تجمع مسافرات لندن (2013)

[om l3yal]

فري تحصلين ال في والشانيل بشارع بوند ستريت من اكسفورد اخذي اللفة اللي بين نكست وزارا وامشي سيدم ال في علا يسارج والشانيل علا يمينج

 

[om l3yal]

سويت ليدي شلونج اخبارج مادري ذاكرتني والا لا
انا ان شاالله سفرتي ٣/٩ بقعد ١١ يوم بروح مانشستر ليلة وبحلل باجي الايام من قلب

 

[om l3yal]

نوف لندن بالكرسمس عجييييبة الاسعار خيال بس الجو زمهرير انا السنة رحت شهر اثنين كنت اثلج من البرد

 

[om l3yal]

ليدي بق ١٥٠٠ ممكن تكفيج اذا بس مشترا وترا مشتروات كل وحدة تفرق عن الثانية انا افرق عن اختي افرق عن بنتي كل وحدة وطبيعتها

 

[sweet lady]

هلا والله ام العيال اي اكيد ذكرتج حبيبتي انا ان شاءالله السبت
بروح لندن اسبوع واطلع باريس وارجع لندن عشر ايام
بس بغيت اعرف شلون لقيتي هالمبلغ تذاكر القطار انا بغيت اخذها من سفريات عندنا طلعت علي التذكره 135 دينار للشخص على قولته درجه اولى
رايح راد لندن بس اللي معاي قالوا وايد غاليه فخليتها من نوصل نحجز القطار لباريس من هناك
مشكلتي ما اعرف احجز من النت ولا حاولت بس لاازم اتعلم

 

[om l3yal]

هلا ليدي والله حصلتها من موقع فيرجن مال القطارات وانا اساسا مسجلة في ويدزونلي ايميلات اذا عندهم عروض
تخيلي بعد ماحجزت اربع كبار وطفلين حقي ب١٢٥£ حجزت حق بنت عماي ثلاث كبار وثلاث اطفال طلعب ١٤٤£
الدنيا حظوظ علا قولتهم
وعليج بالعافية سفرتج بس انا لو شنو ما افكر بفرنسا بالمرة ما رتحت نفسيا فيها

 

[بسمه الم]

السلام عليكم ،،
لندنيات شلونكم شخباركم مشتاقتلكم حيل

 

[om l3yal]

بسوووووومة شلونج اخبارج والله لج وحشة شلون احمداني ها ماصار عنده اخت والا اخو

 

[نـعـومـه]

واي ضيقتو خلقي
صج اخر عشره بتكون مولعه الاسعار

الله كريم

انا ناويه اروح 5 ايام بس شوبينق

واول مره اروح
وماراح اروح الماركات
بس بفتر والي يعجبني باخذه
مصرفي 1500
ب 5 ايام
شرايكم

وي نفس تفكيري خايفه شهر 10 نار

 

[نـعـومـه]

بنات صج هالسنه يقولون الفيزا شي موطبيعي اطول

فرضا بسوي في اي بي شكثر تطلع ؟؟؟؟

 

[دآنة آلرشآيده]

اييي الفيزا حق اوربا السنه الله لايوريج زحمممممه
ويعلون القلب على ماتطلع​

 

[om-3abodey]

هلا بالحبايب المجتمعين بسمة الم وأم الاعيال والدلال فديتكم

 

[مشتطـه]

السلام عليكم


انا حاليا بمطار قطر

ولدي معاااااي تاذيت شوي


انا مضطرة اخذه

 

[مشتطـه]

واااااي لندن يبيلها تفترين براحتج غلطانه اللي تاخذ ياهل بارادتها


الصراحه اذية ولدي عمره سنه ونص الله يحفظة


تمصخرت بالحمام عفر علي ولا عندي احد وتخيلو ابدله واغسله واهو عااافر ماساه

ويبي يتحرك

وترانزيت 5 ساعات بقطرررر


الله يعين اذا ما نام بالطيارة


انا معتمدة عالنوم ادعولي

 

[الدلال]

الله يعينج مشتطه
صاجه ياهل بهالعمر كلش ماينفع بالسفر وخاصه اذا الرحله طويله

 

[الدلال]

ام العيال
بسوومه
ام عبودي
شخباركم وعاش من شافكم

 

[الدلال]

اتصدقون كنت متحسفه اني جدمت سفرتي لان الجو شهر ثمانيه وايد حلو بس يوم شفت الزحمه بلندن قلت اشوه اني مارحت
اهلنا ورفيجتي يقولون زحمة حييييل ماشالله

 

[كاكاووو]

شلونكم بنات .. حبيت اسأل عن الفيزا الحين جم يوم اطوول ع ما تطلع !!

 

[.:lady bug :.]

ماقصرتو حبايبي

زين تنصحوني اي طيران?
واي فندق ابي رخيص ونظيف وامن اهم شي.

استحملوني شوي اول مرة اروح
ومشكورين

 

[sweet lady]

مشكوره حبيبتي ام لعيال شخبارج شلونج
شلونكم بنات
ليدي حبيبتي طيران الخليج يمدحونه واايد و اسعاره احلا واحلا انا ماخذه البرتش و اهلي خذوا الخليج نص سعر اللي اخذته
لا يقولون مو حلو ويذمونه الخليج غيروا الطيران كله يددوه و سفره سعيده