تجمع مسافرات ماليزياااا. شهر 4 و5 و6 و7 /2011

[[[ عيون جابر ]]]

البنات الي بماليزيا الحين شلون الاوضاع؟

 

[white choclate]

عال العال​

 

[semaasem]

وايت والله رفعتي معنوياتي الله يتمم عليكم بالخير ان شاء الله

وترجعون بالسلامة

 

[roobee]

قوه بنات انا ببيننغ. الحين
رحت للهضبه بالقطار...وااااااو عجيبه
رحت لمتحف الالعاب...يضحك
رحت لمصنع الشوكلاته..عبالي كبير طلع محل صغير
فيه قهوة وشوكولاته اخذت منه القهوة لاتيه عجيبه
وجم كاكاو..
رحت للباراشوتات والشاطئ يرد الروح
ومطعم الاسماك الي ع البحر..جو رومانسي
اخذت قعدة جبال البحر ع طول
وفيه حصان يتمشى فيج ع الشاطئ
وباجر اكمل لكم...
بس بشكل عام الجزيرة حلو
والله يستر الجو الحين يبرق؟؟؟

 

[سمردحه]

هااااااي بنات انا بصن وي لاقوووون

شنوووووو الاماكن الحلوه فيه غير المدينه المائيه
وشنوو فيها المدينه المائيه

 

[دانة البحيرة]

عساكم ع القوة بنات

انا ان شاءالله الاسبوع الجاي رايحه كوالامبور ..

سؤال للي في ماليزيا شلون الجو في كوالامبور ؟؟؟

 

[white choclate]

اهلا و سهلا
الجوووو وايد حلوا
رحت اليوم منطقة الشلالات تبعد نص ساعه بالتكسي من كوالالمبور الصراحه عجييييييييبه
الشلالات تهبل نازله من الجبل و عيالي لبسوا مايوهات واسبحوا تحت الشلال و في شواذي و طيور
استانسنا حيل ​

 

[M&&m]

اهلا و سهلا
الجوووو وايد حلوا
رحت اليوم منطقة الشلالات تبعد نص ساعه بالتكسي من كوالالمبور الصراحه عجييييييييبه
الشلالات تهبل نازله من الجبل و عيالي لبسوا مايوهات واسبحوا تحت الشلال و في شواذي و طيور
استانسنا حيل ​

وين صايرة بالظبط شقول حق التاكسي شسمها?
انا ادور شلالات

 

[faith1]

هاي بنات انا حاليا بماليزيا صارلي يوميين وتحديدا بسيلانجور صراحه انصدمت الجو رطوبه وخيسه وااااااااااااي الديره تلوع الجبد ومت من التامس الله يستر باجر بروح لنغاوي وان شاءالله اتكون احسن

 

[M&&m]

جو ماليزيا معروف ان حر ورطبه
بسالج شنو في بسن واي لاقون غير المدينه المائيه

 

[دانة البحيرة]

صن وي ملاهي ومجمع حق التسوق

 

[semaasem]

اهلا و سهلا

الجوووو وايد حلوا
رحت اليوم منطقة الشلالات تبعد نص ساعه بالتكسي من كوالالمبور الصراحه عجييييييييبه
الشلالات تهبل نازله من الجبل و عيالي لبسوا مايوهات واسبحوا تحت الشلال و في شواذي و طيور

استانسنا حيل ​

حبيبتي تنصحيني بالرحلة هذي؟ يعني تسوى؟ لانهم ما مدحوها لي وشرايج بأفاموزا حلوة ولا ماتستاهل؟

ممكن توصفين رحلة الشلالات بالضبط يعني شنو فيها لان معاي عيالي وبونسهم

 

[semaasem]

وايت انا مارحت الشلالات بس ريلي رايح من قبل يقول تلوع الجبد لا حلوة ولا شي

والله احترت..بس هو رايح لها من قبل جم سنة يمكن تغيرت الحين صح؟

 

[دانة البحيرة]

نصيحة لاتروحون الشلالات تلوع الجبد

درب تروحين وتمشين واايد على ماتوصلين فوق

وحرررر واذا عندج عيال لا تفكرين تروحين ...

 

["*آآآنؤؤؤقهـ*"]

الله يسمح دروووبكم

 

[بنت التميمي]

مرحباً بنات أنا نزلت من المطار أجرة تكسي ورحت جينتنق بصراحه برد حدها عجيب ومدينة الألعاب أتهبل لاطوفكم تميت يومين في الفرست ورلد الفندق كبير حيييييل بس عيبه ان فيه سينين وايد عاد ريحتهم أتيب المرض استغفر الله تميت يومين هناك الحين أنا في بينانج الجو رايق وحلو خذنا باص 45 رنقت كراسي مريحه. نزلنا بفندق الهارد روك حييل عجيب حبيته وايد الليله راح اطلع السوق الليلي في مطاعم عربيه ولبنانية وشيشه يعني الخليجي هني يكيف خصوصا مطاعم السي فود حق اللي يحبون الزفره بأجر بكتب لكم عن السوق الليلي *

 

[دانة البحيرة]

عساج ع القوة بنت التميمي

انتظرج بكره ان شاءالله

 

[بنت التميمي]

مرحباً صبايا شخباركم البارحة رحت السوق الليلي في بينانج بصراحه حليو مب ذاك الزود السنااط حلوه حق صوايغ الاكسسوارات التذكارات التيشيرتات حق اليهال يعني في شغلات حلوه وشغلات مبالغ في أسعارها بعد رحت مطعم الطربوش زحمه كان البارح بس وناسه الجو رايق وقعدنا برا اليوم لعبنا جت سكي وركبنا البرشوت ماشريت الاشحاطه في بالي أتسوق من كوالالمبور لأني رايحه لانكاوي وماعندي شحن الا عشرين كيلو اتمنى أني فدتكم بخصوص السوق الليلي *

 

[بنت التميمي]

دانت البحيرة قواج ربي الشيخه

 

[رهاوي]

مرحبا بنات اللي للحين بماليزيا
لا طوووووووووفها القريه الفرنسيه
خيااااااااااااااال
لا وفيها فندق حلوواسعاره حلوه يعني يبيلها يومين
صج صج صج عجييييييييييييبه
والله لا طوفكم