تجمع مسافرات لندن في صيف 2010

[om-3abodey]

هلا والله أم عبودي..عليج بالعافيه الأغراض اللي شريتيها..بس ماأعجبج بعد شي ثاني ؟مادشيتي فندي ؟ انزين أم عبودي من وين المكياج بالآوت لت؟عاد ذاك اليوم بنتي تسألني إذا فيه بالآوت ات مكياج قلتلها ماأتذكر...

مرو والله مادري شسمه
بس هو يبيع مكياج وكريمات وطور
انا شريت منهم فونديشن ماك وشريت القلو فيس من استي لودي وكنت بكمل بس زوجي يقولي بيعي مكياجج الي بالكويت وبدين اشتري :krkrkr: اقوله اهنيارخص
بس امشكلة مرو مو اي لون تلاقينه والفونديشن الي عندهم مال ماك مالقيت الا واحد الباقي كلهم غامجيييييييييييييين وااااااااااايد

أم عبوووودي ديري بالج من هذا اللي يطر هذا عراقي مره تهاوشت معاه أمي يقولها لما رجع جابر الكويت (( قصده الشيخ جابرالأحمد ))

الله يرحمه طردنا من الكويت يقول وإحنا ماسوينا شيء قالتله أمي أول شيء قول الشيخ جابر موجابر حاف بعدين تستاهلون

وتري أم عبودي كل يوم تلاقينه ياإما في ماركسبنسر أو في برايمارك يعني بالعربي يدور كويتيين يقص عليهم نسيت أقول للبنات عنه بس

فرصه دام شفتي ديروا بالكم منه يابنات ولويشتغل أحسن له من الطراره والترزز بالوجه علي أقل مثل باجي العرب في مطعم وإلاسواق تاكسي

للمطار والله يطلع ذهب عاد إهما حق المقصه عند ويهكم توصيله للمطار ب 70 وفوق

اي والله ربوعه شكله يخرع من شفته جسمي كشي وما يتلصق الا صوب اجناط وامس كان لاف نص ويه بغترة
:0bee2e8d89:

أم عبودي إذا بتروحين بالباص شبربوش باص 94 ركبي بالضبط عند المحطه اللي عند البيتزا يم برايمارك

وهامرسميث في بعد محلات حلوه وفرع ثاني برايمارك وماكس تروحين باص 10 باللفه اللي يم البيتزا بعد يم باص التور

وإذا بتروحين شبربوش بالأندرقراوند من ماربل أرش الخط الأحمر تنزلين عند الويسفيلد وتاخذين يمين المحطه مشي 5 دقايق وسئلي هناك

عن شبربوش ماركت

هامرسميث شوي خطها معقد لازم تبديل موحق العليميه مثلج ههههههههه خليج علي باص 10 سيده ليما يصعد مثل جسر موقف باصات

ربوع انا ودي اروح بس مشكلة زوجي ما يبي نروح امماكن بعيدة لانه اخس مني مايدل شي :dddds:

ابييييييييييييييييه شفتيها ام عبود00اتابع ردودها واسئلتها00اقول ياويلها مني بزنطها ههههههههههههه

يبيلها درووووووووووووووووووووس

عادي طوفوا اول مرة ايي طوفوا :dddds: وان شاءالله كل سنة انيي اهني واذيكم بالائسلة :dddds:
عاد امس كنت اقول حق زوجي ها شرايك مصر ولا لندن حسيت انه بغى يكفخني شوي :dddds:

ام عبودي
سولفي لنا عن الاوت لت ترى حدنا متشوقين نعرف .
شلون اغراضه ؟
واسعارة اوك؟

الاوت ليت حلو التمشي فيه ومو كل المحلات موود انا مادري بربري ما عجبني منه غير جاكيت حق بنتي يطلع بالويتي شي و40
وسي كي اخذت لي بالطو طويلاسود ب35 باوند بس حلو مرتب باللبس
وخرابيط جنطة مع بوكها وميدايه واخذت لي من قوتشي ميداليه حق المفاتيح اعجبوني بواكه من قوتشي بس زوجي يقول حجمهم كبير
ب80 باوند وفي ب60 بس ماشراهم
اشتريت من باما تشيرت حق بنتي وتكرمين جوتي رياضه والله نسيت ان ذكرت شي بقولج

 

[om-3abodey]

مرو ان شاءالله ماكو الا العافيه وتروحين لندن انتي وبنتج بس ديري بالكم على نفسكم لان انا كلش ما اتحمل الهوا واهني كان بارد الجو وانا مو يايبه الا صيفي وبلوفر
مرو عادي تحمليني بس عسى حضارة وربوع ما يشوفون سؤالي هههههههههههههه شبر بوش بعيدة عن الويست فيلد ؟؟؟

انزين بنات شرايكم
اشتري الجنطةة ولا لا ال الفي
انا من بالكويت كان خاطري فيها بس مترددة من شغلة ان مافيها سحاب وانا هالموديل الي عاجبني بتقولون ومشكلتج بالسحاب لان انا بنتي اذا فيها سحاب تبطل الجنطة واطلع الاغراض هالمرة من غير سحاب شبتسوي

وبنات امس رحت بوتس شريت منهم شيبس عجيب ومافي كلوري وايد تلاقوهم في بوتس

 

[بسمه الم]

بنااات انا كللش ما عمري طلعت برا الكويت لا سياره ولا طياره لوول والحين لأول مره بالتاريخ بروح لندن باريس اسبوع لندن واسبوع باريس
بنشوف الدنيا
شنو تنصحوني فيه علما بان الميزانيه مو مبحبحه يعني بس نبي نشوف المعالم و نصور نشوف جو غير ديرتنا نشوف الاسوقه والمشتريات بتكون بسيطه خوو كل شي بالكويت بس اذا شي مميز وسعره في متناول الجميع بشتري عرفتو.
مثال
بروح بلندن ساحة الحمام و بيق بين ولندن اي ومتحف الشمع وهم ابي متحف العلوم محد تكلم عنه وينه اللي تعرف عنه شي تسدحه هني و هم ابي اروح خط قرينتش و الفيلج مالت الاوت لت والهايد بارك بعد شنو في اماكن وابي جدول لهالاماكن شنو يم بعض بنفس اليوم وابي شي للاطفال حق بينتي صغيره ايييي بروح لندن زوو والاكواريوم وينها هم ابي اماكن لبنتي مممم
اللي تقدر تسوي لي جدول مشكوورين وحق باريس مع انه مو هني بس هم اللي تعرف تقول انا ناويه برج ايفيل متحف اللوفر وقوس النصر ونهر السين جوله و ديزني واللي تعرف اماكن تقوللي وتسويلي جدول باليوم شنو اماكن مع بعض واكون شااااااااااااااااااااااااكره

حبيبتي انشااءالله رااح اسويلج جدول وادرزلج اياه ,,

 

[om-3abodey]

بسمة صباح الورد شلونج

 

[بسمه الم]

يسلمووو بسمه الم

يسلم غاليج ومغليج حبيبتي ,,

 

[بسمه الم]

أم العيال وينج آنا شابكه من ستاربكس يلا ناطرتج..لابس علشان الانترنت مادري اشفيه عندنا بالبيت فاصل..فقلت خل آخذ لاب توبي وأدش أسلم عليكم وأشوف شخباركم وشنو جديدكم..ألحين اشقلتوا عن وندسور تسوى ؟يعني أضيفها عالبرنامج؟؟ماصارت هذي 8 أيام الظاهر اليوم فيه 50 ساعه وآنا مادري..انزين اشلون نروح لها؟؟انزين بسمه اشلون ليدز موبعيده؟؟آنا بلف لندن كلها ب8 أيام.:ggdw:.ههههه أي هين..والله ياخوفي لاترد سالفة البركان وتتخسبق السفره.:0bee2e8d89:.أم عبودي شخبارج..أنتي لو ماخذتني معاج مو أحسن ..جان أدليج وأخاويج بالسوقه.:ada:.دلي روحج أول ..بس أم عبودي لايكون تردين الكويت من غير ماتروحين بستر فيليج ولاتنسين ويستفيلد مول..انزين يعني بيغ بن ولندن أي مو كافي تشوفينهم من بعيد..جنه حسافه على وقتج يضيع عليهم حلاته هالوقت تقضينه بسوق..لا موقصدي شي بس الأستجمام بالسوق يريح النفسيه أكثر._03ba:.كيفج هذا مبدأي...

ساعتين وربع تقريباااا ,, تهبل ليدز

 

[mr000]

هلا والله بسمه اشلونج شخبارج..ها اشعندج هالفتره..راحه واستجمام وإلا بعدج مشغوله بالكليه؟؟ أم عبودي هو ويستفيلد في منطقة شوبربوش..بس إذا قصدج وينه عن سوق الأحد أو سوق شوبربوش..لا والله مادري ماقط رحتله حدي ويستفيلد...

 

[mr000]

بسمه أنتي تروحين وتردين بنفس اليوم وإلا تقعدين بالويك أند؟؟لأن آنا ماعندي مجال أظل يومين بنفس المكان..انزين من أي محطه قطار رحتي؟؟

 

[بسمه الم]

فديت قلبج

يلييييييييييييت ايي معاج .. انا وايد احب باريس .. ويعجبني سوقهم اكثر من لندن



اي انا بكون نايمه مع بنتي بالمستشفى .. بنطلع من الشقه حاجزين في الملنيوم .. بس انا اقترحت عليه انه ياخذ هالفندق ع اساس انه بروحه منها يوفر و منها انه ماراح يقعد يعني بياخذه لجناطنا .. لانه هو صديقه يدرس اهنيه و يروح معاه شقته دايما .. بيحجز من السايت اللي حطيتيه الشخص بـ 39 :eh_s(6):

حيااااااااج عز تونسيني والله ,, عز قوليلي شراااايج بالفندق؟؟ :tomato2: تصدقين رفيجاااتي لمن حجزولهم الشخص كااان ب 25 و ليش انهم طالبااات صارت الغرفه للشخص ب 22 باااوند ,, بس هذااا كااان بشهر 2 ,, ربي يفرج همكم و يشااافي بنوووتج الحلوه يااااااااارب ,,

 

[الدلال]

صبحكم الله بالخير

شخباركم لندنياات وشعلوومكم

شابكه من الدوام بالبووقه

بس قلت اسلم عليكم

 

[بسمه الم]

بسمه وييينج اليوم مابينتي / mroo / حضاره عسي المانع خير / أم العيال / عز وين رحتي اليوم في بلاد الضباب / كليوبترا نسأل عنج

ووووين الجماعه القروب وين راح

كااني حبيبتي بس بعيد الشر عنج النشله اذبحتني الجو ويييع هالايااام استغفر الله ,,

 

[بسمه الم]

امبيه اليوم الجو مطر رحت على كلام مرو ويست فيلد ورحت سفلردج بس مطر وبرد حسيت عوارر بطني رد انا مشكلت يما تحمل البرد كلش

ربوعه ان شاءالله بجرب الدوا الي قلتي لي عنه وباخذ لي منه حق الكويت

بنات مشتهيه ربيان على قولة زوجي يقولي شنو اتنسي من وين ربيان حلو جيلز حلو ووين صاير؟

حبوووبه احلى ربيااان عندي بلندن اهو الربيااان اللي بمطعم wagamama امبيييه لذييذ ,,

 

[بسمه الم]

مساء الخير بنااااات

شلوونكم وشخباركم

عز الله يقووم بنتج بالسلامه وطمنينا عليهااا

اليوم مادخلت وايد, ولدي الصغير مصخن ومجابلته

وتوني بدخل الا يعلق

ياااعمري مااايشوف شر انشااءالله ,,

 

[الدلال]

ياااعمري مااايشوف شر انشااءالله ,,

الشر ما ايييج بسوومه يالغاليه

 

[بسمه الم]

اي نسيت اقولج دخلي ماركس اند سبنسر بالسرداب الاكل في عندهم ربيان عجيب في البابريكا وفي بالليمون واشكال والوان ينوكل بارد اخذي لج حق العشا وسلطاتهم هم تهبل
ام بدرة شلونج شخبارج انتي متى سفرتج ووين راح تقعدين
دلول ما يشوف شر وليدج انا بعد اليوم ما دخلت والله حايسة مع هالمدارس متا يخلصون ونفتك
سارونة قميضة مما لحقت عليج اليوم كنت حدي تعبانة الظهر قطيت عمري وما وعيت الا المغرب
عز الله يقوم بنيتج بالف سلامة ويطمن قليبج عليها
مرووو احنا شسالفتنا ما نتقابل جنا توم وجيري
حضارة عسا بس المانع خير يا عمري
ربوعة وينج من بعد فصلة الاكل والفندق ذاك اليوم ما بينتي
بسووووووومة عروستننا فاقدينج حيييييييييييييييييييييل

بعد عمررررري ام العياااال ,, ماااتفقدين غاااالي ياااقلبي ,, مشكوووره حيييل عالسؤااال فديتج ,, اشلونج انتي بشريني عنج يالغاليه ,,

 

[الدلال]

الدلال شهر 7 عز السياحه وزحمه لأن 8 رمضان الله يعينكم بس علي قد ماتقدرين حطي جدول تطلعين بره لندن عن

الحر والزحمه موحر وايد بس مومثل شهر 5 أحلي الجو ومووووووومثل الكويت طبعا :q8: علي غبار و snow

حاولي تروحين مانشستر وبرايتون والريف الإنجليزي يكون أحلي الجو وليك ديستريك منطقة البحيرات

تدرين عاد ربووع السنه اللي فاتت سفرتي كانت 30 \7 بس شنو الجو عجيييب مطر وبرااااد يرد الرووح وطلعت كذا رحله برا لندن ,,

هالسنه انشالله مقرره اطلع بعد براا لندن برحلات ..

 

[بسمه الم]

صباح الخير 00عليكم جميعا لندنيات00

حبايب قلبي اللي فاقديني00فديتكم والله مرووو وام العيال وربوع وبسمه وعز00عساكم ماتفقدون غالي ان شاءالله

انا انشغلت بالعيال وشوية ظروف ولله الحمد متعبه قلبي 00ادعولي رب العالمين ايسر اموري وامور عيالي يالغالين00

وامس شبكت وكتبت رد اطووووووووووووووووووووووله وبعدين انمسح00تميت معاكم بدون مشاركه00

ماشاءالله زاااااااااااااانت علومكم وطاااااااااابت اخباركم00مادري شسجل00صراحه الطباعه افضل!

اشتقت لكم وااااااااااااااااايد ياحلوين00

حضووووره حياااااااااااتي ,,منووووره منوووره حوبي ,, اشلونج يالغاااليه ؟؟؟ ولهت عليج ياااقلبي ,, ربي ايسرلج كل امورج يااااااااارب ,, ويخليلج عياااالج الحلووووين انشااااءالله ,,

 

[لميااء]

صباح الخير ع احلى تجمع

انا متابعتكم من العام ويوميا ادش التجمع بدون تسجيل

ما شاء الله عليكم عسى الله لا يفرقكم

بالنسبه حق لندن رووعه رحت لها فوق ال 15 مره

بس لما غيرنا الوجهه ورحنا سويسرا بالتحديد مدينة زيورخ

للاسف لندن طلعت ولا شي <<sorry لاتزعلون مني يا عشاق لندن

عندي خبر يضيق الخلق من جريدة القبس الكويتيه ان البركان راح يثور معاه 35 بركان
ويقولون الخبراء ان المجال الجوي لاوربا كلها راح يغلق لعقود من الزمن

وراح يضطرون لاستخدام الوسائل التقليديه بالنقل <<بواخر سفن يعني نقعد شهور على ما نوصل

يعني فرصتنا هالسنه شدوا الحيل

والله يهنيكم وين مارحتو

تقبلو مداخلتي

 

[بسمه الم]

السلااااااااااااام



ابشـــــــــركم بنتي سوت العمليه اليوم


والحمدلله العمليه ممتازه و كل شي تمام .. كله من رب العالمين


انا الحين بالمستشفى ..

الحمدالله الحمدالله ,, الف الف الحمدالله على سلاااااااااااامت الحلووووووووووه يااااااقلبي ,, ونستييييييني وربي ,, ربي يشااااااااافيهااا و يعااااافيهااااا انشاااااءالله وتشوفينهاااا احلى عروووووس يااااااااارب ,, الف الحمدالله يااااقلبي :hjy5jewf::hjy5jewf:

 

[بسمه الم]

السلام

عز الله يشافي بنيت يارب
واي بنات ديرو بالكم من الاكسفور في واحد مغربي مادري جزاري يطر لا تشوفون حركاته
واسلوبه حده خايس يعني قصب طيب يبيج تعطينه
وزوجي تنرفز جان اقرصه عالشان لا يطولها ومشينا

مرو اي الحمدللهعدا على خير ورحت الاوت ليت وريت لي اكيت من سي كي ماكان في منه الا اثنين عطتني الواحد 35
وشريت مكياج ادمان مياج وعطور وشريت لي نطة مع بوكها وشريت ميداليه من قوتشي

بنات اذا بروح حق شوبرد بوش شلون؟؟
واذا حق الهمر سميث ؟؟

امبيييييييييييه صااااااااجه هذاااا مشهوووور جذااااااب وينرفز ,, بنااااااات ورب الكعبه شفته يتمشى بسلفردجز واهووو كاااااااااشخ حييييييل ,, حتن انصدم اني شفته وجكيته ‍الحقيييير عفيه بناااات ديربالكم ..