* تجمع موآلـيد شهر 8 و 9 2012 آحلآ مـوآليـد ..

[نسيم الأمل]

السلام عليكم
الله يعطيكم الصحة والعافية

الحال من بعضه ابني مايرضع مني بالمرة تعبني وبحاول معاه أكثر لأن الحليب بدأ يقل .
الحليب الصناعي موزين ، يقولون سيميلاك أفضل نوع واعطوه منه بالمستشفى ومشيت عليه لكن اول علبة سببتله حساسية طلعتله حبوب بجسمه . وثاني علبة مغص وغازات . ما اعرف شنو اسوي بدعي ربي يخليه يرضع طبيعي ويكون يكفيه .

اقول عشان ايتريع جربوا تخلون البيبي على مخدة . أنا نصحوني فيها وجربتها نتيجتها افضل من أن اخليه على صدري .

 

[أم عزيـز]

سميلاك بالنسبة لي الأفضل دايم اعطي عيالي منه
بس بشكل عام الحليب الصناعي كله يسبب غازات

حتى لو تلاحظين اللي تولد قيصري ينصحونها ماتشرب حليب لانه يسبب غازات

 

[Laymo0ona]

سيميلاك مانفع عيالي كلش غازات وامساك
انا استخدم نان وﻻزم دوا الغازات معاه احس مهما كان الحليب لازم بطونهم تعورهم وغازات بس يفرق القوة من حليب لي حليب

 

[Miss trfa]

اب اب

 

[عيالي ذيابه]

قوووه شلووونكم

عمر ولدي ٣٢ يوم

بس مايفتح عينه واذا فتحها تكون علي خفيف

 

[أم عزيـز]

هلا والله عيالي ذيابه نورتي حبيبتي

انا بنتي عمرها ٣٠ يوم تفتح عينها اليمنى كامله واليسرى تفتح نصها !
اول ما انولدت بس تفتح عين وحده وشوي شوي قامت تفتح اليسرى على خفيف الحين وصلت لي النص
مع ان عيونها ما تدمع ولا فيها التهاب الدكتور جيك عليها بس بنطر بعد اسبوعين يمكن تفتح زود واذا ظلت على النص براجع دكتور عيون عشان اتطمن

بنات انا امس عطيت بنتي ينسون عشان يخفف عوار بطنها والحمدالله حست انها ارتاحت شوي
بس احد سمع عن الحبه الحلوه ؟
رفيجتي قالت لي عنها بس قلت اسألكم اذا مجربينها حق عيالكم

 

[كويتية تكفي مية]

بنات تكفون الخياط ذابحني مووووووت احسه حاااار حيل وبالذات العقده الاخيره من تحت ومتفوخ شسوي مو فايد معاي مسكن ولا مضاد حراره ذابحتني حطيت مره شوي ع الكوتكس ارتحت شوي بعدين ردلي العوار اروح الطبيب بس باجر يمعه اكيد الدكاتره الموجودين خفاره مايفتهمون وموعدي مع دكتوري ريظ بعد اسبوعين ابي شي يهدي العوار ساعدوني ولي يسلمكم

 

[أم عزيـز]

والله انا على الله وعلى المسكن وكنت كل ما اروح الحمام عزج الله اتوضى في مره

وكانوا معطيني مثل سيبري رش حق الجرح ارش عليه بارد يهدي ويسكن الألم
واهم شي انج ماتتربعين ولا تفتحين ريولج وايد عشان الجرح ما يعورج
وحاولي تقعدين على مخده

 

[فرزاشيهـ]

مراحب بنات ..

انا من تجمع حوامل شهر 9 .، و حدي علميه :/

بنتي عمرها 19 يوم بس تشرق تخرعني عليها الدكتور يقول عادي لاني ولدتها باول ايام التاسع حتى ماكملت اسبوع بالتاسع .،

رضعت طبيعي ثلاث ايام بس ،، لان صدر يطلع و صدر لا و الثاني حيل قام يعورني بدرجه ماقدر ارفع ايدي ف كليت حبوب كان ودي ارضعها بعد عمري بروح وزنها صغير كيلوين و 300 و يوم طلعت بعد 10 ايام كيلوين و 240 نقصت

 

[أم عزيـز]

فرزاشية
انا مثلج بنتي كان وزنها كيلوين و ٤٠٠
ويوم طلعت من المستشفى صار كيلوين و ٣٤٠

وقالي الدكتور الطبيعي ما يشبعها ! عطيها سيميلاك لانه بسرعه يكبر البيبي فصرت دايم اعطيها حليب سيميلاك وشوي طبيعي
الحين صار لي يومين مو معطتها طبيعي واخاف تنساه !

والحين بنتي كملت ٣١ يوم والحمدالله احي وزنها زاد قمت كل اسبوع اروح اوزنها عشان ارتاح نفسيا

ولاتخافين من الشرقه اهم شي وانتي ترضعينها ترفعين راسها لا تخلينها نايمه
واذا شرقت نفخي على يافوخها وعلى ويها عشان ترد روحها

 

[عيالي ذيابه]

ام عزيز انا شكيت فيه لانه بس يفتحها نص

دنيا قلبي انت توضي بخوا جوا

 

[أم عزيـز]

وين بنات النفاس ؟
شكلكم تعبانين من السهر ومجابل البيبي
والله ما تنلامون انا مثلكم والحين ببلش تجهيز حق المدارس الله يعين

 

[Laymo0ona]

ام عزيز حوسه اليهال ملهيتنا
ولدي دوامه 9/9 وبنتي بوديها الطبيب احس ريلها القدم صايره كيرف وصارلها شهر تمشي بس وايد تطيح وماتمشي عدل وايد ترقل جنها سكرانه بس مادري وين اوديها والنتفه موعدها عقب باجر هم لازم طبيب
مخي مفتر افكر في شنو والا شنو

 

[عيالي ذيابه]

هلا ام عزيز
والله انا لاهيه بالتجهيز والحوسه
وولدي للحين ماجهزت له شيً
سنه اولي روضه ... اصلا ماسجلته
ومدري شلون بسجله حدي حايسه

 

[أم عزيـز]

ليمونه وي وعليه جيكي عليها ان شاء الله ماعليها الا العافيه

عيالي ذيابه المفروض من زان تسجلينه تره ما بقا شي على دوام الروضه

انا بنتي روضه خاصه باجر اول يوم دوام احس وايد مبجر بلشوا !!
واليوم خلصت ملابس بنتي الكبيره حق المدرسه مع لوازم المدرسه المكتبيه وافتكيت
باقي ولدي قلت حق ابوه يوديه معاه ويشتريله لان مافيني شده اروح من الصبح وانا اصلا مو قاعده اشبع نوم من السهر

 

[Laymo0ona]

ام عزيز انا بعد ولدي بخاص بس انتوا وايد مبجر.. اهوا 9/9 واحس حيل مبجر مبلشين

 

[أم عزيـز]

اييي حيل مبجر مع انهم تطلوا متأخر !
عطلوا اخر شهر ٦ والحين بلشوا مره ثانيه !
احس عطلتهم قصيره وايد ما مداهم خاصه الجو حااار
بيني وبينج احسن من قعدت البيت خليها تستفيد وتغير جو

 

[كويتية تكفي مية]

انا والله تعبانه الخياط من صوب وعوار الحليب بصدري من صوب بنتي كلش ماتبي ترضع حلمتي صغيره ماتبي تمصها وذبحتني الشفاطه صدري يعورني وتسحب بس شوي نتيفه شقولكم مايعدي رقم واحد ولونه اصفر وادري ان هذا اهم شي ومتضايقه حدي ان مايطلع

 

[كويتية تكفي مية]

بنات صج لا طاح الخياط عادي اسوي كل شي واقعد ع الارض واصير طبيعيه او لما اطلع من الاربعين !

 

[Laymo0ona]

ام عزيز شنو مدرسة ولدج انا يبدون مبجر ويعطلون مبجر جان زين عطلتهم قصير لان بس قاعد ومجابل التلفزيون

دنيا عادي تقعدين عالارض بس يخف العوار بس لاتسوين حركات قويه اتربعيم او تفجين ريولج او اتعصرين عشان ماينفتح الخياط ولما يبرى عدل مدل سوي اللي تبينه