Sogo
هالمجمع انا اموت عليه ولو يهدوني فيه طول اليوم مااشبع ..
عندج الدور الأرضي كله عطور وكولكشنات جديدة...
ومثلا عندنا ينزل بس العطر وتحصلينه هناك كولكشن كامل ..
ووايد عطورات تحصلينهاعندهم وتنزل عندنا عقبها بفترة ..
وفي نفس الدور يسوون عروض وتنزيلات على بعض البضايع، وعروض خيالية لما نجي نتكلم عن الرخص والتنزيلات أكيد نقصد البضاعه الزينه لأن النوعية الرديئة معروفة انها رخيصة ومن غير دعاية ...
المهم عندهم شنط على مستوى دبنهامزاو يمكن هي نفسها اللي في دبنهام وتنباع مابين دينار ونص ودينارين ونص تنفع حق الهدايا ...
وجلدياتهم ماتتعدى 30 ...والله يعزكم النعل حق امهاتنا طبيه عجييييييييبه جبت منها كمية ووزعتها على كل العيايز اللي عندنا ...خخخخ
وملابس حق الأطفال ..خذت بيجامات حق بنتي على 5 رينجت = نص دينار تقريبا ,
ومازالت عندها ولا اختربت ..
وهذا المعرض دايم وكل مره اشوفه ..
وبالطابق الثانى الأدوات المنزلية من أطقم الطعام المختلفة كالملاعق والسكاكين المودرن ،ومااذكر اني مريته لأني مب من محبي المواعين ...
وفى الطابق الثالث الملابس الرجالية والنسائية ماتعجبني وايد ملابسهم عادية جدا ...
والطابق الرابع للأجهزة الكهربائية بجميع أنواعها ،
والطابق الخامس ملابس أطفال حلوة واسعارها مناسبة ....أخر مره خذت مجموعه من الملابس حق العيد والمناسبات
وطبعا مجموعه من المطاعم العالمية ...
و سوبر ماركت فيه جميع مستلزمات المطبخ
