تجمع مسافرات تركيا صيف 2012

[شذى الدعوه]

ايييه بالاخبار بالتلفزيون

بالجنوب الغربى لتركيا

الله يستر تونى حاجزه اليوم
ومافيه مجال اكنسل قالولى تروح التذكره عليج على التركيه
الكويتيه تأخرين وتغيرين الوقت عادى فديت الكويت بكل شى

 

[قهوووه]

الله يسترر...

 

[عيش و ملاس]

مناطق الجنوب الغربي بعيده عن اسطنبول ( الشمال الغربي)*

 

[الغزال الجافل]

مرحبا بنات شخباركم ان شاء الله نويت اسافر لتركيا بس اني خايفه لاني اول مره اروحلها ومع قروب ان شاء الله
بسأل اللي راحولها شلونها شلون شعبها شنو الاماكن الحلوه باسطنبول وبورصه وباي سفريات بتروحون

 

[GhaiR_iLNaS]

قوة بنات شلونكم.. شلون الجو في تركيا هالوقت
انا باخذ ولدي معاي و أخاف اخذ كله صيفي و يبرد... خبيرات بتركيا فيدونا حبايبي

و اللي سامعين عن فندق كونراد شلونه؟ اهوا في اسطنبول
و مشكورين

 

[مهره 76]

مرحبا ياحلوات سفرتنا في 26 \6 وبنقعد في بورصه ويقولون انها بارده بالصيف يعني 10 ايام فيها ودي اروح اوزنجول خالي راح لها
ويمدحها حييييل بس زوجي مايحب تنقلات

 

[بيرلا ستور]

تجمع روعة
تسلمون عالمعلومات انا بعد بعشرين بسافر باذن الله هالشهر
الجو شلون؟؟ باسطنبول بنزل وبروح بورصه

 

[eng-khadkhad]

بنات عفية يا خبيرات من اسطنبول الى يلوا جم ساعه والى بورصه جم ساعه ومنو فيهم تسوى اروحلها يوم واحد بس ووين اروح فيهم ؟؟؟؟ يزاكم الله خير حبيباتي

 

[عيش و ملاس]

بنات عفية يا خبيرات من اسطنبول الى يلوا جم ساعه والى بورصه جم ساعه ومنو فيهم تسوى اروحلها يوم واحد بس ووين اروح فيهم ؟؟؟؟ يزاكم الله خير حبيباتي

روحي بورصه 3 أيام و خصصي يوم واحد حق يلوا ، من اسطنبول إلي بورصه بالعباره ساعه ونص

 

[السدرة]

مرحبا بنات
انا في بورصه عندي لكم فندق جديد نظيف احلى من فندق الميرا
اسمه جولد ماجيستك عنده تقاطع الاشاره وداير حواليه مجمعات
وكارفور احنا ماخذين جناح بغرفتين وكبيره حيل بنتي حبته وطاحت فيه
تصوير

 

[السدرة]

بنات شلون احط الصور ؟؟؟

 

[GhaiR_iLNaS]

شدعوة محد رد علي !!

فندق كونراد سامعين فيه ؟؟؟؟ يم التقسيم و شارع الاستقلال ولا بعيد ؟

و الجو شلونه برد ولا حر ؟

 

[¤§ زيتونة §¤]

السدرة
هذا يديد صح؟
وفي بعد جم فندق يدد حلوين وذربين


احنا سكنا ديفان يهبل الصراحه وحطيت جم صورة له بتقريري



واكتشفنا هالمرة عبارة اسرع من اللي كل مرة

تطلع وترد على مودانيا لبورصة سريعه ومغطاه وتهبل جنج بطيارة

احسن من اللي قبل نركبها بوايد اللي تنزل بيلواا قاصين علينا شطول طريجها وممله الصراحة ههههههههههه



وعليكم بالعافية حبايبي السفرة

كان ودي اكون معاكم لكن الحمدلله على كل حال

 

[¤§ زيتونة §¤]

الجو الحين حلو بارد وحلو ليل نهار

سواء باسطنبول او بورصة

 

[شذى الدعوه]

بنااات حطوا لنا جدول لــ 16 يوم الاكثر بكون بورصه لان واحد تركى قال باسطنبول ماراح تستمتع كثر بورصه



زيتونه حياااتى ممكن تفيدينا

يعنى نقول عشره بورصه والباقى اسطنبول


الخبيرااات ساعدونااااا

 

[¤§ زيتونة §¤]

هلا حبيبتي شذى الدعوة

اي انصحكم ببورصة تخلون مدتها اطول من اسطنبول

الجو احسن لانها جبلية اساسا فباردة اكثر من اسطنبول
الاماكن وايد
مجمعاتها حلوة نفس مستوى مجمعات اسطنبول رااقية وكشخة
الحديقة حلوة حق قعدة الليل اليومية
الجبل والتلفريك
الشلال الكبير والصغير كل واحد يوم
منطقة مودانيا البحرية عجيبة قعدتها وفي بطريجها جم مجمع حلوين
الشجرة التاريخية قالو عنها البنات بس انا ما رحت لها

يعني الافضل تخلون مدة بورصة اطول من اسطنبول


هذا رايي ولكم الاختيار


وشوفو تقارير البنات يمكن تشوفون اشياء انا ماعرفها لاني ماقعد باسطنبول بالصيف كلش لكن بالشتا شي خيالي تهبل


وعليكم بالعافية


شرايكم بنات تدورولي حجز وايي معاكم اصير مرشد سياحي معاكم ههههههههههههههههه

 

[عيش و ملاس]

بنات أعرف وحده حالياً في اسطنبول تقول زحمه مو طبيعيه خصوصاً بعد الأوضاع السياسيه في بعض الدول العربيه والأسعار مرتفعه حيل فكل وحده لازم تزيد ميزانية سفرتها

 

[¤§ زيتونة §¤]

عيش وملاس

اي من قلب الزحمه مو طبيعية ترا حسبو حسابكم بتلاقون كل العرب هناك هههههههههه

وعن الغلاا اهي غالية اصلا الحين حيل بس شنسوي نبي وناستنا

حبوها الناس من المسلسلات التركية اللي كل مسلسل يطلع لنا منطقة يديدة واحلى من الثانية

انا بخاطري صج صج لي رحت لها اروح كابادوكيا اللي خطفو نور وودوها لها هههههههه نفس الكهوف فنادقها تونننننس

 

[عيش و ملاس]

خبيرات بورصه لو سمحتوا بغيت أعرف شنو أحسن شوارع أو مكان للتسوق هناك ، وايد أسمع سوق بورصه أحلى من اسطنبول طيب وين بالضبط أبي تسوق ملابس بس ومشكورين مقدماً

 

[يمه فديتني]

مرحبا بنات
انا في بورصه عندي لكم فندق جديد نظيف احلى من فندق الميرا
اسمه جولد ماجيستك عنده تقاطع الاشاره وداير حواليه مجمعات
وكارفور احنا ماخذين جناح بغرفتين وكبيره حيل بنتي حبته وطاحت فيه
تصوير

قوه حبيبتي

انا حاجزه بنفس الفندق وخايفه منه شلون الغرف وشنو اقرب مجمع منه
وهل قريب من الاماكن السياحية هناك ؟؟؟