* تجمع موآلـيد شهر 8 و 9 2012 آحلآ مـوآليـد ..

[عهد الغرام]

السسلآم عليكم ورحمه الله وبركـآته :eh_s(8):


هالتجمع حبيت اجمع فيه موآليد هالشهرين .. منهآ نستفيد ( البجريآت والامهآت ) :eh_s(22):

وبمآ اني متشوقه للبيبي حبيت افتح التجمع ونعرف اخبآرنآ وبيبيآتنـآ :eh_s(17):

حيآكم الله نورونآ بسوآلفكم :ggdw:
وان شاء الله بولد بسهآله واجي افضفض هون :eh_s(9):

 

[star_tete]

يزاج الله خير ع هالتجمع
نفضفض فيه

يالله ياامهات حياكم:::::

 

[مهره بلا خيال]

الأمهات بعدهم غاطين يبيلنا نسوي صوت مدافع عشان يجون...

 

[star_tete]

ياجماعه بس بعرف اشلون يقولون اسوي يوم تفريق وسنفره ومادري شنو بوقت النفاس
مثل الوحده اللي قاعده بروحها بشقتها وعيالها اشلون تقدر تخليهم فتره وهي تفرك بالحمام
والا تدهن
وعيالها

وغير هذا احس البرد بيدخل فيها
اشلون
بس ودي اسوي بس بفهم وخايفه بنفس الوقت

 

[النورة]

هلا ستار لا تعورين راسج وايد

كثرة التسبح موزينه في النفاس..بس مايمنع تاخذين شور رافي عالسريييع
استخدمي سنفرة المشمش وصابونة الكركم من الحواي حلوه توخر سواد البطن مع الوقت
لي خلصتي دهني جسمك بيبي أويل ولبسي ملابسك في الحمام علشان مايحوشك هو

الوحده سبحان الله تزهى من الله من بعد النفاس

يارب يوفق الجميع*

 

[star_tete]

يامراحب فيج اختي النورة
والله انا سويت مثل ماقلتي جم سبحه حلوين عدلتني وحسيت اني فرررش بس للامانه لاتدهنت ولاشي البيبي خليته يبي يرضع وعيالي صغار وماقدر اطول بالتفرق
مادري من حجي البنات احس اني مقصره
بس كلش والله مافي وقت
والمشكله انا عند زوجي وحايسه مع هاليهال

 

[النورة]

شدعوه ماذاخذ وقت بس صنفره وصابونه وليبي أويل
ماياخذ منج عشر دقائق على بعظه

الحجي وايد ولا تحسسين نفسج مقصره

كل التوفيق

 

[ام رينـاد]

الله يحفظلكم بيبياتكم

من تجمع مواليد اكتوبر 2011

 

[Miss trfa]

صبااحكم ورد

 

[Laymo0ona]

يعطيج العافيه عالتجمع

بنات منو ترضع طبيعي وهل تعطين البيبي بعد صناعي والا بس طبيعي

بنتي ماتشبع من صدري لازم عقبها شوية صناعي مع اني احسه يطلع وايد وتطول واايد واهيا ترضع منه
وصراحه الرضاعه تعذييييب حلمتي تذبحني مع اني ادهنها بس ماكو فايده

 

[star_tete]

اختي ليمونه كانج تتكلمين عني
بالضبط
دام ترضع منج خليج ع منتي عليه
وماشبعت اعطيها صنلعي وترعيها عزج الله
انا اعطي بيبي صناعي بالليل يشبعه وينام مايقعد وان قعد ارد اعطيه صدري وجذي
شبعته وريحت نفسي
وحزت الاكل اذا قعد اعطيه صناعي بس طووول اليوم صدري
يعني صناعي ثلالث مرات باليوم بس

 

[أم عزيـز]

خوش تجمع الله يعطيج الف عافيه

انا بنتي ولدتها حيل صغيره كيلوين و ٤٠٠ ولما راجعت بعد ١٠ ايام مازادت الا ٢٠ غرام وهالشي ضيق خلقي
لاني كنت اعطيها بس طبيعي بس الدكتور قالي مايكفيها واهي محتاجه تكبر بسرعه
عاد قمت اعطيها صناعي وايد ورضعه او رضعتين باليوم طبيعي والحمدالله زاد وزنها

مع اني احب ارضع طبيعي بس شسوي مجبوره ابي عافيتها ترد بسرعه وتالي بركز على الطبيعي واقطع الصناعي

 

[moz3eja]

بشنو تدهن صدرج و
شالسبب انا بجريه ومتوهقه خل ازهب قبب ولادتي

 

[النورة]

أم عزيز ماعليك من كلام الدكتور كملي عالطبيعي وخلي بس رضعة الليل صناعي حرام افضل الطبيعي

 

[Miss trfa]

اهلين بنات


انا بعد احاول ارضعها طبيعي بس جننتني فكها بارد والحليب يحتاج ترضع عشان يطلع وهي مافيها صبر اقل من ثلاث ثواني ماجاها شي وخرت وقعدت تبجي 
بنات تحسون ظهركم يعوركم لما ترضعون ؟

 

[كويتية تكفي مية]

السلام عليكم بنات مبروك التجمع

انا والده صارلي اربع ايام صدري منتفخ ويعورني حددده وموراضي ينزل الحليب حلمتي وايد صغيره احطها على صدري ماتقدر تمص وشريت شفاطه كهربائيه وهم ماكو فايده مو راضي ينزل الحليب طلعت جم نقطه تعبت بنات صدري وايد يعورني من فوق صدري ومن تحت الخياط مو مترقعه عفيه قولي شسوي ؟!

وبنتي ارضعها وماتترع بس شوي ترجع الحليب وتشاهق وايد هم بعد قولوا لي شسوي !؟
احس وايد محتاسه وضايعه وشكلها بتييني حراره من الحليب اللي بصدري مؤلم بشكل ماتتخيلونه ساعدوني عفيه

 

[أم عزيـز]

دنيا انا اول بيبي كانت حلمتي صغيره وكانت البيبي ما ترضى ترضع
وياتني النيرس بالمستشفى وعلمتني اشلون ارضعها وكانت مو راضية بس بعدين رضعت الحمدالله
ومع استمرار الرضاعه كبرت الحلمه

بس انتي لانج بجر ماراح ينزل الحليب بالمكينه لازم البيبي يرضع شوي لين يدر صدرج وبعدين راح ينزل الحليب
تره المادة الشفافه اللي قبل الحليب هذي مهمه وايد لان كلها مناعه وفايدة حق البيبي

واذا صدرج وايد يعورج ايبي فوطه فيها ماي دافي على حار شوي ومسحي فيها صدرج من فوق لي تحت عشان ينزل الحليب
وترتاحين من التيبس اللي بصدرج

انا مثلج بنتي مو دايما تتريع واطول وانا اطقها على ظهرها عشان تتريع
بس احنا نحاول كل شوي غيري وضعيتها مره حطيها على صدرج اليمين وطقي ظهرها مره على اليسار مره على جنب
وان شاء الله تتريع وتطلع الهوى الزايد اللي فيها

اهم شي اشتري دوا الغازات اسمه غاز بيمبي وايد زي عشان غازات الحليب البيبي اول اشهر يعاني من عوار البطن والغازات

 

[Miss trfa]

انا بعد صدري حيل يعورني ومتنفخ

صدري يصب حليب لدرجه اني ابلل القطنه والستيانه بس الحلمه باااح فتحاول بنتي وماتقدر تهدني وتبجي شالحل بنات

 

[أم عزيـز]

الحلمه مو مهمه البيبي ما يضغط على الحلمه !
البيبي لما يرضع يضغط على المنطقه البنية مالت الصدر ومن هني يطلع الحليب
حاولي بئيدج تمسكين صدرج وتحطينه بحلجها

مثل الصورة

http://www.3waffy.com/home/wp-content/uploads/2011/02/غير-جيد.jpg

 

[عهد الغرام]

نورتـوآ