مرحباااا حبيباتي انا الحين اكتب لكم من اسطنبووووول
وهذه اول زياره لي لتركيااااا
واحس جني ضااايعه:bbbiu:
ابي الاماكن اللي تستاهل العنوهوشلون ارووح لها بالضبط يعني تفصيلي عن طريق الندر جراوند
انا ساكنه بتقسيم واحنا ماراح نطول عشان جذي ابي الاماكن باختصار
حاجزين ليلتين اسطنبول ليلتين بورصه ليلتين اسطنبول
شلووون الجدول بليييز وماوصيكم اهم شي ابي ملابس العيد حق اليهال وين الاقيها وابي الاسواق الرخيصه والحلوه يعني اكسسوارات _ بيالات شاي و.............. جني مصختها...وزودتها .....
لا خلصت بس ابي احسن المطاعم لأنا اليوم كلينا بمطعم في شارع الاستقلال الله يزيد النعمه
يلااااااااااااااااا بناااااااااااات بسرعه ردوووووووا مافي وقت ................بليز.............:RoadRunner:
في اسطنبول
أول شي روحي جزيرة الأميرات حلووووة واااايد شلون تروحين لها ؟؟؟؟
من محطة الأندرجراوند إللي في منطقة تقسيم تقدرين تروحين محطة كبتاش من هالمحطة تعبرين الشارع على طول بويهج تصير محطة السفن إسمها كبتاش .. آنا أنصحج تروحين بالعبارة البطيئة أونس وأرخص بواااااايد روحي طلعي من الفندق على الساعة 10ونص على ما توصلين وتحجزين ..من توصلين بتلاقين ناس تتكلم عربي وإنجليزي سأليهم عن العبارة البطيئة..بس زحمة إذا ما تحبين الزحمة روحي بالسريعة ....الجزيرة وااايد حلوة ...وإذا وصلتي الجزيرة سألي عن مكان الحصن لازم تركبينهم وناسة حصان مع عربانة ...
روحي بعد من نفس محطة الأندر جراوند للمجمعات
شوفي تقريبا كل محطة تنزلج في مجمع
يعني عند منطقة ليفنت تلاقينه مكتوب عند باب الأندرجراوند ..تنزلين منها إلى مجمع مترو ستي
من مجمع مترو سيتي إخذي تكسي يوديج مجمع استينا بارك هذا المجمع عجيب وقريب من مجمع مترو سيتي وبعد عندج مجمع كانيون قريب منهم
عندج بعد من نفس محطة الأندر جراوند تركبين وتنزلين في محطة sisti-mecidiykoyهني في مجمع جواهر
حلو وكبير من تنزلين من المحطة تدشين المجمع ..المجمع فيه باب للأندرجراوند ..هو مع مجمع متروا سيتي
عموما من عند راعي الحجز مال الأندر جراوند قولي له إسم المجمع وهو يقولج وين تروحين
وداخل الأندرجراوند لا تنزلين إلا وإنتي سائلة هذا المكان ولا لأ
عنندج بعد من نفس المحطة تروحين لمنطقة سلطان أحمد ..شلووون ؟؟
تركبين الأندر جراوند إلى محطة كبتاش جنج رايحة جزيرة الأميرات بس أول ما تنزلين تركبين قطار فوق إسمه الترام وي
أول ما تركبين تسألينهم عن المساجد سألي راعي التذاكر هو يقولج
عموما من تركبين عند الباب كاتبين المناطق من ضمنها كاتبين بالإنجليزي plue mosqe هني نزلي وتمشي المنطقة روووعة ولا تنسين الكاميرا..لا تخافون تمشوا وتمشوا وتمشوا وروحو عند المساجد وبعدين هم مشي سألوا عن السوق المصري المسقف تمشوا فيه ...هذي المنطقة تراثية حلووووة ..بعدين ردوا نفس الطريقة
الترام وي إلى محطة كبتاش هناك تشوفين علامة الأندر جراوند تركبين إلي تقسيم
عموما مدام بس يومين باسطنبول ..أنصحج تروحين الصبح مبجر من الأندرجراوند إلى محطة كبتاش تزورين هناك جزيرة الأميرات وإنتي رادة لا تركبين الاندرجراوند ...ركبي الترام وي إلى منطقة المساجد وقعدي لي الليل وناسة
واليوم الثاني روحي للمجمعات نفس الطريقة إللي قلتها لج
في بورصة
اليوم الأول روحي لجبل أولداغ هناك وناسة وتشوي على كيف كيفج وروحي السوق المسقف عندهم حلو وروحي مجمع جواهر
اليوم الثاني إخذي لكم سيارة توديكم مجمع حلو إسمه كوربارك ويوديكم الشلال حلو ويونس ومنظر طبيعي مو موجود عندنا
وكل يوم بالليل روحوا ريحوا بالحديقة الكبيرة اللونا بارك ..قعدوا عند البحيرة والقهاوي ريلااااااااكس ....روحوا الألعاب بس عند الألعاب إزعاج شوي
في أماكن حلوة وقريبة من بورصة بس يومين ما يمديكم تروحون لهم ..مثل منطقتنا تيرمال وجزيرة يلوا ..بس للأسف ما يمديكم
على فكرة آنا اكلمج من تركيا من مدينة ترمال ...الجمعة إن شاء الله تعالى بنروح اسطنبول
أتمنى لج رحلة سعيدة ....موفقة يالغالية
7
7
<<< ما صدقت 
