تجمع مسافرات لندن (2013)

[fri2010]

اول روحي مانشستر و المناطق و اخر شي لندن كنسلي البحيرات و روحي بلاك بول و برايتون وترا لندن اقرب لبرايتون من مانشستر

 

[نـعـومـه]

انزين اذا رحت ا مانشستر اول بيصدف ويك اند عندهم اخاف الملاهي زحمه حيل ؟؟

 

[نـعـومـه]

بنااااات قاعده اتصفح بموقع بوكينق اشوف الفنادق

من خلال تصفحي بمنتدى كويتيات لاحظت وايد مدحو ثيستل و كمبرلاند وهيلتون بس اكثر شس ثيستل وشفته حق فتره عيد الاضحى فللل مافي عرف !!

 

[نـعـومـه]

وتخيلو هم فندق راديسون بلو فللل

مادري بالبوكينق طلعلي فل

 

[fri2010]

اي ملاهي بمانشستر شسمها !؟ بس عموما اي ملاهي بالويك ان تكون. زحمة

أما الفنادق فعلا فل لان اللي ما قدر بالصيف بيروح عطلة العيد

انا جربت الكنبرلاند والتيستل الموقع الاثنين ممتاز

بس الكنبرلاند أثاثه يديد بس الغرف ضيييجة

التيستل الأثاث قديم بس الغرف واسعة

والكمبرلاند أغلى من تيستل

وإذا فكرتي تحطين جناطج بتيستل و بغيتي تروحين مانشستر يومين و تردين لازم تدفعين فلوس الحنطة ب٩ و تضر بينها بعدد الأيام

أما كمبرلاند ببلاش

 

[نـعـومـه]

لا موبمانشستر بلاكبول او برايتون لاني بروح بلاك بول عن طريق مانشستر

 

[sweet lady]

هاااااي بنات شلونكم
توني راجعه من لندن صارلي جم يوم طبعا هالصيف حر مو نفس العام طبعا ما ايي عند حر الخليج بس بالنسبه لهم حر ماتعدت درجه الحراره اتوقع 25
المهم الكويت كلها هناك مليانه خليج بليل يبرد الجو الحين برد حيل و مطر الشهر الياي الجو عجيب لا تتوقعين صيفي اخذي ربيعي مع شتوي
نعومه شوفي مكتب اوكي لحجوزات الفنادق اسعارهم معقوله و حلوة وتلقين الفنادق اللي تبينها دقي عليهم جيكي
طلعي رقمهم من قوقل احنا هالسنه حجوزاتنا منهم لندن و باريس

 

[sweet lady]

اهلي بيروحون بالعيد الكبار عندهم فيز اليوم خواتي الصغار راحوا سو الفيز في اي بي

 

[sweet lady]

نعومه متى سفرتكم وعلى اي طيران

 

[نـعـومـه]

عليج بالعافيه السفره

صح سمعت ناس يقولون ان هالسنه حرر وبخصوص جونا اكيد شهر 10 برد بس ان شاءالله برد المعقول


احنا 11_10 سفرتنا

 

[لآ بيرلآ]

قوة بناااات

سوري تأخرت بالأخبار بس واايد انشغلت

المهم

الجو
برد يعني لازم كوت أو بلوفر ثقيل .. اول يوم وصلنا ماااتصدقون درجة الحرارة شئ و ثلاثين بقينااااا متنا حر
ثاني يوم و لي اليوم الجو بارد شفنا الشمس ٣ايام و موطول اليوم ..إذا طلعت الشمس الجو بارد بس حلو
يعني كل وحدة و طبيعة جسمها بس برد نفس شتانا بالكويت و الجو كل ماله ويبرد اللي بتيي شهر ١٠ أبلغكم كل جم يوم بالجو
و مطر كل يوم بس مطرهم ترا مؤ غرررقة لا يعني تتبللين بس رشة المطر ناعمة ما ادري شلون اشرح يعني لازم مظلة طبعا المظلة صغيرة معلقة بايدج أو جنطتج
يعني أنا البس كوت تحته قميص أو بلوفر خفيف مرات بوت مرات فلات ودلاغ شفاف بس كل يوم اتحسف أني مؤ لابسة بوت لان مطر و تتغرق ريلي
أحسن لبس هذا عشان لو بتدشون مكان تقطون الكوت بس لو بطلع وبقعد برا طول اليوم لا البس بلوفر خفيف فوقه كوت و البوت ضروري وأريح لكم وسكارف أو تراينينق ثقيل جذي احسن لبس
المظلات موجودة بكل مكان اللي تنلف مؤ الطويلة هذي تأذي أنا خذيت من جمعية ماركس&سبنسر صغيرونة و كواليتي اللي بمحلات السيفونيرات مؤ ذاك الزود
زحمة وسط يعني بالعيد بيصيرر زحمة مووووت .. الأحد أو السبت المهم ويك اند مرينا أكسفورد زحممممممةةةةة حيييييل خليجيين وأجانب
بس الأماكن الثانية عادي
كلللل شئ موجود خلوا جناطكم فاضية عشان تشترون
تنزيلات ما شفت شئ قوي بس الأسعار حليوة
والبضااااعة حلوة وأشياء شكثرررر

ونصيحة لا تعتمدون عالتكاسي .. الباص سهل والأندر غراوند سهل بس اتتعلمون ً.. بس الباص اونس وأسهل لان تشوفون كل شئ
التاكسي تكلف واااايد استغرب من الناس يعتمدون عليهم وايد أخذوا خريطة الباص شوفوا وين بتروحون نقطة البداية والنهاية وشوفوا الباصات اللي تمر وعرفوا أرقامهم أنا مؤ حافظة أرقامهم ليما الحين بس كل محطة باص مكتوب الباصات اللي تمر شنو ارقامهم
وكل باص شنو الأماكن اللي يوقف فيها وبس ركزوا على اسم المحطة وخلاص بس تركيز بسيط وخلاص

اللي تبونه سألوا اللي اعرفه ماراح أقصر وسلامتكم

 

[نـعـومـه]

لابيرلا


عاد والله فكرت فيج قلت شصار عليها

الحمدلله على سلامتج

ويي انا قايله بيصير برد لايكون اذا مطر يسكرون الملاهي

من ناحيه لبس عادي عندي شغلات شتويه بس اما سوالف هيلاهوب دلاغات ثقيله ماعندي خالاشوف اشتري قبل سفره

والتكسي احنا بنشيله من مخنا قالولنا نار بس بصراحه بنوفر وايد خذت من ميزانيتنا التذاكر والفندق

 

[نـعـومـه]

لابيرلا


عفيه ماتدرين القطار متى اول رحله يودي ؟؟ سواء لندن او مانشستر

يعني متى ابجر شي نقدر نركب القطار ويودينا

 

[نـعـومـه]

وبنات بخصوص الفنادق بصراحه شي موطبيعي كله 100 وفوق ليله و4 نجوم مو 5 و !!

في تحت ال 100 بس موقعهم بعيد عن الاماكن المشهورة او يكون 3 نجوم

واذا الله رزقني بسفرات ثانيه بحاول اسافر فتره موموسم كلش لاعيد ولا بصيف حزه مافيها ناس اهدا واوفر ونلقه حجز على كيفنا وتوقيت على كيفنا

الحين الفنادق والتذاكر نار وغير الفنادق اللي فولت

الله يعين

 

[.:lady bug :.]

بنات في منطقه ريفيه قريب من لنجن شنو تنصحوني عساس اقعد فيها 4 ايام او يومين
تالي ارد لندن

 

[Fajarjar]

عليج بالعافيه السفره

صح سمعت ناس يقولون ان هالسنه حرر وبخصوص جونا اكيد شهر 10 برد بس ان شاءالله برد المعقول


احنا 11_10 سفرتنا

انتي سفرتج معانا انشاءالله
اي فندق بتسكنين وو اي طيران؟ جم طلعت عليكم التذكرة؟

يقولون كل من بيروح هالعيد و نوع الكويتيات و الخليجيات هناك يكشخووون كعووب و شعوور و ماركات واااي لأ انا ماحب هالوضع كلللللش كلللش حلات السفر عملي و مريح بس اللي يشفع ان لبسنا شتوي يعني شكله اكشخ من الصيفي كوت و سكارف :eh_s(15)::eh_s(15):

لابيرلا الحمدلله عالسلامة

عندج فكرة عن برايتون ينفع نروحلها بالبرد ولا لا؟ انا مابي ملاهي لاني حامل بس ابي تمشي و اكل فيش اند شيبس و اشوف سوقهم

و اذا ماعليج امر ليجو لاند جم تبعد و شلون نروحلها؟
منو ساكنة بكمبرلاند وقت العيد عندكم فكرة شنو وضعه؟ زحمة؟

 

[sweet lady]

بالنسبه للقطار في من الصبح وكل نص ساعه تقريبا قطار لا تحاتين
الجو برد برد مو اي شي لا تستهينون اعرف طلبه فتقريبا احوال الجو عارفتها
بالنسبه للفنادق جيكي عالسفريات مرات بوكينق فل و السفريات متوفر
كل شي عندنا بالكويت انا يبت حق عيالي جسوه الشتا من هناك والله اكتشفت كل شي متوفر ما تسوا الشحن والعباله والحوسه افتر من مكان لي مكان عشان اخلصهم بالتالي اسم الله على ولدي الكبير متنان شوي الملابس كلها ضيجه و حدا حدا انتبهوا من المقاسات

 

[sweet lady]

الكمبرلاند على طووول زحمه كله خليجيين لان موقعه ممتاز
بنات في عطوور خاصه بسلفرج مو موجوده بمكان ثاني بلندن و الحلو مو متوفره بالخليج يعني مميز

 

[nbmj]

الكمبرلاند على طووول زحمه كله خليجيين لان موقعه ممتاز
بنات في عطوور خاصه بسلفرج مو موجوده بمكان ثاني بلندن و الحلو مو متوفره بالخليج يعني مميز

احنا سفرتنا ان شاءلله 18/9
بسئلج عن هالعطورات اذا عندج اسمائهم ؟!

 

[نـعـومـه]

انتي سفرتج معانا انشاءالله
اي فندق بتسكنين وو اي طيران؟ جم طلعت عليكم التذكرة؟

يقولون كل من بيروح هالعيد و نوع الكويتيات و الخليجيات هناك يكشخووون كعووب و شعوور و ماركات واااي لأ انا ماحب هالوضع كلللللش كلللش حلات السفر عملي و مريح بس اللي يشفع ان لبسنا شتوي يعني شكله اكشخ من الصيفي كوت و سكارف :eh_s(15)::eh_s(15):

لابيرلا الحمدلله عالسلامة

عندج فكرة عن برايتون ينفع نروحلها بالبرد ولا لا؟ انا مابي ملاهي لاني حامل بس ابي تمشي و اكل فيش اند شيبس و اشوف سوقهم

و اذا ماعليج امر ليجو لاند جم تبعد و شلون نروحلها؟
منو ساكنة بكمبرلاند وقت العيد عندكم فكرة شنو وضعه؟ زحمة؟

ويييييع عاد ماحب جذي سوالف كويتيات كعوب وترزز اي والله حلاته السفره عمليه مابي مصخره

وانا تذكرتي على الكويتية السخص 440 مع ريلي 880 والفندق امس طلعت روحنا واحنا ندور نبي بحدود 60 70 مولاقين هالسعر سنع اخر شي حجزنا فندق ثيستل وغرفه خلاص جم غرفه وتفول ب 113 ليله ومانشستر ب 75 ليله يعني حده خذا من ميزانيتنا الحجوزات

برايتون انا محتاره فيها ناس تقول بلاك بول تغني عن برايتون وناس تقول احلى انا بشوف اذا لاعت جبدي من وضع لندن بروح برايتون يقولون ابرد من لندن وساعه جنه بالقطار من لندن

ليجو لاند شنوو ماعرفلها

كمبرلاند مع الاسف فل امس قلت للسفريات عنه قال فل خلاص مادري عاد

الله يسهل علينا السفره