تجمع مسافرات لندن (2013)

[نـعـومـه]

بالنسبه للقطار في من الصبح وكل نص ساعه تقريبا قطار لا تحاتين
الجو برد برد مو اي شي لا تستهينون اعرف طلبه فتقريبا احوال الجو عارفتها
بالنسبه للفنادق جيكي عالسفريات مرات بوكينق فل و السفريات متوفر
كل شي عندنا بالكويت انا يبت حق عيالي جسوه الشتا من هناك والله اكتشفت كل شي متوفر ما تسوا الشحن والعباله والحوسه افتر من مكان لي مكان عشان اخلصهم بالتالي اسم الله على ولدي الكبير متنان شوي الملابس كلها ضيجه و حدا حدا انتبهوا من المقاسات

وييي الله يستر ان شاءالله يكون برد حلووو

وبخصوص الفنادق صح بوكينق مفول فندق ثيستل بس بالسفريات متوفره بس جم غرفه

والملابس اتمنى مايعجبني شي عشان لا اخسر هههههه

 

[نـعـومـه]

وصج الاوت لت وين صاير ؟؟

عن طريق شنوو اروحله ؟؟؟ لندن مانشستر وين ؟؟




وانا اعرف ان من 6 خلاص تخلص الرحلات او 7 !!

انزين في انشطه نسويها عقب ال 7 ؟؟ يعني الكافيهات المطاعم بأكسفورد شلون وضعها عقب ال 6 او ال7

 

[fri2010]

صح بلاك بول تغني عن برايتون وفيها أشياء تروحين لها احلى يعني برايتون مافيها غير ملاهي بوطقة بو لعبتين و عالبحر و اكواريوم وبس ما يسوى العنوان بس بلاك بول فيها الملاهي و السيرك و الدنجوان و متحف الشمع وحنطور عالكورنيش

أما الاوت لت قريب من لندن تروحين عن طريق قطار من محطة ماريبولن اسمها المكان بيستر نورث او بيستر فيلج

 

[نـعـومـه]

بنات في منطقه ريفيه قريب من لنجن شنو تنصحوني عساس اقعد فيها 4 ايام او يومين
تالي ارد لندن

ماعؤف المنطقة اللي قلتي عنها بس سمعت ان منطقه البحيرات ريفيه

 

[نـعـومـه]

بس جنه وايد عليها 4 ايام

 

[.:lady bug :.]

هههههههههه
بدليه قصدي لندن
بلاك بول شكلي بروح لها

 

[نـعـومـه]

هههههههههه
بدليه قصدي لندن
بلاك بول شكلي بروح لها

راح تقعدين بس بلندن ؟؟

سمعت من البنات ان لندن يمها برايتون مدينه ملاهي بس ناس تمدحها ناس لا

ومانشستر يمها بلاك بول اسهل للي بيروج بلاك بول ومنطقه البحيرات هم من مانشستر اقرب

اما من لندن لي بلاك بول ومنطقه البحيرات شوي بعيد

وفي منطقه بعد جنه قريبه من لندن فيها مصنع الكادبوري

 

[لآ بيرلآ]

السلام بنات

سوري ما قريت شئ .. الجو حده متقلب ً.. من قبل امس مطر لي الفير يمكن واليوم الجو حلو براد ..
بس اللي بييون شهر ١٠ أتوقع بيبرد

الحين اقرأ الردود

 

[لآ بيرلآ]

نعومة
الله يسلمج حبيبتي
شوفي القطار كل شوي رايح بس الافضل انتي تقصين تذكرة وقت مبجر عشان مايروح عليج اليوم حرام

والملاهي ماعندي فكرة والله بس اللي اعرفه في اماكن تسكر بس متى بالضبط السموحة ماادري اسألج

واللبس والله مرت علينا برررد وبنفس اليوم دفا و برد ومطر

والكويتيات وااااي ياربي يابنات لاتسوون جذي بليز .. انا مااقول هلقوا بس لكل مقام مقال كشخوا بس عاد مو كععععب و حزااام و تنووورة و توربااان لا حلو على ويهج و لا تعرفين تلسينه
جد يعني خصوصا سالفة التوربان كيفها اللي بتلبس بس اللي ماتعرف و صماخها يصير جنه راس ايلين ماله داعي
وااايد بنات شفتهم يهبلووون اناقة وبساطة و ذرابة واحلى بمليون مرة من هالخبة اللي حتى بالكويت موحلوة .. و الهايلايت من على بعد كيلو يبين اي ليش
و لمن ندش هارودز مادري ليش النظرة الفوقية من اعالي برجها العاجي واقفة عند شانيل جنها تقول ترا مال بابا
لا ترا ماله داعي والله العظيم لمن تقعدون بغودايفا ترا كل اللي حواليكم قاعدين بنفس الكافيه مال داعي غصب طيب تخزوووون و منفسين هاااو يايين وناسة و الا غثا
يازين بعض الناس تشوفينهم تبتسم وتسلم نستانس لمن نشوف بعض ترا عيال ديرة وحدة عادي يعني ماله داعي التفقق على اهل ديرتج
تشوفون اشكال و ارناق بس الحمدلله مثل مانشوف النمونة المليقة نشوف النمونة العسل

 

[نـعـومـه]

لابيرلا


ويييع ملاقه ظاهر ان شوفوني انا بلندن @! يعني اللي جدامج هم بلندن حالها حالج

وعن الجو صح الكل يقول لندن متقلب جوها

انزين اذا في مطر عادي في اتشطه ولا الكل بالفندق وماكو طلعات

 

[أم وصايف]

بنات اقدر أروح لبلاك بول يوم أروح الصبح وارجع لندن المغرب ولا ما يصير
لان سكنا بلندن

 

[fri2010]

راح يضيع عليكم اليوم لان من لندن لي بلاك بول ٣ ساعات

 

[Fajarjar]

​

ويييييع عاد ماحب جذي سوالف كويتيات كعوب وترزز اي والله حلاته السفره عمليه مابي مصخره

وانا تذكرتي على الكويتية السخص 440 مع ريلي 880 والفندق امس طلعت روحنا واحنا ندور نبي بحدود 60 70 مولاقين هالسعر سنع اخر شي حجزنا فندق ثيستل وغرفه خلاص جم غرفه وتفول ب 113 ليله ومانشستر ب 75 ليله يعني حده خذا من ميزانيتنا الحجوزات

برايتون انا محتاره فيها ناس تقول بلاك بول تغني عن برايتون وناس تقول احلى انا بشوف اذا لاعت جبدي من وضع لندن بروح برايتون يقولون ابرد من لندن وساعه جنه بالقطار من لندن

ليجو لاند شنوو ماعرفلها

كمبرلاند مع الاسف فل امس قلت للسفريات عنه قال فل خلاص مادري عاد

الله يسهل علينا السفره

اي حبيبتي من صجج انا حجزت الفنادق من شهر من بوكينج لا و حاجزة ثلاث فنادق ليلحين ماستقرينا شنو نبي عشان نكنسل الباجي

و الحين لما ادش اصلا كله فل و ليلة الكمبرلاند تقريبا 130 دينار! بس شوفي تلقين فنادق ثانية ارخص اذا مايهمج الموقع . لما تدشين بوكينج تطلعين لستة الفنادق حطي عالخريطة و عليها دوري ترا تلقين و موشرط بالاكسفورد في بالنايتسبريدج صوب هارودز انتي حوسي و تلقين ان شاءالله


وبالنسبة حق اللبس حسب كلام رفيجتي تقول اذا بتدشين سوق و اماكن مسكرة لبسي ربيعي و فوقه بالطو ثقيل شوي عشانلما تدشين تفصخين البالطو لان داخل حر . و اذا بتقعدين كله برة بمكان مفتوح لبسي بلوفر ثقييل شوي او خلج عالبالطو لان برد و هوا و طبعا لازم شمسية الصغيرة اللي تنجفس تلقونها هناك بكل مكان و شفت بالكويت بماركس اند سبنسر و طبعا سكارفات تعطي شكل حلو وتدفي و بوتات عن المطر و اللي يلبسون كعوب مايشوفوت شر ان شاءالله :bbbiu:كل واحد يلبس اللي يريحه و اهو واثق من نفسه و اهم شي اللبس مرتب و نظيف و انيق:eh_s(15):

 

[Fajarjar]

نعومة

انتي اذا بتطلعين رحلة من الصبح بتردين شبعانة و بعدين بالليل كل شي فاتح من مطاعم و اسواق اعتقد لي 10 او 11
الاكسفورد - البيكاديللي - اجوار رود - في شارع يقولون توه هابين فيه العرب اسمه كوينزواي اذا ماني غلطانة - تقدرين تروحين البيق بن و الجسر بالليل تشوفين الاضاءات يقولون حلوة

يعني وايد اشياء بالليل تسوينها بس لاتتأخرون برة في بعض المناطق لان في سكارى حشاكم

لابيرلا

استغفرالله اللي جذي قلتي عنهم سواء بالكويت ولا لندن احس مو طبيعيين فيهم نقص و قل ثقة بالنفس و مرض نفسي الله لايبلينا
نسوا ان اللي في قلبه ذرة من كبر لايدخل الجنة
أصلا الناس الراقية اهي البسيطة و المتواضعة:eh_s(7): ​

 

[Fajarjar]

شوفوا ليجو لاند
ليجو لاند​

 

[عروس الدنيا]

السلام .....بنات اذا بنقدم عل فيزا شنو الطلبات للرجال غير الصوره و الابلكيشن ؟؟؟؟ هل يحتاج كشف حساب ؟؟؟ الكويتي اقصد و من غير خادمه شنو ياخذ طلبات معاه ...ردوا علي بليز بسرعه باجر موعدنا

 

[نـعـومـه]

فجرجر


خلاص حجزنا ثيستل ليله ب 113 انا كان ودي ادور بعد بس زوجي مافيه طوله بال كله بيخلص بسرعه يفتك ومانشستر نسيت اسم الفندق بس هم حجزنا

الحين باقي رحلات مادري نحجز من النت ولا هناك

 

[نـعـومـه]

السلام .....بنات اذا بنقدم عل فيزا شنو الطلبات للرجال غير الصوره و الابلكيشن ؟؟؟؟ هل يحتاج كشف حساب ؟؟؟ الكويتي اقصد و من غير خادمه شنو ياخذ طلبات معاه ...ردوا علي بليز بسرعه باجر موعدنا

ويي اكيد عيل رجتو المقابله وخلصتوو ؟؟

طمنينا

 

[نـعـومـه]

فجرجر

اي فندق حجزتو

 

[.:lady bug :.]

بنات ماعرف مناطق بلندن
ريلي نيته 7 ليال بلندن
سوو لي جدول
بهلي لندن للشةبينق
وين اروح قولو لي
اذكرواذكرو المناطق وشنو فيها ماعرفها

ليجو لاند وايد حلوة وينها بلندن