تجمع مسافرات لندن (2013)

[موله الكويت]

بنات حدكم نايمين والتجمع ميت والمنتدى بكبره يحتضر بصراحه

 

[موله الكويت]

مررحبا صبايا بالنسبه للي معاهم بلاك بيري في لتدن
حبيت استفسر كيف فعلتو خدمته
انا شريحتي o2 ورحت لهم قبل كم يوم ودفعت لهم ع اساس يفعلون لي والى الان ماتفعلت

سألتلج حبوبه وان شاء الله يفيدج هالرد ..

اذا تبين خط علشان البي الي احسن شي تاخذين خط اسمه اورنج وتعبينه 5 باوند وتدقين عليهم يشغلولج الخدمه ب 5 باوند بالشهر تروح من رصيدج وبعد خدمة النت وياها تقريبا هي ارخص شركه بس مكالماتها غاليه يعني انصح تاخذين لج خط اسمه ليبارا تقدرين تتكلمين منه دولي مباشر الدقيقه ب 10 بنس يعني 50 فلس على الكويت وداخل لندن من شركه ليبارا الى ليبارا عندج 100 دقيقه بالشهر يعني عرض حلو واغلب الناس الحين عندهم ليبارا بس ما فيه نت ابدا وما تحتاجين بطاقه ولا اي شي الخطوط محذفه بس اخذي

اما بالنسبه للنت تشترين الوصله ب 35 تقريبا مو متاكده وتعبينها 15 باوند بالشهر تلقينها عند اورنج او تي موبايل وايد شركات وبعد ما تحتاجين لا بطاقه ولا شي

 

[طراوه]

يعططططيييك العافيه اختي موله الكويت ماقصرررتي ������

 

[موله الكويت]

العفو حبيبتي

 

[د-سوسه]

بنات حجزت حق شهر 8 بس السن ليلحين ماحجزته ابي شقق فندقيه ..لقيت mayfair suits عن طريق booking.com
بس مادري ليش ترددت...
في وحده عندها فكره عن الفندق ؟؟ او اقتراح بخصوص السكن؟!!

 

[موله الكويت]

بنات حجزت حق شهر 8 بس السن ليلحين ماحجزته ابي شقق فندقيه ..لقيت mayfair suits عن طريق booking.com
بس مادري ليش ترددت...
في وحده عندها فكره عن الفندق ؟؟ او اقتراح بخصوص السكن؟!!

ماعندي فكره والله

 

[دلوعة العايله]

صباحكم ورد من بلد الضباب
الاجواء بلندن بااااارده بس روووعه
اللي يايات بهالوقت جهزو اللبس الشتوي وياكم وتدفو عدل

 

[مشتطـه]

مرحبااااااااااااا


البلاك بيري كان مأساة معاي

ما اشتغل كنت تي موبايل


دفعت كل شي وما اشتغل والموظفين بقر الصراحه محد يعرف يسويه لي !!!!

 

[مشتطـه]

نعووومه كلش ما اذكرج !!!!

انا تأجل عرسي وصار 3 هههههههه

كان معاكم شهر 12

 

[لندنية]

شخباركم بنات لي مدة طويلة مادشيت المنتدى ,, ولهت عليكم

 

[دموع ألماس]

حجزت لندن اول شهر 7
عندي كم سؤال
س1 اخذ معاي ملابس شتويه؟؟ يعني *هالفتره تكون لندن بارده ولا حاره*
س2 التكاسي غاليه؟؟ ولا سعرها معقول * ؟؟ ويحسبون كل شخص بروح ولا علي المشوار
واذا التكاسي غاليه *شنو المواصلات الممكن نستخدمها*
وهل متوفره بكل مكان؟؟
والمطاعم *شلون اسعارها؟؟ يعني مطاعم هنديه لبنانيه *نفس اسعارها بالكويت ولا ضعف*
السعر؟!*
واسعار الكافيهات نفس الكويت ولا اغلي؟؟

وابي اماكن اروح لها قريبه جنب بعض بيوم واحد يعني *هالاماكن هذي:
شارع اكسفورد
هاروز*
شارع الريجنت
شارع العرب
حديقه الهايدبارك
حديقه ريجنت بارك
حديقه الحيوان*
لندن اي **
برج لندن
بيج بن

 

[خجل..]

بنات انا مسافره لندن وش احلى الاماكن هناك ابي مولات والاوتلت اللي تعرف تقولي

 

[د-سوسه]

دموع الماس ...
لندن أول 7 موبارده لدرجه إن تلبسين شتوي الجو انشالله يكون براد ومطر وغيم لاني بروح شهر 8 ...
شوفي هالسنخ طول عندهم البرد بشكل موطبيعي لدرجة ان ليلحين في ثلج وهالشي ماصار من 50 سنه ...فانشالله تاخذين لبس ربيعي ويكون النهار الجو معتدل يميل للبراد وبليل بارد اشوي تحتاجين سويتر او جاكيت خفيف وتنامين بدون تكييف يعني نفس الكويت شهر 2 قبل ..درجه الحراره تكون 19تقريبا ...

** التكاسي فعلا غاليه مانصحج فيها استخدمي الباص أو الاندرقراوند بنسبه لي افضل الاندر قراوند لاني مافكرت اتعلم عالباص ولان الاندرقراوند بعيد عن زحمه الشوارع فأوصل بسرعه بس يبيله اتكونين اتحبين المشي لان ممرات الاندر قراوند طويله وايد
طريقه الاندر قراوند وايد سهله اتشوفين المحطه الي انتي فيها والمحطه الي بتروحين لها وتاخذين الخط الي يوصل بين المحطتين لماتشوفين الخريطه بتحسينها صعبه لكن اهي وايد سهله ...
انا اتمشى بالهايد بارك ومااحفظ الطريج لان من كبرها اتضيع بس عادي امشيي فيها واستمتع واطلع من اي باب واي محطةاندر قراوند القاها افتح خريطتي وارجع لمكاني..
بس حفظي عندج بالتلفون اسامي المحطات القريبه من الاماكن الي بتروحيلها عشان تعرفين وين تروحين...وهاذي تلاقينها بتقارير البنات او عادي ساليني وانا حافظتهم بس قوليلي وين ساكنه عشان اقولج اي محطه قريبه عليج .
***المطاعم إذا تقصدين الحلال في مطاعم وايد موجوده بالاجوررود أو شارع الكوينزواي كلهم تروحيلهم بالاندرقراوند ووانتي ماشيه تلاقين مطاعم وايد وتسألينهم اذا حلال أو لأيردون عادي .لان عندهم ناس يتحسسون من لحوم الخنازير مشتقاتها .الاسعار نفس الكويت بس طبعا بالكويت كمية الاكل اتشبع اهم اشويه عينات ..في بالمولات مطاعم لبنانيه وهنديه حلال.
عن نفسي اول مره رحت كنت كله اكل من الاجور رود بس بعدها ماقمت احب أحس بالتقييد اكل بمطاعمهم بس اكون نباتيه عشان أستمتع بوقتي بالمكان الي أنا فيه .
*** بالنسبه للاماكن الي ذكرتيها :
الريجنت بارك فيها البحيره وحديقة الورود فيها ورود نادره وفيها حديقه فيها نباتات صينيه ويمها حديقة الحيوان بنفس الحديقه لانها كبييييييييييره وايد فيها مسجد وجامعه بعد .وتقدرين بعد ماتخلصين فرتج فيها اتروحين متحف مدام توسو لان يمهم قريب حيل.

* لندن آي تقضين وقتج فيها وتقدرين اذا رحتي مدام توسو تاخذين باكج تذاكر فيه مدام توسو ولندن اي ورحلة كروز بحريه بالنهر والاكواريوم وفي عروض للعائلات ..أو من لندن اي عادي تاخذينها بس المهم ان لارحتي لندن آي تركبين الكروز وتدخلين الاكواريوم واهناك في متحف رعب بعد إذا تحبين هالسوالف بس أنا ماعجبني بصراحه لأن دخلت المتاحف الثانيه فماحسيته يخرع بالنسبه لي london dangion أحلي ..وفي واحد ثاني جدام london dangion أهو الي صج ايونس ورعب .
* شارع العرب مافي شي مجرد مطاعم عربيه وسوبر ماركتات وصيدليات وفي كوستا وفي سينما بنفس الشارع يعني بس تاخذين احتياجاتج منه .
اتمنى أكون فدتج وأي شي تبينه أنا حاضره

 

[د-سوسه]

خجل...​

بالنسبه للاوتلت أقرب اوتلت للندن اهو بستر فلج اتروحيله بالقطار من محطه مارلبون في منطقه بسترنورث وفي باص بالمحطه ايوصل للاوتلت وكل نص ساعه في واحد يرد الناس للمحطه بعد مايتسوقون ..
أما المولات ففي الويستفيلد وبنسبه لي أنصحج اتروحين ويستفيلد ستراتفورد اتشوفين محطة ستراتفورد بالاندرقراوند والاندرقراوند يوقف بالمول لان المنطقه بعيده فالتاكسي بيطلع وايد غالي ..المول كبييييييير يبيله يوم كامل اتقضينه اهناك ووايد حلو وفي مكان امسمينه the street امسوينه شارع وتمشين والمحلات دارمدارج طبعا المول فيه محلات الماركات والمحلات العاديه أنا اروحله من الصبح لي الليل أشرب قهوتي بالكافيهات وأتغدا هناك في مطعم لبناني واتسوق وادش السينما طبعا اهناك في اشياء وووايد حلال لان المنطقه فيها مسلمين وايد فتشوفين بنات متحجبات عبالج عرب لكن اهم بريطانيين مسلمين ...المول يستحق الزياره .
* طبعا شارع الاكسفورد والريجنت وبوند ستريت كلهم يم بعض وكلهم محلات ...
* بشارع الكوينز واي في مجمع اصغير اسمه الوايتلس حلووهادي وصغير في h&m وزارا ومانقو وماركس سبنسر وفي مطاعم حلوه انتبهي له يمكن ايكون يمج رفيجتي كان يمها وماتدري عنه وتضطر اتروح اكسفورد عشان تاكل بالمطعم الايطالي askواهو يمها .
​

 

[لندنية]

د سوسه كفت ووفت بالشرح والتوضيح يعطيها العافيه ... وبالنسبة للي مايبون تكاسي لانها غالية انا اعرف شخص عربي عنده سيارة بياخذكم اي مكان تبونه

 

[موله الكويت]

د. سوسه ماشاء الله بدعتي كفيت يووفيتي يالغاليه
بسألج انا رايحه ان شاء الله 29-5 شرايج التذاكر افضل من السفاره اهني بالكويت ولا من هناك؟؟
وتعرفين جم اسعارهم هناك تقريبا ؟؟ لندن اي+ مدام توسو
واذا اخذت هالمكانين بس يطلع معاهم رحله الكروز ولا لازم اخذ باكج كامل
واكون شاكرتلج ياحلوه

 

[موله الكويت]

د سوسه كفت ووفت بالشرح والتوضيح يعطيها العافيه ... وبالنسبة للي مايبون تكاسي لانها غالية انا اعرف شخص عربي عنده سيارة بياخذكم اي مكان تبونه

هلا وغلا وووووووووين هالغيبه
حبي السايق شنو جنسيته؟؟ واذا ابيه من المطار للفندق والعكس بس شلون اتفق معاه
انتي مجربته

 

[لندنية]

هلا وغلا وووووووووين هالغيبه
حبي السايق شنو جنسيته؟؟ واذا ابيه من المطار للفندق والعكس بس شلون اتفق معاه
انتي مجربته

الولد اصله عراقي ومضمون طبعاا بيوصلج من المطار للفندق والعكس وحتى اي مكان تبين تروحين .
متى ماتبين بعطيج رقمه وانتي كلميه .

 

[خجل..]

بكم استئجار السيارات هناك لان احس التكاسي غاليه على غير سنع والقطارات كل شي بعيد عنها وامي تعبانه ركبها توجعها ابي مستشفى زين بلندن لركب وياليت اتقولون لي لاني ابي اعالج شعري رحت لمليون الف دكتور عندنا ومازان شعري ابد

 

[موله الكويت]

بكم استئجار السيارات هناك لان احس التكاسي غاليه على غير سنع والقطارات كل شي بعيد عنها وامي تعبانه ركبها توجعها ابي مستشفى زين بلندن لركب وياليت اتقولون لي لاني ابي اعالج شعري رحت لمليون الف دكتور عندنا ومازان شعري ابد

ماعندي فكره والله
ورديت عليج بموضوعج ان شاء الله يفيدج