوة]

واخيرا لقيت هالتجمع


اااه يابنات

النفسية اكسسسس

الجرح شاد علي واليوم اخترعت على شغله وقمت بسرعه واحس الخياط عورني واحس بنغزات وتقرص تفززني من مكاني

الحليب مايطلع صارلي خمس ايام مو مرضعه بنتي ولا يطلع بالشفاطة يعوور

بلاعيمي وجيوبي الانفية لاعبه فيني لعب

جسمي وعظامي يعوروني

صدااع قوي

كله احس ببرودة باطرافي مع اني متدفيه واكل ادوية خايفة نفاسي غلط وداشني هوا

همي الجرح يطيب وبس مابي شي الحمدلله

ما اهتميت بنفسي

كله اوسوس واهوجس

يارب عونك

<<

ادري قرقت بس حبيت افضفض

وماتشوفون شر يارب

 

[moz3eja]

السلام عليكم

انضميت معاكم انا وبنووتي

بنات انا صارلي 5 ايام والده
وقاعده اجرب ارضع بنتي
تمص وايد وايد وما يطلع ولا شي من صدري !!!

صدري يابس ولمن تمص احس بعوار خفيف ولا يطلع
شسوي

انا بجريه ومتوهقه ليش مايطلع

 

[.. Ro3a ..]

هلا والله مدمنه قهوه
انا نفسج كان شااد حييييييييل وكله احاتي بعدين ارتخا
ورحت الطبيب من الوسوسه قالت ماكو شي

اما الحليب انا عانيييت منه حتا حطيت موضوع بالقسم
عن هالسالفه بس تدرين اللي نزل الحليب هو الكمادات الدافيه مع المساج للصدر
انتي حطي كمادات وسوي مساج وبعده شفطي وان شاء الله يطلع
انا ما طلع الا عقب ما تعودت بنتي ع الصناعي ورفضت حليبي بس اخليها تشرب مرات قبل رضعتها اغصبها
مسكينه والله كاسره خاطري من الصناعي

 

[.. Ro3a ..]

اهلين مزعجه >> اذا جذي اسمج

مثل ماقلت مساج وكمادات دافيه وشفطي واضغطي عليه مثل المسح من فوق لين تحت
بايدينج الثنتين بالعكس كانج تعصرين الصدر
ان شاء الله فهمتي علي

انا مثلج بجر لما ولدت ما طلع الحليب وجتني ضيقه وااي مت من البجي
وجبت ممرضه للبيت تساعدني وعلمتني شلون اطلع الحليب نفس الطريقه اللي شرحتها
بس عقب ما رفضت بنتي صدري الله يعين

 

[.. Ro3a ..]

بنفسجيه حبيبتي توني انتبه للرد
تسلمين ي الغلا

 

[.. Ro3a ..]

امبيه بنات ما انام من بنتي ذبحها المغص لين اللحين مسكينه
غيرت الحليب ٣ مرات واي قهر اكتبوا لي سيميلاك توتال كمفورت
لحالات المغص والغازات والانتفاخ والامساك ولاسهال >> كل هذول

الحين لها ٣ ايام عليه ما فادها ابدا احس زادت الغازات واي
كاسره خااطري ادعولها ):

 

[Laymo0ona]

حتى انا بنتي ذابحتها الغازات وبطنها مايطلع الا بالزور
تعور القلب وذبحتني بس تبجي وتبي الشيل مع اني ماعودتها عالحضن كله سادحتها بس حزت الرضاعه
واخاف احقرها يكون بطنها يعورها

 

[مدمنــــة قهــــوة]

حبيبتي روعه الله يجبر بخاطرج يارب

بسوي طريقتج وان شالله ربج كريم

الله يشفي عيالنا من الغازات والله يكسرون الخاطر

انا استعمل سميلاك كمفورت صج يسوي مغص بس الدكتور قالي حيل زين خليه لا تغيرينه

والجاهل طبيعي يظل ثلاث شهور على مايتعود جسمه وبطنه عالحليب ويظل معاه مرة امساك مرة مغص مرة اسهال حشاكم

بعدين الحمدلله كلها تزول تدريجي

بنات ~> انا لي الحين 15 يوم والدة الحمدلله

والخياط خف عواره ولله الحمد ،، كنت خايفه اشوف الخياط

وقبل شوي قلت دام خف العوار بشوفه وياليتني ماشفته خفت

طبعا الجرح اللي صوب فتحة الشرج <<< سووري عالوصف بس بوضح

اهوا احس اللحم صاك يعني ملتئم ان شالله

بس في فتحة صغيرة مو ملتئمة

بنات مادري هل هالفتحة مو ملتئمة و لا انفكت غرزة

لان احس بالم وتقرص يمكن منها مادري

وانا برعب والله خانقتني العبرة ببجي خاايفه اجلت موعدي لعقب باجر لظروف

طمنووني عفية

هل الفتحة هذي طبيعية ؟؟ والا معناته الجرح مبطل والا ملتهب ؟؟

انا استخدم بيتادين بخاخ وميبو والحين حطيت خوا جوا ومرة وزيت زيتون

الله يخليكم طمنوني مابي تخيطني مرة ثانية عندي ولادة ولا خياااط

والله النفسية اكسسسسسس ادعولي

واللي تعرف شنو معناة هالفتحة تقوولي يعل ربي يحقق لها ما تتمنى عاجلا غير اجلا ياارب

 

[مدمنــــة قهــــوة]

اي ونسيت صارلي يومين معاي مساك حشاكم

واليوم تأذيت بسبة الامساك

لا يكون تبطل الجرح بسبة الامساك

واي بنات بموت من الخووف يارب ارحمني

 

[Laymo0ona]

مدمنه مادري عن الفتحه انا ماتجرأت اشوفه .. روحي راجعي احسن بلا هالمحاتاة اعرف هالشعور انا ليلحين احاتي الخياط ككل يكون موزين واكون وسيعه
والامساك احسن اخذي ملينات انا بعد حاشني امساك كنت اخذ ملين اخاف يفتح الجرح من الامساك..

 

[مدمنــــة قهــــوة]

ان شالله اكيد بروح بس خايفو تخيطني مرة ثانية

ياربي تطمني الدكتورة تقول مافيني شي

ادعولي تكفون

 

[بنفسجيه_Q8]

الله يشافي عيالكم من الغازات يارب


ويسهل علي الحوامل

 

[Lady Arwa]

السلام ..

بنات انا ارضع طبيعي .. والحين يعورني لما ارضع ويقولون لا تحطين كريمات .. شسوي ؟

 

[مدمنــــة قهــــوة]

الحمدلله رحت المستشفى اليوم

طمنتني عالجرح وعطتني كريم

قالت لي وقفي الميبو واستعملي هذا بداله

nemoderm للجروح والحرق

وقالت حتى يوخر الاثر

وقالت استعملي ماي وملح

وقالت انا ما انصح الوحدة تستعمل ماي وملح من اول اسبوع

قالت لا عالاقل تعدي عشر ايام عالجرح

الحمدلله يارب الحمدلله حيل كنت خايفة

اختي ليدي اروى >> لا استعملي كريم حرام تشقق الحلمة ماراح تقدرين

استعملي ميبو او بيبانثين ابو خط وردي بس مسحي حلمتج بقطن وماي قبل الرضاعه

اممم

بنات انا شريت حبوب تدر الحليب حبتين مرتين باليوم

بس يوم قريت مكوناتها معاها حلبه !! اخاف الريحة تعط خخخخ

وانا الحلبه ناوية اقطعها لما اوصل العشرين يوم عشان ريحتها وعشان كثرتها ترخي الرحم وتسبب رطوبه

شرايكم بنات اخاف تسببلي رطوبه ؟؟؟ ولا ماتضر ؟؟

وبنفس الوقت ابي الحليب يدر عشان بنيتي

 

[.. Ro3a ..]

الحمد لله ع السلامه مدمنة
الحمد لله انها طمنتج

بس بسالج شنو اسم الحبوب ؟!
ووو انتي خذيتيها بوصفه طبيب ؟!

انا ابي شي يدر الحليب لان احسه نشف وبنتي تعودت ع الصناعي ):

وياريت البنات يفيدونا بخصوص انها ترخي الرحم عشان الحلبه ...

 

[أم عزيـز]

بنات اللي بيبيها يعاني من الامساك خل تعطيه ماي فيه سكر نبات تره زين يمشي البطن

انا مرات اعطي بنتي ينسون بالليل واحسها تطلع الغازات اللي في بطنها وبنفس الوقت يهدي البيبي ويخليها تنام
بس حطوا مع الينسون سكر نبات عشان طعمه يصير مقبول ولا تكثرون وايد ينسون عطوا البيبي ٦٠ او اقل مو اكثر


انا اعطي بنتي دوا اسمه غاز بيمبي وايد زين المهم انكم تدفون البيبي عشان تطلع كل الغازات اللي فيه

انا بنتي اسم الله عليها اسبوع وتكمل سعرين بس نومتها كلش مو متعدله وانا من كثر السهر والمجابل قاعد يحوشني صداع وارهاق وعوار ظهر
بس كله بأجره

 

[أم عزيـز]

بنات انا بنتي لي الحين ترضع ٦٠ او ٩٠ بالكثير ومرات ترجع جزء منه
ودي اعطيها ١٢٠ بس احس وايد عليها وترجعه

طبعا حليب بنتي سيميلاك ادفانس عيالي كلهم كنت اعطيهم مثل الحليب وما افكر اغيره
لان دكتور بنتي وايد مدح السيميلاك وقال ينمو البيبي بسرعه
ان شاء الله يكبرون عيالنا ونشوفهم بكامل صحتهم وعافيتهم

 

[عهد الغرام]

مرحباً أبشركم جبت بنوته باول أيامي حيل تعبت والحين الحمد لله بنات بالكم عن حليب بيبيلاك شرايكم فيه انا بنتي صغنن أبيها تكبر شوي والله اخاف امسكها عضام منو جربته زين للبيبي

 

[.. Ro3a ..]

عهد الغرام الحمدلله ع السلامه
مبروك البنوته
عقبال بنفسجيه

اما الحليب مدري عنه

 

[.. Ro3a ..]

ام عزيز انا الدكتوره قالت لي لا تكثرين اليانسون للبيبي
واذا عطيته لا تحطين عليه سكر نبات
وجنه مره وحده قالت انه يسبب مغص لبيبي

مع ان امي تعطي عيالنا كلهم اليانسون بسكر نبات
حتا تسوي لهم كراويه ،،