تجمع مسافرات صيف2011

[om_7sin]

معااااكم بالتجمع الى اوروبا المانيا والنمسا (ايطاليا او فرنسا ) بروحي مع زوجي وولدي 4 سنين ودي اخذ بنتي عمرها سنتين محتاارة شرايكم اخذها ولا لاء ؟؟؟ واحتمال حماي يروح مع مرتة اييون معانا

 

[q8tiaa81]

انا وحدة عن نفسي ماحب اسافر بدون عيالي ماعرف اقعد احاتي وابجي

 

[كرز أخضر]

معااااكم بالتجمع الى اوروبا المانيا والنمسا (ايطاليا او فرنسا ) بروحي مع زوجي وولدي 4 سنين ودي اخذ بنتي عمرها سنتين محتاارة شرايكم اخذها ولا لاء ؟؟؟ واحتمال حماي يروح مع مرتة اييون معانا

تبين شوري..عمر سنتين يغث بالسفر..اذا بتخلينها عند احد ثقه..احسن لج ولها ماتاخذينها..خصوصا" اذا سافرتي بدون خدامه...تلوع جبج من السفره كلها..والجاهل بهالسن بسرعه يمرض مع تغير الجو..موفقه ان شاء الله.

 

[كرز أخضر]

رد: رد : تجمع مسافرات صيف2011

انا ناوية أوربا لأول مرة محتارة وين بالضبط انا معاي 4أطفال
انصحوني وين أحسن الدول ؟؟؟؟؟؟؟؟؟؟

النمسا.....سويسرا... موفقه ان شاء الله.​

 

[om_7sin]

رد: رد : تجمع مسافرات صيف2011

مشكورون حبيبتي كرز اخضر أنا بحجز حق بنتي وبزهب أغراضها ويشوف لي اخر لحظة أخاف وتحسف اذا خليتها وكل ما اروح مكان اقول جان الحين استأنست واليوم رحنا السفريات وحجزنا عالقطرية ب250 وولدي 4 سنين ب210 وبنتي ب40 شاملة الضرائب شلون الأسعار زينة تري اول مرة اروح اوربا و22 يوم يكفي حق المانيا والنمسا ؟ ويمكن نمر ايطاليا وفرنسا وسويسرا ابي خبراتكم يا خبيرات اوروبا *

 

[om_7sin]

رد: رد : تجمع مسافرات صيف2011

بنات عقبة بغيت اسأل احد مجرب الشطاف ولا الابريج احسن ؟ وكل مكان اروح أخذة معاي ولا شلون قولولي حدي غشيمة بهسوالف*

 

[غديران]

رد: رد : تجمع مسافرات صيف2011

بنات عقبة بغيت اسأل احد مجرب الشطاف ولا الابريج احسن ؟ وكل مكان اروح أخذة معاي ولا شلون قولولي حدي غشيمة بهسوالف*

هلا والله حبيبتي


مبروك عليج الحجز

والله يسهل عليج ويوفقج

بالنسبة للشطاف

أنا مجربة بالسفر شطاف الوضوء وفي نوعين

أنا كنت أحط بالفندق الشطاف اللي ثابت كا يكفي 2 لتر ماخذته من المنتدى


وكنت بالطلعة آخذ الشطاف القابل للطي هم من المول ماخذته

وايد ينفع

وحلو وعملي وسهل استخدامه


والله يوفق الجمع يارب

 

[Samurai]

رد: رد : تجمع مسافرات صيف2011

غديران ممكن اتحطين صورهم ؟
ودي اشتري بس اخاف ما ينفع

 

[كرز أخضر]

رد: رد : تجمع مسافرات صيف2011

مشكورون حبيبتي كرز اخضر أنا بحجز حق بنتي وبزهب أغراضها ويشوف لي اخر لحظة أخاف وتحسف اذا خليتها وكل ما اروح مكان اقول جان الحين استأنست واليوم رحنا السفريات وحجزنا عالقطرية ب250 وولدي 4 سنين ب210 وبنتي ب40 شاملة الضرائب شلون الأسعار زينة تري اول مرة اروح اوربا و22 يوم يكفي حق المانيا والنمسا ؟ ويمكن نمر ايطاليا وفرنسا وسويسرا ابي خبراتكم يا خبيرات اوروبا *

حلوه اسعارها..وطيرانهم حلوبعد..الله يعينج على الترانزيت..خصوصا" اذا اكثر من ساعتين...اذا بتاخذين بنوتج..زهبي وياج دوا للحراره شراب ومضاد اموكسيل بودر.كريم ميبو...من باب الاحتياط..
بالنسبه للمده كافي ..ولو انها بتمر عليج بسرعه لانج بتروحين كذا ديره..لان انا قعدت 25يوم بس طاروا كأنهم اسبوع..موفقه ان شاء الله.

 

[أم@الحلوين]

الله يسهل دربكم عسولات :yaaaaaarb:

والبنات الي طلبوا صورة الشفاط هذا اهو

 

[UniquẼ ♥ ώomaN]

رد : رد: رد : تجمع مسافرات صيف2011

بنات شلون على اسعار التذاكر
منو حجز لفرنسا وسويسرا؟؟

 

[غديران]

رد: رد : تجمع مسافرات صيف2011

غديران ممكن اتحطين صورهم ؟
ودي اشتري بس اخاف ما ينفع

هلا والله حبيبتي



هذا الشطاف اللي كنت حاطته بالفندق

أنا أقولج دفعه مو قوي

بس ينفع وسهل وعملي بالسفر




وهذا الشطاف القابل للطي

كنت حاطته بجنطة بنتي على طول معانا

واااااايد حلو وسهل استخدامه

سامحيني الصور من النت


باجر بحط لج اللي عندي :eh_s(15):

 

[q8tiaa81]

رد: رد : تجمع مسافرات صيف2011

هلا بنات شلونكم ام حسين زين سويتوا والله على الاقل بنتج تحت عيونج وماتحاتين لابد من شوية تعب وحنة بس شنسوي بعد يحلات عيالي كلهم معاي بالسفرة الفرحة تكمل احسن ماكو انا بمكان واحاتي عيالي حتى لو كانوا عن امي مادري غير منو يطلعهم منو يشوف طلبتاهم يمه ماقدر ماعليه طولت عليكم غديران انا جربت شطاف الوضوء دفعه وااااااااايد ضعيف كلش موشي عندي الابريج احس احسن واريح ولاشرايج

 

[غديران]

رد: رد : تجمع مسافرات صيف2011

q8tiaa81

هلا والله حبيبتي

أي صح دفعه ضغيف

بس يأدي الغرض

بس لازم على طول تترسينه ماي عشان الضغط يصير أقوى شوي

 

[om_7sin]

رد: رد : تجمع مسافرات صيف2011

مشكوووورين بنااات والله شكلي باخذ بنتي ولان ولدي بروحة راح يكون بالسفرة ابي اخذها علشان يستانس وياها وحماي ومرته معانا يساعدوني عليها شوية لان ماعندهم عيال الله يرزقهم انشالله وحبيبتي غديران شكلي بشترتي الشطافين نفسج بس انا سامعة عن هوز يتركب بالمغسلة شسالفتة احد مجربة ؟؟؟؟ وبنات بغيت اسأل احن منطقة لسكن بألمانيا وييين ؟؟ انا وايد اسمع عن سالسبورغ ؟؟

 

[MiSs SwEeTNeSS]

رد : تجمع مسافرات صيف2011

هاااي بنااات شلونكم؟
احنا حجزنا روحة حق مانشستر والردة من لندن عالبريطانيه
سعر التذكرة 350 تقريبا .. لقينا عالاماراتيه ب 260 بس ترانزيت مالنا خلق .. البريطانية تروح دايركت .. بس اول مره بنروح عاد انشالله نستانس
اللي تقدر تفيدني بأماكن وسوقه حلوه هناك اكون شاكرتلها جدا يعني :eh_s(15):

 

[miss-nonitaa]

السلام عليكم شلوونكم انا راسي صد من التفكير كل يوم اقرر مكان مره لندن مره ماليزيا مره امريكا بس الحين قاعده افكر بميونخ منو بتروح ميونخ ابي اعرف سعر التذكره جم والسكن هناك بحدود جم لأن لندن الصراحه نااااار فوق ال 100 دينار بالليله وانا كل سنه لندن احس مليت ردي اغير ومابي السكن غالي وايد عشان بستانس بالمصروف شرايكم شلون ميونخ انا قبل جم سنه كنت بزيلامسي ورحنا ميونخ بالسياره حق المطار يعني ماشفتها بس مطارها تنصحوني فيها واي طيران ارخص

 

[Samurai]

ام حسين انا بخاطري المانيا السنه هذي .. واذا الله كتب بأجر سياره مدة اسبوعين لقيتها ب 187 دينار نوع أوبل .. بموقع Budget
واحتمال اعتمد على الايفون بالنافيقيشن .. نزلت برنامج توم توم (أوروبا) وكاني قاعده اسجل فيه الأماكن والاحداثيات .. ولقيت له القاعده اللي تلزق على الجام .. وماشي 100%
وحاطه بالخطه البلاك فورست .. وفي بالي بادن بادن .. ومنها رحلات يوميه ل بحيرة تيتسي(ساعه ونص) وستراسبورغ(فرنسا ساعه) وممكن الاوتلت اللي في شتوتقارت (metzingen ساعه ونص)
وبعدها اقعد كم يوم في انترلاكن أو اي قرندلوالد (تبعد 3 ساعات عن بادن بادن) اخذ جولات يوميه ما حددت للحين
وبعدها ان شاءالله ميونخ (عشان بنرد من المطار) او اي قريه قريبه منها ..

مادري هذي للحين أفكار مبدئيه ..

 

[Samurai]

السلام عليكم شلوونكم انا راسي صد من التفكير كل يوم اقرر مكان مره لندن مره ماليزيا مره امريكا بس الحين قاعده افكر بميونخ منو بتروح ميونخ ابي اعرف سعر التذكره جم والسكن هناك بحدود جم لأن لندن الصراحه نااااار فوق ال 100 دينار بالليله وانا كل سنه لندن احس مليت ردي اغير ومابي السكن غالي وايد عشان بستانس بالمصروف شرايكم شلون ميونخ انا قبل جم سنه كنت بزيلامسي ورحنا ميونخ بالسياره حق المطار يعني ماشفتها بس مطارها تنصحوني فيها واي طيران ارخص

على اللوفتهنزا ب 180 دينار
الفنادق الافضل روحي موقع بوكنق وبحطلج كل الاسعار وشوفي تقييم الاشخاص له

شوفي هذي الشقق

http://www.staymunich.de/en/index.html

سعرها حلو بس ما عندي فكره عن موقعها ! اذا قريب من السنتر أو بعيد

عموما ترى اسعار فنادق ايبيس حلوه حاولي دورين عليها Ibis

 

[Samurai]

وشوفي هذي .. جديده بتفتح في مارس ويمدحونها واسعارها هم بعد حلوه

Adagio Muenchen City

دوريها في بوكنق