&& تجمع مسافرات لندن 2012 &&& هيا ونااااسه

[وحدة من الناس *]

كملت التقرير و بانتظار اي استفسار

 

[كويتيه ذربه]

مبارك عليكم الشهر لندنيات

 

[محبه الهآشمي]

رزمة اوجاع : انا يمكن اطول لبعد 8 مادري لوول ..

لندنية : علينا وعليج فديتج .. الحمدلله فطرنا قبل ساعه

 

[ميثا الغريب]

السلام عليكم


مبارك عليكم الشهر. شلونكم.

انا في لندن الحين لي وراء العيد

تكفين محبه شنو شريتي ومتى السيل لان انا وحده اجهز لعرسي وابي اشياء مميزه





واللي تعرف محلات فيها سيل تكتب علشان البنات يستفيدون




جزاكم الله خير
:eh_s(17):

 

[محبه الهآشمي]

وعليج السلام والرحمه فديتج ..
علينا وعليج ياعمري ..

انا بس خذت لفه عالمحلات .. لاني مارحت بعدني لهارودز وترا اغلبهم عليهم سيل فاكسفورد ..
حصلت شنط حلوه ف دبنهامز .. العطور بعد في تشكيله يديده نازله ..
روحي زارا واخذي عطورهم بالنكهات.. ماتتحصل فالامارات لاني سالت ومانزلو بعدهم هناك ..
مكياج بينفيت وحده امدحت لي اضاءتهم راجعي الردود وكذا ماركة مكياج مو موجوده عندنا ..
عطر ارماني الاسود حيييل تخبلت عليه لان ريحته عربيه فيه عود وانا احب العطور العربيه فالمناسبات ..
قمصان بريمارك الشيفونات اختي خذت لربيعاتها كلهن ..
نكست فيه سيل بس الصراحه بضاعتهم ماكانت لهناك .. كل شي فوق بعضه ف ماخذت شي ..
عندج الملابس الداخليه النوعيه الزينه من دبنهامز ووانا خذت لي من ماركس سبنسر بعد ..


وبعدني بلف السوق واذا حصلت شي يديد بخبرج افا عليج عروستنا ^^

 

[وحدة من الناس *]

بنات حطيت يومياتي بهارودز وباجر بحط يومياتي بمانشستر

موجود بقسم تقارير سياحية ​

 

[كويتيه cool]

شكراااا لكل من سأل عني

 

[حنان العيون]

شخباركم شلونكم
و شلون استعداداتكم للسفر

 

[رزمة اوجاع]

باجر موعدنا حق الفيزا انشاءالله تخلص قبل السفره وتكون سهالات

 

[محبه الهآشمي]

رزمة اوجاع بالتوفيج ياعمري وان شاء الله سهالات ..
عن اذنكم المطبخ ينطرني

 

[رزمة اوجاع]

حياتي محبة الهاشمي انشاءالله

 

[محبه الهآشمي]

ابي اروح السوق وكل يوم اقول باجر وارقد للعصر وانش اطبخ الفطور ..

 

[اسرار70]

متى الامساك بلندن

 

[محبه الهآشمي]

الاذان 3 ونص وكل يوم يتاخر الوقت .. بس ماعندي امساك انا ههههه اكل لحد ما احس ان الوقت قرب

 

[وحدة من الناس *]

بنات حطيت بموضوعي بتقارير سياحية عن مانشستر

 

[الكادي 1981]

ياحلووو سوااالفكم ويالله يتممم علينا علي خيــر

 

[رزمة اوجاع]

اميييين يارب

 

[محبه الهآشمي]

امس كانت مباراتنا ضد ارجواي بالاولمبياد وكنت متحمسه واخر شي خسرنا كانت ف مانشستر واابوي واخوي راحو من الصبح ..

وطلعت السوق انا خذت ساعه من ريفر ايلاند لربيعتي وكم ساعه بعد صوايغ لربيعاتي من نكست

عطورات نكست حلوه بعد كـ صوايغ ..

وشنو بعد .. وين رحت امس -.- اي نكست وريفر ايلاند واكسسوريز .. اختي خذت لها شنطه من هناك .. وتعبت لاني صايمه ورجعت البيت

 

[رزمة اوجاع]

ليش مالكم حس
أنا حدي مشتطة عالسفره وقاعده اعد الايام والليالي

 

[اسرار70]

هالله بلندنيات
شلونكم مع الصيام