* تجمع موآلـيد شهر 8 و 9 2012 آحلآ مـوآليـد ..

[أم عزيـز]

دينا مو شرط لما تطلعين من الاربعين لما يصير لج ٣ اسابيع وتحسبن ماكو عوار وجيكتي على الجرح ودكتورتج قالت لج وضعج تمام تقدرين تمارسين حياتج طبيعي
بس اهم شي دكتورتج تجيك على الجرح وتعرف انه التأم


ليمونه بنتي في حضانه ريمبو البريطانية بالسلام يم بيتنا ياومون من الساعه ٧ ونص لي ١ ونص وعطلهم مو معانا
حتى عطلة ١٥ مو معانا ، عطلهم مثل المدارس الاجنبية مع عيد الربيع

هذي اخر سنه لها ثانية روضه بعدين بحولها حكومه حالها حال اخوانها
انا دخلتها خاص بس تأسيس وبعدين بخليها تكمل حكومه

 

[عيالي ذيابه]

ام عزيز
اي كنت مسافره
وبسحله تسجيل متاخر
وبجهز له من اهنيً بس يبقالي البنطلونات

 

[.. Ro3a ..]

السلام عليكم انا توني والده صارلي اسبوع ولدت يوم الاثنين
جبت بنوووته،، وهذي بجري وصايبتني ضيقه اف 
ان شاء الله اكون معاكم وتفج عني ضيقه نفاس
امبيه دنيا انا نفسج بالضبط الخياط يذبح وصدري ما يطلع الا شوي والبنت ما تمص ما تعرف تعودت
ع الرضاعه واشفط ما يطلع الانتفه قالي الدكتور اذا استمر صدرج ما نزل الحليب راح نعطيج حبوب تنشفه عشان ما يصير خراج وحراره
امبيه حدي مهمومه اخاف بنتي يصير فيها شي اذا ما رضعت طبيعي 

 

[الغلا كله 82]

السلام

شلونكم بنات

حبيت اقول للبنات اللي يقولن للحين مادر الصدر

ترا عادي خلو البيبيات يرضعون وراح يدر

والماده الصفرا هذي هي جذي ماتنزل واجد هذي مثل التطعيمه للبيبي مفيده حيييل حق المناعه

والحليب راح يطلع من يومين الا ثلاثه بعد الولاده بس اهم شي تخلين البيبي يرضعه او اشفطيه عشان تعطينه دافع انه يطلع

وان شاء الله تطلعون من الشر

 

[كويتية تكفي مية]

انا ودي ارضعها ما اخليها حرام الحليب وايد مفيد لها وهم لي انا يرد رحمي بس وايد تكسر خاطري لي بجت ومامصت حليب لان انا وايد شويه حليبي لانها ماتمص وايد مصت مره مرتين وبجت تعبتني الله يصلحها ويحميها


بنات بسألكم عن الكورسيه انا مالي مثل الحزام بس مو انا ضعيفه احسه صار وسيع وايد اهو فري سايز لدرجة ارفعه واهو علي وادهن بطني ودايم طاير فوق مو مضبوط عاد والله شريته ب ١٠ وشي بس اظاهر مو زين

شنو تستخدمون كورسيه ؟! والبطن متى يرجع ؟! واليلد المقرفط هذا ما راح ينشد !!!

 

[أم عزيـز]

دينا انا شريت من الطاهر عندهم مقاسات اخذي سمول

واليلد المتعرفط والكرش يختلف من وحده لي وحده
ما ابي احبطج بس انا للاسف ماراح وهذي رابع ولادة لي
يعني غاسله ايدي من الكرش والخطوط لوووول

 

[ورودالربيع]

السلام عليكم ورحمة الله
ما شاركت معاكم لان البيبي الله يسلمه ما خذ كل وقتي
فيه وحده من الامهات قالت ان بنتها ما تمشي عدل والوصف اللي قالته عن بنتها نفس اللي فيهم -اسم الله على بنتها- خلع بعظمة الفخذ فياليت توديها للطبيب وتكشف عليها عشان تتطمن.

دنيا الحمدلله على سلامتج ولا تحاتين الخطوط تروح باذن الله والكرش على حسب جسم الوحده
وبالنسبه للرضاعة حاولي لا تيأسين والطفل ما يمص الحلمه يمص المنطقة المحيطة فيها وخلي عندج يقين ان كل حرمة الله مهيء صدرها للرضاعة وتطلعين من الشر ان شاءالله

 

[.. Ro3a ..]

قوه بنات بنتي تعودت ع الصناعي اللحين اسبوع عليه
وصدري لما شفطته بس طلع منه
شويه يعني رقمين تقريبا لونه اصفر عطيته بنتي بوقت رضعتها
وعقبه صاحت لان شويه ما شبعها وحاولت اشفط اشفط وطلع بس رقم
واخر شي رجعته كله وهي ما كانت ترجع بهالشكل كله رجعته
اللحين احس صدري رد نشف شلون اعودها عليه خصوصا انها ما تمسك الصدر ما ترضع
شلون اعطيها الطبيعي مع الصناعي بدون ما اتعبها الله يخليها لي يا رب

 

[أم عزيـز]

اختي روعه عطيها من صدرج حتى لو مافيه وبعدين على طول رضعيها صناعي

لان حليب التم ما يدر الا باستمرار الرضاعه يعني كل ما البيبي رضع الحليب اللي بصدرج زاد
عشان جذي خليه البيبي يرضع شوي من صدرج وبنفس الوقت تكونين مجهزة رضعه صناعي خليه يشرب على طول
لين تحسين ان الحليب اللي بصدرج زاد وصار يدر اكثر مني تخدرين تعطينه الصبح من صدرج وبالليل صناعي
لان الصناعي بالليل يخلي البيبي يشبع وينام فتره اطول

انا مثلج الحليب اللي بصدري ماكان يكفي بنتي وكنت اعطيها اكثر شي صناعي
بس لازم مره اخليها ترضع من صدري عشان ما تنساه وتتعود عليه

انا مشكلتي وزن بنتي وايد صغير والدكتور قالي رضعيها صناعي يتفخها بسرعه
الطبيعي زين بس مو بسرعه يسمن البيبي خاصه اللي مولود ووزنه حيل صغير
فانا مضطره ارضعها صناعي فتره بس يرد وزنها واحس عافيتها احسن راح اخليها اكثر شي ترضع طبيعي ورضعه وحده صناعي

 

[.. Ro3a ..]

يا حياتي ام عزير اللحين اسوي مثل ما تقولين
وان شاء الله يفيد

 

[.. Ro3a ..]

بنات غاز بمبي تعرفوونه ؟!
شريته من الصيدليه لبنتي عشان الغازات
بس ما سالت الصيدلي طريقه الاستخدام عدل
قريت بالكرتونه مره وحده بالليل وعشر نقط
بنات ولما مريت ع صيدليه اسال قال عادي لو ٣ مرات
هذا اعشاب ما يضر
بلييز اللي تعرف طريقته تعلمني ؟ وبنات امي تعطي بنتي يانسون يصير اعطيها غاز بمبي مع اليانسون
يعني يانسون فالنهار وفالليل غاز بمبي ؟!
بنتي لما تنام احسها تتعصر وتبجي شوي وترد تنام
ومرات احس بالغازات ببطنها لما اشيلها حياتي تكسر الخاطر

 

[ورودالربيع]

السلام عليكم
روعة انا دكتور الاطفال قالي عشر نقط مرة واحدة باليوم لمدة اسبوع
بس وقفته لان طعمه ما عجب ولدي>>> من الحين بدا الدلع
استعمل نقط ديسفلتي والحمدلله كل عيالي نفع معاهم يطلع الغازات والينسون زين بعد انا اسوي لولدي
ونصيحه شربيه ماي غريب المصري ثلاث مرات باليوم زين للغازات وينوم الطفل وبعد يسمنه لأنه مكمل غذايئ

 

[الغلا كله 82]

http://i.imgur.com/nF7zL.jpg

 

[Laymo0ona]

انا بلشت الغازات والامساك في بنتي والا اول الايام شحلاتها بعد كل رضعه توصخ واعطيها بمبي عشر نقط باليوم بس متأذيه ياقلبي بطنها يااابس وماتوصخ الا مره باليوم وتموووت علما تطلع

ورود من وين ماي الغريب المصري وشلون صاير شكله؟؟

 

[.. Ro3a ..]

حبايبي مشكورين ع الرد واي تقطع قلبي معاها بس تصيح
امبيه لما امسك ظهرها احس بالغازات بعد عمري

بس انتم تقولون مره وحده باليوم يعني كلام الصيدلي غلط

 

[.. Ro3a ..]

حبيبتي الغلا كله الصوره اللي حاطتها
وصفة طبيب ...

 

[أم عزيـز]

روعه اذا بتعطينها مرتين عطيها ٥ نقط
واذا مره وحده ١٠ نقط باليوم انا استخدمه حق بنتي
والينسون وايد زين انا اعطي بنتي يوم ينسون ويوم حبة حلوه واحسه يهديها ويطلع الغازات

الحين بني بيبتي حايشتها نشله ومتضايقة كله تبجي لان خشمها مسكر
واحس البلغم داخل بلاعيمها مضايقها كاسره خاطري
ما عطيتها دوه توه صغيره ما كملت ٤٠ يوم

 

[ورودالربيع]

روعة انا ولدي من اول يوم انولد فيه بلشت معاه الغازات
ماي الغريب علبته فيها لون ازرق وموجود بالصيدليات بس انتبهي المصري احسن انواع ماي الغريب
(عطيه ملعقة الشاي ثلاث مرات باليوم )
ام عزيز في بالصيدلية بخاخ للانف يستعمل للطفل من اول يوم ولادة استعمليه لبنتج علشان تقدر ترضع
حرام اذا خشمها مسكر ما ترتاح بالرضاعة تقدرين تستخدمينه 6 مرات باليوم طبيعي عبارة عن ماي بحر
انا استعملته لولدي من ثاني يوم لان سبحوه بالمستشفى وانشل

 

[أم عزيـز]

لا يكون اللي اسمه Ocean Spray

عندي منه رشيت لها اليوم بس توني ادري اني اقدر ارش منه ٦ مرات
لان فقيره حتى بالنومه احسها متضايقه وريجها ناشف من النشله

 

[ورودالربيع]

ام عزيز لا اسمه ستيريمار
اقري نشرة الدوا او اتصلي على اي صيدلية واساليهم