&& تجمع مسافرات لندن 2012 &&& هيا ونااااسه

[لندنية]

هذا مكانهم بالنسبة للندن بالخريطة بالضبط من اكسفورد

والاندر قرواند هني المحطة القريبة عليهم بس اتوقع بالاندرقرواند يبلها 39 دقيقه ... مو متأكدة

 

[كويتيه cool]

انا سمعت ان يم ويست فيلد القديم

وصج كان العام في مبنى قاعدين العمال يشتغلون فيه

 

[لندنية]

حبيبتي انا مو رايحتله بصراحة بس موقعهم نفسه حاطين هالعنوان وكاتبين انه عنوانهم الجديد

حتى حنان العيون منزلة هالعنوان شوفي اسم المنطقة
Westfield Stratford City

والبوست كود
E20 1EJ

 

[كويتيه ذربه]

كويتيه ذربه انا ١٥-٨ سفرتي
و انتي
و وينكم مسافرات العيد

14/8

 

[q8helwa]

شخبار السوق بنات اللي بلندن الحين

فيه خصومات وتنزيلات والا لا

 

[كويتيه cool]

All the shops on Oxford Street, London

هذا سايت شارع اكسفورد حاط فيه كل محل وشنو فيه

 

[ترف بابا]

لندنية يعطيج العافية كرت الاويستر فظيع - حيييل اقتصادي- بس للشخص بروحه

واذا العايلة منخمس اشخاص وفوق يكلف نفس مشوار التاكسي الواحد داخل لندن

 

[لندنية]

عدل كلامج ترف عشان جذيه اكثر العوائل تاجر سيارة خاصة بالمشاوير البعيدة
بس لاتنسين اذا عائلة 5 اشخاص باليوم الواحد وطول النهار يعني من الصبح لليل يكلفهم الاويستر 35 باوند شامل اندر قرواند وباصات مايعدي هالمبلغ للخمس اشخاص بينما هالسعر مشوار واحد بالتكسي

 

[روح اميمتها]

لندنيه تعبناج معانا والله مشكووووره ويارب يوفقج

 

[روح اميمتها]

بنات كوفنت غاردن يستاهل العنوه وشنو بعد الاماكن السياحيه والاسواق اللي ماتطوف غير شارع اكسفورد والريجنت والباوند ابي غيرهم والمتاحف سمعت انا بعضها ممل صج منو جربتهم

 

[ذويقه]

السلام عليكم يابنااات :*

شلووونكم وشخاركم..؟

خبيرات لندن فيدوووني الحمدلله حجزناالتذاكر وخلصنا عالقطريه..

بس شنوو هذا اسعاار ماربل ارج نااااااااااار وانا من كثر ماشفتكم تمدحوونه حييل دخل مزاجي

يعني غرفتين حق اربع اشخاص من تاريخ 25-8-2012 لي تاريخ 7-9-2012 تخيلوو ب 1197 يمكن بس الغرفه اوحده..!!

يعني جريب الفين وشي بس الفندق..؟؟

بنات ساعدووني ابي فندق نفسه حلوو ومابيه مافيه ناس حلاته فيه خليجيين بس يكون ذرب وزين وقريب من الاكسفوورد

واهم شي سعره زيييييين :=(

بعدي اذا عندكم نصيحه حق الشقق الفدقيه او شي جذي لاتبخلوون علي فدييييتكم :*

 

[tabooLA^_^]

هااااي لندنيااات احنا سفرتنا عقب باجر ان شااءالله حدي مستانسه من اكثر من عشر سنين مو رايحتلها :"(
ابيييي السوووق لوووول
كلكم بتروحون بعد العيد @@ ؟؟ يعني ماراح نشوف احد هناك

بنات بسالكم عن لندن بليل ؟؟ شنو في اماكن حلوه غير البيكاديللي حق عوايل اكيد
اي و السينمات اشلوونهم ؟؟ يفتحون لي بليل و الا لا ؟؟

و اخر سؤال : اشلون على بلاك الكهربا مال شحن التليفونات؟ عادي نفس الكويت ..

 

[حنان العيون]

كويتيه جم يوم بتسافرون
انا 13 يوم باذن الله
و بقعد في مانشستر اول شي بعدين لندن اخر شي

 

[ro7e t7bek]

حنان العيون و كويتية ذربة تقريبا احنا نفس الوقت لول
انا 16/8 وراكم بيومين

 

[Jooryxd]

السموووحه اختي ماسافرت للندن

 

[كويتيه cool]

لندنيه الاندرقرواند له ساعه معينه يفتح ويسكر والا 24 ساعه؟

وهم بالنسبه للقطارات الفيرجن

واذا بغيت اروح منطقه سترافورد حق المجمع عادي اعبي الايوستر زون 1:2 ؟

 

[jen2n]

السلام عليكم

اشلونكم يا لندنيات

بأمر من الله تكنسلت السفرة لاني طلعت حامل

ان شاء الله عالسنه اليايه الله يكتب لنا انا وبيبي سفره

وتروحون وترجعون بالسلامه بناااااااات سلمووولي على لندن​

 

[حنان العيون]

السلام عليكم​

اشلونكم يا لندنيات ​

بأمر من الله تكنسلت السفرة لاني طلعت حامل ​

ان شاء الله عالسنه اليايه الله يكتب لنا انا وبيبي سفره​

وتروحون وترجعون بالسلامه بناااااااات سلمووولي على لندن​

مبرووووك على البيبي
و ان شا الله السنه اليايه
يكون معاج بسفرتج
و اتشريله السوق كله

 

[كويتيه=)]

بنات أجلت السفرة خليتها ورا العيد ايشرايكم مو احسن من الحين بالصيف والحر والزحمه؟

 

[لندنية]

لندنيه الاندرقرواند له ساعه معينه يفتح ويسكر والا 24 ساعه؟

وهم بالنسبه للقطارات الفيرجن

واذا بغيت اروح منطقه سترافورد حق المجمع عادي اعبي الايوستر زون 1:2 ؟

غلاتي الانرقراوند لل12 ونص بليل ويفتح 5 ونص الصبح
سؤالج الثاني اتاكد منه واجاوبج لان انا ماستعمل باصات واندرقراوند