## تجمع معلمات تعيين يديد##

[jen2n]

ويه يعني حتى لو قعدت بالبيت لازم نظاره شمسيه؟

ولازم جم يوم اقعد بالبيت

لان من النوع اللي امل بسرعه لووول

وايد يمدحون عبدالمطلب بهبهاني بس متردده بالوقت اللي اسويها فيه

ودي افتك وارتاح وبين ما ابي اتأخر عن شغل الوزاره او اسويها بالرمضان واتأذى

 

[jnan]

هلا بنات اذا تخرجت صيفي راح اشتغل كورس اول او لا بليييييز قولوولي

 

[fri2010]

بنات من وين اشتري سبوره وسعرها زين ؟

ودي اتعلم عليها لان خطي ماشاء الله وايد حلو لوووول

 

[jen2n]

هلا بنات اذا تخرجت صيفي راح اشتغل كورس اول او لا بليييييز قولوولي

والله اللي قاعده اشوفه ممكن تشتغلين كورس اول ليش لا:bbbiu:

بنات من وين اشتري سبوره وسعرها زين ؟

ودي اتعلم عليها لان خطي ماشاء الله وايد حلو لوووول

نفس سؤالج بس انبي ابي النوع الكبير كلش

 

[اخت اخوانها]

Jnan: اي في مجال تتعينين كورس اول لأن ديوان الخدمة يتبطل 1\9\2011
ورفيجتي تخرجت بالصيف اللي طاف وتعينت ماشاء الله كورس اول ( الله يوفقج ان شاء الله وتتعينين كورس اول)

فراي و jn2n: انا احص بالمكتبات وبالاسواق الشعبية من الحجم الصغير ( يكفي حق جملة ) للحجوم الاكبرررررر


الله يوفقكم وتحصلون اللي تبون

 

[اخت اخوانها]

احص = احصل

 

[eastfem]

قب علي صدري صارلي يومين طريحة الفراش وماقدر اسوي فحوصاتي هاليومين بنات تعتقدون متى تخلص فترة الفحوصات ويسكرون مبناهم ولا دايما مفتوح المجلس الطبي ؟ يعني محددين وقت معين ولا عادي لاخر الشهر

 

[jen2n]

فراي و jn2n: انا احص بالمكتبات وبالاسواق الشعبية من الحجم الصغير ( يكفي حق جملة ) للحجوم الاكبرررررر


الله يوفقكم وتحصلون اللي تبون

ايه انا شفت الحجم الصغير بس انا ابي الكبير مو الكبير اللي بالمدارس يعني نصها تقريبا

ان شاء الله يبيلي اخلص اغراض المدرسه لاني ما شريت ولا شي

قب علي صدري صارلي يومين طريحة الفراش وماقدر اسوي فحوصاتي هاليومين بنات تعتقدون متى تخلص فترة الفحوصات ويسكرون مبناهم ولا دايما مفتوح المجلس الطبي ؟ يعني محددين وقت معين ولا عادي لاخر الشهر

ويه سلامتج حبيبتي ما تشوفين شر ان شاء الله

اعتقد مالها فتره وما يسكرون المجلس الطبي عادي مفتوح

بس في بنات يقولون حاطين تواريخ ومواعيد انا ما كان جذي !

 

[وحدة من الناس *]

بنات اطلعت نتيجه فحوصاتي ووديتهم للوزاره مع الاوراق

وعطتني وصل المراجعه اخر شهر 8 او اول تسعه من غير تحديد تواريخ

وحجتهم ما وصلنا شي رسمي!

 

[ذكريات عشاق]

ممسساء الخخير يابنات
شلونكم شخباركم

جنان وفراي في الحجم اللي اصغر من النص بالمكتبات تحصلونه

ووحده من الناس والله كل شوي يعطيونا كلمة انا انشالله الخميس بروح اودي نتايج الفحوصات مع الاوراق اللي طالبينها

 

[وحدة من الناس *]

ايه والله ذكريات العبو فينا لعب بس جان زين بعد الرمضان نروح المنطقه التعليميه

 

[jen2n]

ذكريات كل ما اقول حق اهلي عن الاشياء للي احتاجها يقولون لي اشحقا !

والله زين وحده من الناس عطوج نتايج التحاليل امبجر

 

[ذكريات عشاق]

اي والله اهلنا كل ماقلنا شي يقولون شحقنا لا اهم شي يقولونه انتوا ليش مشتطيييييين حححيل
هههههههههههههههههههههههههه
لالالا وحده من الناس راح نراجع المنطقة برمضان
والله يابنات امانة مو احسن لو خلصنا الدورة برمضان علشان من بداية الدوام نكون عارفين مدارسنا ونروح على طول ويكون عندنا فترة نتعرف على الناظرة ونقعد مع المدرسة الاولى ونرتب شغلنا ومكتبنا ونكون تعودنا على الجو المدرسي
ووالله انا راضية اروح الدورة برمضان كلها جم ساعه ونرد ابرك لنا من التحذف من مكان لي مكان

 

[farforaQ8]

بنات بليز ابي اللي عندها فكره شنو بيسئلونا بالمقابله الشخصيه
انا خريجة آداب لغة عربيه وتعينت بالاوقاف بس خايفه اسقط بالماقبله. ابي اعرف التفاصيل ياليت اللي تعينوا قبلنا يعطونه من خبرتهم
ومشكوووورين

 

[farforaQ8]

بنات بليز ابي اللي عندها فكره شنو بيسئلونا بالمقابله الشخصيه
انا خريجة آداب لغة عربيه وتعينت بالاوقاف بس خايفه اسقط بالماقبله. ابي اعرف التفاصيل ياليت اللي تعينوا قبلنا يعطونه من خبرتهم
ومشكوووورين

 

[ذكريات عشاق]

اهلين وممبروك القبول
والله اانا خريجه اداب تاريخ
وكنت خايفه من المقابله بس والله
اهم شي لازم تكونين واثقه من نفسج وماترتبكين...انا كنت ححيل احاتي بس والله لابنات وايد فادوني
وانا قبلوني بالتربية فكانت بالمقابلة اسالتهم
عن المواقف اللي تحصل بالصف والحمدلله كان سهل

بس مقابله الاوقاف والله مادري شلون طريقتها

والله يوفقج

 

[jen2n]

إيه ويضحكون علي خواتي وكله ليش حق شنو من جذي متردده شنو اشتري وشنو ما اشتري قالو لي الدورة من ٨ الى ١٢ ونص ونص ساعه بريك يعني بيكون حر ورمضان أكيد ما راح نتحمل بس متى راح يدامون الطلبه بالثانويه؟

اما مقابله آداب عربي بالاوقاف ما عندي فكره بالمقابله اسألوني بتخصصي

 

[jen2n]

امبي ما ادري اشفيني كل ما اشوف عناوين مواضيع عن المناطق التعليميه احسب ان طلع قرار التعيين مع اني رحت بنفسي الوزرا وقالت لي للحين ما عندنا خبر متى نروح المنطقه!

 

[ذكريات عشاق]

اهلين جنان
شوفي الثانوية يداومون يا 18 او 19 /9 والله مااذكر
يعني لو داومنا 5/9 ونكون مخلصين الدورة برمضان يكون عندنا فترة اسبوعين نتجهز عدل ونعرف شنو يبون المدرسة لان انا اجلت مشتريات المكتبة لي بعد العيد
اي انا الخميس بروح الوزارة وهم بسال الموظفة نرة ثانية وبشوف وانشالله يعطونا الخبر عشان نتجهز عدل ونستعد نفسيا

 

[jen2n]

ايه والله نبي نعرف ونستعد وان شاء الله خير