تجمع مسافرات امريكا (2013) بأذن الله

[الشامريه]

الله يعينج ام نور :'(

 

[كبرياء اميرة]

قوه خواتي

بسافر لامريكا اول مره وخايفه بروح لشيكاغو شرايكم فيها وشنو اهم شي فيها

وانا متنقبه شلبس هناك

وتنصحوني وين اسافر بعد بولايه قريبه من شيكاغو

 

[غلا امها111]

عندج منسوتا قريبه من شيكاغو وهم بعد ويسكانسن

 

[أم نـور]

يعين الجميع ان شاء الله


انا هم بعد متنقبه بس ما بلبس هناك لا العباة ولا النقاب

بس كل الملابس اللي جهزتها وسيعه وفضفاضة وقمصان طويله لحد الركب

ستيرررررة حيل
​

 

[أم نـور]

بنات نصيحه لا تحجزون عن طريق اكسبيديا حتى لو مجربينه من قبل

دشوا موقع الطيران نفسه وحجزوا احسن لكم

احنا سحبوا فلوس التذاكر المكنسله

وللحين ما رجعوهم وهقوونا

لاهم رجعوا لنا الحجز وأكدووه

ولا رجعوا الفلووس

وشكلهم بيتاخرون وبوهقوننا
اكسبيديا قاطينها على ايرتران

وايرتران يقولون كل من غلط اكسبيديا

كل واحد يقط السبه على الثاني



حسبي الله عليهم من موقع
​

 

[أم نـور]

شخباركم امريكيات

شكلكم كلكم مشغولين مع رمضان

محد فيكم قربت سفرته ؟مثلنا



ساعات اقول لا يكون نروح هناك وما نشوف خليجيين هناك !!

ما اشوف في احد مخطط يروح امريكا بعد العيد !

لا يكون بخلونا بروحنا هناك
​

 

[الشامريه]

احنا سفرتنا بعد العيد ان شاءالله

بس للحين السفاره ما خلصوا جواز ولدي

 

[أم نـور]

احنا سفرتنا بعد العيد ان شاءالله

بس للحين السفاره ما خلصوا جواز ولدي

احنا بعد ما خلصو جواز أبوي

ولا يفوتكم بعد بقولكم عن مغامراتنا و
تجربتنا

قلنا خل نطنش الطلب القبلي وخل ناخذ موعد 2 لأبوي

وسوينا ابلكيشن يديده للأبوي ومليناها وخذنا له موعد

واليوم مفروض المقابله

رحنا انا وهو ودخلنا وكل شي تمام لحد وقت اخذ الأرقام للمقابلات

الا يقولون لنا ما يصير لازم ينتظر لطلبه القبلي


:eh_s(2):

لا حول ولا قوة الا بالله

الله كريم وتطلع فيزته قبل السفرة
:yaaaaaarb:​

 

[أم نـور]

انا كنت ادري ان كل المعلومات مسجله برقم الجواز لأن لما نتصل لهم كانو يطلبون رقم الجواز

بس قلنا بنجررررب حظنا يمكن يصير وتمشي السالفه هالمرة
​

 

[noufb]

بنات مبارك عليكمالشهر

شلون اصورحق الفيزا اذا انا متحجبه مو فاهمه

 

[جواهر روعة]

السلام عليكم
ام نور اي والله وايد مشغولين ....
نوف ,,,, عادي روحي المصور وقولي لهم ابي صور للامريكية و لازم تطلعين جبهتج كلها بالصور ولاتبتسمين

 

[أم نـور]

نوووف الصور عاديه

لا تحاتين بس لا تبتسمين وشوي حاولي تطلعين جبهتج كامله

والله صورنا مال الفيزا كلناااا مصخرررةة


هههههههههههههههههههههه


صايرين كأننا أرهابيين بدون ابتسامه


​

 

[مشتطـه]

ما قريت كل الصفحات

جناط مايكل كورس سعرها يهبل ورخيص وموديلات روعه

عجبتني جنطة تلطلع ب 67 كويتي حدها رخيصة

والاوت لت بفلوريدا للامانه مادشيته لان رحلتي بدووون تسوق ابدددددددددا كانت

 

[مشتطـه]

ام نور بالنسبة للتنقلات احنا مأجرين سيارة ومعانا قارمن ونتنقل بسيارتنا للي نبيه

 

[الشامريه]

ياجماعه انا ماحجزت الفنادق

محتاره في فنادق نيويورك

ماريوت ولا ذا بيرل ؟؟؟؟؟؟؟

 

[Pink_Roses]

انا بسفرتي الأخيرة قعدت بذا بيرل الصراحة الغرفة وايد كبيرة مقارنة بفنادق نيورك والفندق صغير فما في لوية وحوسة نفس باجي الفنادق والموقع عجيب انصحج فيه

 

[أم نـور]

مشتطه ​

عاد تصدقين التجمعات اللي قبل يمدحون واايد بالأوت لت مال اورلاندو ومعذورة يا حبيبتي اذا انتي عايشين هناك

صح انا بسوي مثلج بروح بس بشوف الديرة بدون سوق
​

مع ان
أكرة شي بالدنيا تسافرين سفرة بدون سووق
احس بتعذيب نفسي اذا سويتها ​

انا لما اسافر مع ريلي ما اتسوق لأن يطفررررني بالسوووق
:eh_s(4):
ف ما اقرب صوب السوق بالمرة ​

بس سفراتي مع اهلي اهد رووحي واخذ راحتي بالسوق
:eh_s(9):​

 

[أم نـور]

اي فندق هذا ؟؟ اللي تتكلمون عنه بنيويورك ​

ما قط شفته بسوي له سيرج اللحين ولو ان خلالالاص حجزنا ودفنا فلوس فندق نيويورك بالذات ​

باقي الفنادق ​

حجزناهم من موقع بوكنغ يعني ندفع هناك ​

انا لما سويت بحث عجبني موقع فندق w ​

وحتى فندق رينيسانس ​

واحسهم أرقى من الماريوت ​

بس دبليو ما ينفع لنا باب الحمام لكم الكرامه شفاف !!​

بس رينيسانس موقعه واايد ززين يم الكراسي الحمر ​

وراااقي

طبعا انا ما قط رحت بس يبين بالخارطه ان موقعه ممتااااز
​

 

[الشامريه]

انا بسفرتي الأخيرة قعدت بذا بيرل الصراحة الغرفة وايد كبيرة مقارنة بفنادق نيورك والفندق صغير فما في لوية وحوسة نفس باجي الفنادق والموقع عجيب انصحج فيه

قررت احجز ذا بيرل في نهاية الرحله اخر الليالي

وابي احجز دبل تري بالبدايه لانه بووسط التايمز

 

[الشامريه]

ام نور

اتذكر انه فندقكم التعليقات اللي في بوكينج مو زينه

الحلو في ذا بيرل انه شامل الافطار واكشخ منهم بس مافي لوبي تحت

وانا لاحظت الناس يشتكون مافي ثلاجه في فنادق التايمز

ذا بيرل في كاونتر صغير غلايه ومغسله
حيل عجبني