تجمع مسافرات لندن (2013)

[LoOoz]

الـــــله يوفق اللي ترد علي

مين عندها فكرة عن منطقة بيكر ستريت

ايش مميزاتها ؟ لأن شخص رشحها لنا نكسن فيها

و إحنا نبي مكان قريب من الاكسفورد و الهايد بارك أهم شييي

عرفت إن بيكر ستريت يبعد 5 دقايق عن الاكسفورد ,, بس مادري كم عن الهايد بارك

اشرحوا لي عن المنطقة شوي و أيش فيها مميز !

 

[الجيكرآآ]

وعليكم السلام حبوبه
حياج الله معانا :eh_s(7)::eh_s(7):

انا عن نفسي سفرتي ان شاء الله 28-5 لمده 8 ايام
وللحين ماجهزت والله يبيلي جناط ماشريت حق السفر رفيجاتي مدحولي النصر الرياضي ورد تاغ يقولون روعه وتكد مادري اذا احد مجربهم ..؟؟

وجدولي بحطه ان شاء الله بس ان شاء الله تقريبا راح احاول اقطي لندن بنروح لندن اي+ مدام توسو+ بنروح الاوت لت بيكتسر فلج+ وبنروح الحدايق الهايد بارك والريجنت بارك+ وكوفنت غاردن + وبنروح البغ بن واممممممممم ووايج والله ارتب جدولي واقولج
انتي متى سفرتج ان شاء الله؟؟ وحجزتي ولا بعد ؟؟

تروحين وتردين بالسلامه يالغالية
أي حلو جدولج بيستر فلج عجيب روعه شوية عليه
ان شاءالله بالصيف حجزنا عالاماراتية

 

[خشوف]

فديتكم ابي شقق فندقيه مكيفه وامان حق 9 الى 10 اشخاص
عائله مع اطفال بو سنه حق 8/9بعد العيد
واذا عندكم سواقين عندهم سيارات كبيره باليوم

 

[عروسة فوشيآ]

بنات في ميوزيوم ماسمعت احد يتكلم عنه

اسمه

believe or not


حلو وخاصه للي عندهم اطفال


دخلته انا وريلي يوونس


مكانه ماعرف والله اذكر انا وزوجي رحنا له بباص


بدز لكم موقعه مكتوب فيه كل شي

 

[عروسة فوشيآ]

عند البيكاديلي سبركس


Ripley's Believe It or Not! London Attraction at Piccadilly Circus





انا سفرتي اجلناها لي نص يونيو

 

[عاشقة بحمدون]

هلا بنات اناسفرتي 25/6 مدتها 11 يوم تكفي والا شوية

 

[عروسة فوشيآ]

هلا عاشقه

اي يكفي وزياده


انا بعدج باسبوع سفرتي

وراح تكون 7 ايام




ان شاء الله

 

[الدلال]

الـــــله يوفق اللي ترد علي

مين عندها فكرة عن منطقة بيكر ستريت

ايش مميزاتها ؟ لأن شخص رشحها لنا نكسن فيها

و إحنا نبي مكان قريب من الاكسفورد و الهايد بارك أهم شييي

عرفت إن بيكر ستريت يبعد 5 دقايق عن الاكسفورد ,, بس مادري كم عن الهايد بارك

اشرحوا لي عن المنطقة شوي و أيش فيها مميز !

انا احب هالمنطقه واعتبرها قريبه من كل شي
من منطقة المارليبون الراقيه ومن الاكسفورد ومن الريجنت بارك ومن متحف مدام توسو
وحتى الهايدبارك مو بعيده عنها

توكلي على الله وسكني فيها :eh_s(15):

 

[الدلال]

بنات في ميوزيوم ماسمعت احد يتكلم عنه

اسمه

believe or not


حلو وخاصه للي عندهم اطفال


دخلته انا وريلي يوونس

مكانه ماعرف والله اذكر انا وزوجي رحنا له بباص


بدز لكم موقعه مكتوب فيه كل شي

فعلا المتحف حلو وممتع واحنا الكبار استانسنا عليه واليهال بعد
واهو موجود في البيكاديللي

 

[موله الكويت]

عند البيكاديلي سبركس


ripley's believe it or not! London attraction at piccadilly circus





انا سفرتي اجلناها لي نص يونيو

سجلت عندي بروحله ان شاء الله مشكوووووووورة عسوله علا هالمعلومه

 

[موله الكويت]

فديتكم ابي شقق فندقيه مكيفه وامان حق 9 الى 10 اشخاص
عائله مع اطفال بو سنه حق 8/9بعد العيد
واذا عندكم سواقين عندهم سيارات كبيره باليوم

ماعندي فكره حبيبتي انا حاجزة فندق وكل السيرج الي سويته كله فنادق
ان شاء الله البنات مايقصرون

 

[الجيكرآآ]

هلا بنات اناسفرتي 25/6 مدتها 11 يوم تكفي والا شوية

تكفي وتزيد لاتحاتين :eh_s(7):
اهم شي ضبطي الجدول ورحلة سعيدة يارب :eh_s(7):

 

[وسومه الحلوة]

مرحبا بنات
بصراحه يعطيكم العافيه عالتجمع الحلو

حبيباتي حبيت اسألكم انا ان شالله بروح بالصيف بس في شغل قاعده افكر فيها انا معاي ولدي عمره سنتين وطبعاً لازم تكون معاي عربانه له بس شلون عليها بالتنقل مثل الباصات والاقطارات ياليت تفيدووووني



واكون شاكره لكم

 

[ام حنااين]

الاخت اللي سالت عن العربانة مالت الاطفال عادى في مكان بالباص فاضى مخصص لعربانات اليهال وكرسي المعاقين (اسم الله عليكم) لاتحاتين

 

[أم*سلمان]

مفكره اروح لها قبل رمضان

 

[وسومه الحلوة]

مشكووووره عالافاده الله يجزاج خير

 

[د-سوسه]

silver rose....

ستراتفورد داخل لندن بس بعيده اشوي عن الاماكن السياحيه يعني شارع اكسفوروالبيكاديللي ولندن اي ترا كلهم بمربع واحد وقراب من بعض لكن المنطقه هاذي بعيده اشوي اتروحيلها بالاندرقراوند ...
اخذي الاندرقراوند والمول بنفس المحطه يعني بس تنزلين اتشوفينه ..
لكن ...
ديري بالج ستراتفورد مو ستانفورد لان بغت اتصير فيني واروح منطقه ثانيه..:eh_s(7):

 

[مشتطـه]

بنات ترى مو شرط تسكنون قريب خصوصا اذا اثنين

والله العظيم انا و زوجي سكنا بعيد كلش ما تأذينا الحمدلله

بس شوي الاغراض ملوت السوق تأذي ف كنا نحطهم ب كمبرلاند عند غرفة خالتي

بس عادي اللي ماعنده ميزانية كافيه لا يحد نفسه عالضيق



يا حلو لندن وطاريها مع اني مو حاجزة لكن في مشروع اروح نص 8

ويارب يارب يارب اهلي يروحون بعد
تكفووون ادعولي بخااااااااااااااطري اتصادف معاهم بسفرررررررررره
خصوصا اني رايحه لندن من قبل مرتين وبخاطري هالمرة امي واختي وياي يارب


واللي تبي شي تسأل ممكن اقدر افيدها

 

[موله الكويت]

مشتطه
فديت طلتج علينا والله
يارب يكتبلج احلا سفره بلندن لين يطلع من خشمج وتشبعين شتبين بعد
الله يعينج الغربه تذبح ومالومج على ولهج علا اهلج ياحلو السفر مع الاهل واااااي احلا شي
قربت سفرتي يارب يارب يتمم على خير واروح وارد على خير
متحمسه واااااااااااااااااااااااايد باجر 29 يوم بالضبط قاعده احسبها بالايام هههههههههههههههه

 

[موله الكويت]

بنات رحت امس سويت الفيزا
وااااااااااااااااااااااااااااااااااااااااااي مأساه فلم فلم شنو هذا قطع
قصه ولويه
ساعه اعابل بالسايت الخايس مالهم مره معلق ومره مادري شفيه معقد وايد وبطلعه الروح يلا ضبط معاي وعبيت بياناتنا وحطيت موعد ورحلت مع ريلي وماكو زحمه بس اجراءات وتعقيدات مالها داعي كلش
وعطونا الابليكيشن وعبيناه مع صوره وحده لكل شخص خلفيه بيضه وجوازات ومبلغ 37 د.ك
وسوولنا بصمه العين وتوقيع واسئله سخيفه وبس عطوني وصل بعد 5 ايام تخلص
وبالنسبه لولدي لان عمره اقل من 18 سنه لازم اون لاين يتعبه الابليشكن هذا قصه ثانيه طبعا
قلت لريلي كيفك مارد البيت بخلص اليوم مره وحده اصلا ساعه يلا حصلت مكانهم يضيع وايد يصير مجابل البنك المركزي
طبعا اكتشفت هالشي لووووووووووول لان صج والله المبنى ماعليه لوحه ولا يافطه داعوس حدا
فنزلت مكتب تحت اسمه فيزا ايزي روعه للي ماعنده نت ومايعرف يفك روحه يعبون الابليشكن ويحطون موعد وكلشي ب 5 دنانير فانا اشوه حاطه لولدي موعد ماتعطلت بس عبولي الابليكشن اون لاين واسحبوه برنت وادفعت 5 بكرامتي ولا اللويه والدوخه بصراحه
وصعدت مره ثانيه السفاره وقدمته والحمدلله عطوني الوصل كلنا مره وحده بعد 5 ايام استلم الفيزا واخيرااااااااااااااا ​