تجمع معلمات التربيه الموسيقية

[كتكوتة^عيمية]

هاي شلونكم شخباركم انه توني اشوف ان أكو تجمع حق مدرسات التربية الموسيقية
انه مدرسة صارلي سنتين في المرحله المتوسطه بمنطقة حولي التعليمة و انا حاظره باللي تامرون فيه

 

[زهرااا]

فوق لعيونكم

 

[katkooota-q8]

قوه انا كتكوووته رقم 2
شلونكم
انا مدرسة موسيقى برياض اطفال
وصارلي 5 سنين
وزين تسوون ان نتجمع بمكان واحد يمكن نحتاج حق بعض باي شي ونساعد بعضنا
اتصدقون اني كراهه الموسيقى وايد وودي احول اداريه او اطلع من التدريس كله
لايعه جبدي
احسس الموسيقى هم على قلبي مع اني احب الموسيقى وايد بس عقب الشغل كرت الموسيقى
مع ان رياض الاطفال حلو ومافي شغل وايد
بس اكرهه الموسيقى وقت التدريب حق المسابقه ويع
قولولي شرايكم احول اداريه يصير وجم يصير معاشي بس ابي مكان في عطله؟

 

[زهرماريه]

ديييييييييييييد ديييييييييييييد

ويــــــــــــن مدرسات الموسيقى بثانوية بيان

 

[katkooota-q8]

قوه
انا مدرسة موسيقى برياض اطفال وصارلي 5 سنين
واكره الموسيقى حزت المسابقه هم على قلبي
حتى مفكره اطلع من الموسيقى واحول اداريه بس المهم افتك من المسابقه والتدريب
مع ان الروضه شغلها حلو وخفيف واينن واليهال يهبولون ومافي شغل وايد غير المسابقه
انتوا اشرايكم؟

 

[katkooota-q8]

قوه
انا مدرسة موسيقى برياض اطفال وصارلي 5 سنين
واكره الموسيقى حزت المسابقه هم على قلبي
حتى مفكره اطلع من الموسيقى واحول اداريه بس المهم افتك من المسابقه والتدريب
مع ان الروضه شغلها حلو وخفيف واينن واليهال يهبولون ومافي شغل وايد غير المسابقه
انتوا اشرايكم؟

 

[p_ian_o]

كتكوتة شفيج علقتي ههههههههههههه

كتكوتة انتي من وين متخرجة ؟؟؟ وبأي منطقة تعليمية انتي ؟؟؟؟

شخبااااااااااري هالتجمع والله اني نسيته !!!!



شلونكم مع العطلة ؟؟؟؟؟

 

[Galaty]

وااي كنت مخزنه التجمع عندي بالفيفرت كان صحفحه 13 الحين وصل 35
حدي نسيته!!
شخباركم عقب ماردينا داومنا

 

[انا مو هني]

ابلات منو فيكم متخرجه من معهد الدراسات الموسيقيه؟
انا الحين طالبه بسنا اوله توني عايدا السنا لووول
بغيت اسئل عقب الدبلووم في مكان يقبلني اقدر اكمل بكلريووس ولا وت؟
ومشكورين وايد وايد

 

[Galaty]

بنات تتوقعون شبنسوي احنا مدام ماكو نشاط ولا مسابقه؟
اكيد بيزيدون علينا الجدول؟ ولا شرايكم

 

[بدوره 22]

جان زين يلغون المسابقه ويفكووووووووووونا من الهم

 

[Galaty]

انشالله

 

[مشمشه76]

هلا فيكم مدرسات الموسيقا انا خريجة تربيه اساسيه 99 مدرسه في رياض الاطفال المرحله هذي احبها
وكل ما فكرت انتقل ابتدائي اهون مثل ما يقولون امسك مينونك يعني صار لي عشر سنوات واختي الحين صار
لها سنه يمكن عرفتوني

 

[Katkota_46]

شلووووونكم يا أبلات شخباركم

الدوام بعد هالعطله الحلوه يلوع الجبد وخصوصا الاداره وايد شادين حليهم مع المرض

يا خوفي يطلبون منه مقطوعه او اغنيه عن الخنازير

 

[katkooota-q8]

شلونكم بنات
ابي اعرف توقعون راح يلغون مسابقة الموسيقى هالسنه
لان اليهال راح يداومون اخر 11 فمايمدي
متى ندرب بالله
والله مافي وقت
قوليلي محد عنده فكره اذا بيلغون المسابغة هالسنه
ردوا علي بليييز وريحوني

 

[مشمشه76]

والله علمي علمك ما يندرا بس ودي يبلغونا علشان مانجهز ونتعب وآخرتها ما في مسابقه
ناطرين اجتماعنا مع التوجيه والله يستر

 

[Katkota_46]

ما اتوقع راح يلغون المسابقه

ما يحبون يخلون المدرس من غير شغل وكرف وتدريب والخ الخ الخ

 

[Katkota_46]

شلونكم ابلات شخباكم

جم نصابكم يا أبلات الثنوي .؟؟؟؟؟؟؟

 

[Galaty]

ياقردي يا قردي بنات اليوم يتني الموجهه وقالت في مسابقه وفي نشاط وفي كل شي بالدنيا ولازم اجهز شغلي واجمتاع المقطوعه 14 الشهر! واحنا رياض اطفال!
اقولها انزين مايو اليهال شلون بنقي شلون بسوي شبهبب! تقول يمدي يمدي:| وطبعا المخ مجييييييييييييييييييييييييم لان مهيئه نفسي ان ماكو مسابقه والحين بدت المحاتات طبعا وع وع وع وبعد طلبت ورش عمل للي يحب يسوي انا العام مسويا فا مابي اسوي هالسنه مالي خلق لويا

 

[Katkota_46]

ياقردي يا قردي بنات اليوم يتني الموجهه وقالت في مسابقه وفي نشاط وفي كل شي بالدنيا ولازم اجهز شغلي واجمتاع المقطوعه 14 الشهر! واحنا رياض اطفال!
اقولها انزين مايو اليهال شلون بنقي شلون بسوي شبهبب! تقول يمدي يمدي:| وطبعا المخ مجييييييييييييييييييييييييم لان مهيئه نفسي ان ماكو مسابقه والحين بدت المحاتات طبعا وع وع وع وبعد طلبت ورش عمل للي يحب يسوي انا العام مسويا فا مابي اسوي هالسنه مالي خلق لويا

اتوقع راح يلغون حفلات الرياض ويمكن يطلبون منكم ورش ... ما يمدي متى تدربون اليهال