تجمع مسافرات لندن (2013)

[نـعـومـه]

بنااات ضاق خلقي يقولون في ملاهي تسكر شهر 10 لان برد حيل

بعرف صج شهر 10 وايد اماكن تسكر ؟؟

وين نقدر نروح شهر 10

 

[.:lady bug :.]

لاتكفين
برد حيل

 

[توحه1]

بنات اذا بسافر ١٢يوم حق لندن
كم تكلف للشخص الواحد
تذاكرهم من الكويت لي لندن
على الاتحاد
وكم الفيزا

 

[توحه1]

بسافر باذن الله
بعيد الاضحى اوقبله بكم يوم

 

[نـعـومـه]

بسافر باذن الله
بعيد الاضحى اوقبله بكم يوم

التذاكر شااااابه

محظوظه اذا لقيتي تذكره تحت ال 400

الغيزا العاديه جنه بثلاثينات

في اي بي 58

والصرف موعارفه انا ودي اعرف

 

[نـعـومـه]

لاتكفين
برد حيل

ناس يقولون برد حيل ناس يقولون برد بس حلووو

انا اتوقع براد الحلو لان الحين لندن ظهر دفا يلبسون نص جم بليل براد شوي بس اتوقع على مايي شهر 10 يكون برد معقول

بس لبس شتوي

 

[نـعـومـه]

وناطره رأي البنات بعج بخصوص الجو

 

[أم وصايف]

أنا ان شاء الله رايحه آخر عشره اسبوع وحجزت عالاماراتيه وطلعت علينا التذكره ٢٩٠
بس مادري شلون الجو هناك بها لفتره !!
مؤ مشكله اذا برد بس مابي أمطار طول اليوم جذي مراح نستانس بالمشي

 

[نـعـومـه]

ام وصايف

انا بعد احاتي سالفه الجو هل برد برد ولا برد الوسط

ناطره بنات الخبره يفيدوني

 

[نـعـومـه]

وصج شرايكم بالحجز تذاكر رحلات عن طريق النت ؟؟

شرايكم احسن نحجز قبل سفره من النت ولا لما نروح هناك

 

[.:lady bug :.]

ام وصايف مثلي اخر 10 واسبوع

 

[fri2010]

السلام عليكم

اول امس الصبح رديت من لندن

الجو حررررررر موت اول مرة يصادفني جذي كل مرة بالصيف اروح والجو براده حلو

هالمرة من جميع النواحي غير حر زحمه والاغراض بسرعة تخلص يعني الشي اذا ما شريتيه بنفس اللحظة

انسي تلقينه بعدين

على سبيل المثال اول ما وصلت لندن رحت سيلفردج لقيت جنطة سان لوران وايد زووووغة

قلت اذا رديت مرة ثانية بشتريها واساسا انا حاطة ميزانية

المهم رحت فرنسا عقب مانشستر وشفتها اهناك بس قلت لا اشتريها من لندن احسن

عقب مانشستر رحت جلاسكو وهم شفتها بس قلت لا لما ارد لندن بعد جلاسكو رحت بلاك بول

وعقب رديت لندن وعلى طول رحت سيلفردج وسالت عنها جان تقول لي الموظفة sold out all of uk

ضاق خلقي عاد :/ و لليوم خاطري فيها ان شاء الله تنزل بالكويت

اكثر شي شريته اهناك الميك اب امبي شي مو طبيعي اللي شريته مع اني مو شاطرة بالميك اب ولا احط وايد

بس الانستغرام و فولو لخبيرات التجميل ينني اي شي عندهم وينصحون فيه اروح اشتريه

اكثر شي اللميتد اديشن اللي كودت منه

بريمارك اول اسبوع كان مو شي بس عقب قام يصير زوين بس مو مثل العام

 

[نـعـومـه]

الحمدالله على السلامه

اهم شي استانستي والزحمه يمكن لان الناس حولت من تركيا لي لندن وايد ناس تخلت عن لندن

والجنطه مومن نصيبج ان شاءالله تحصلين احلى منها

بما انج رحتي بلاك بول شنو تنصحينا نروح هناك غير الملاهي ومتى تفتح الملاهي ومتى تسكر ؟

 

[Fajarjar]

Fri2010
الحمدلله عالسلامة
ان شاءالله تحصلين جنطة أحلى
تهقين بعيد الأضحى حر ؟ لاني مادري شودي ملابس وانا حامل اخاف البس شتوي ابق من الحر . قاعدة افكر اودي ربيعي و اشتري جاكيتات مطر من هناك مثلا
بس بنات عندكم فكرة اذا بريمارك عنده ملابس حوامل و مقاسات كبيرة؟؟
يالله حركوا التجمع شوي الخبيرات عطونا أماكن و افكار حلوة هناك؟
منو راحت حديقة جرينتش و جربت تلفريك الاماراتية؟ يسوى الروحة؟ شوفوا هالفيديو
السياحة في لندن - اماكن غير معروفة للكثير " جرينيتش"​

 

[fri2010]

نعومه بلاك بول احلى مكان رحت له و أبرد مكان أهي الديرة فقيرة و تحسين انها مو نظيفة و الاكل الحلال نادر بس وناسة

من الأماكن الترفيهية اللي رحت لها اهناك الليك ديستريك بحيرة حلوة و مدينة الملاهي بلايتشر بيج و السيرك و الحديقة المائية

مدينة الملاهي تفتح من ١١ الى ٦

أما الجو بعيد الأضحى راح يكون حلو لا حر ولا برد بس حطي ميزانية اذا صار برد اشترين من بريمارك


أما الحوامل ما ركزت بس مقاسات كبيرة عندهم من ١٠-٢٠ انا وزني ٦٥ يلبسني مقاس ١٨

 

[نـعـومـه]

وييي تفتح 11 يعني متأخر :/

عيل شنسوي الصبح وين نروح


وبخصوص الجو بعيد الاضحى بالعكس انا خايفه ان يصير حيل برد !!

 

[نـعـومـه]

انزين بنات منو جرب منطقه برايتون ؟؟ شرايكم فيها

هل تغني عن بلاك بول ؟؟

 

[نـعـومـه]

وانا مليت وانا انطر الفيزا للحين مايابوها اليوم التاسع من المقابله

شلون نستفسر مافي رقم ؟؟

 

[fri2010]

تمشي عالكورنيش حلو البحر

ممكن يكون برد انا ما جربت بس أللي شفته بشهر ٨ و ٩ من الحر شي مو طبيعي

برايتون عادية مافيها شي حدها نص يوم احنا رحنا لها عن طريق رحلات جماعية مع اجورد رود

و بلاك بول اونس من برايتون بوايد


نعوووومه لا تهقين ان يتصلون عليج و يقولون لج انها خالصة انتي تروحين بنفسج و تكتشفين اهناك انها خالصة


٤ سنين ورا بعض نروح عمرهم ما اتصلو وقالو الفيزا خالصة احنا نروح لهم ونعرف

 

[نـعـومـه]

بنااات اشوه الفيزا خلصت

الحين باقي الفنادق ونقسم اي مناطق نقعد

شرايكم بنات انا فكرت بلندن 4 ايام ومانشستر 4 ايام عن طريق مانشستر نروح مناطق ثانيه

شرايكم احسن نروح لندن اول وعقبها مانشستر او مانشستر واخر ايام لندن ؟؟

وشرايكم منطقه البحيرات تسوا ؟؟ انا ودي بلاك بول وبرايتون بس بكنسل وحده منهم عشان اروح البحيرات اذا تسوا