تجمع مسافرات امريكا (2013) بأذن الله

[الشامريه]

اي احسن اوت لت نيويورك ولا لوس انجلوس؟؟؟

 

[q8 nono]

بنات من يعرف شكثر طريج من نيويورك الى اورلاندو او ميامي بالسياره ؟؟؟؟؟!!!!!!!


و سؤال انا حاجزه طيران داخلي عن طريق موقع اكسبيديا. !! يصير اغير بالحجز ؟؟!!!

 

[أم نـور]

q8 nono ​

انا اللي اعرفه ان الطريج مب اقل من 13 ساعه
:ch12: ​

عشان جذي كل يقولون الآحسن تروحون من نيويورك لأورلاندو بالطيارة اريح ​

واذا تبين تروحون بالسياارة ​

لازم توقفون بالطريج ​

جوفوا لكم منطقه يمدحونها الناس
بالطريج وبيتوو فيها ليله ​

الشامريه ​

ترة وايد يمدحون أوت لت نيويورك
اللي اسمه ود بيري مادري شنو اسمه :eh_s(15):​

 

[مشتطـه]

الطيران الداخلي انا رحت على اير تران روعه بالنسبة للي سالت الطيارين ماشاءالله يوصلون قبل الموعد
شكلهم دايسين ههههههههههه والطيارة مريحه مو بوطقة

و جت بلو بعد يمدحونها

و اليونايتد تهبل للداخلي بعد هذول اللي جربتهم


بالنسبة لخط التلفون خطي انا و زوجي

at&t

أفضل شركة مريحه وماتوهق واشتغلت معاي ب 3 ولايات يعني اككيد تشتغل ب باجي الولايات والانترنت حلو


تي موبايل يذمها زوووجي حيل

 

[مشتطـه]

مادري روحي بطيارة اقرب و اريح لج ساعه ونص او ساعتين بس


شلج بتعب الطريج والمحاتاة

عاد ماكو شبّات بالليل وطريجهم يخرع بليل

 

[أم نـور]

خلاص عيل
أن شاء الله أول ما اجوف بجوف

at&t

:ggdw:

أهم شي النت عندي
​

 

[Pink_Roses]

انا بسفراتي لامريكا استعمل خط تي موبايل بالعكس الخط مافيه شي والانترنت سريع انا اخذ البكج 70 دولار للشهر مكالمات مجانية داخل امريكا والانترنت غير محدود اشتري الخط من نيورك وعادي يشتغل داخل كل الولايات يعني لما رحت فلوريدا و نيفادا وكاليفورنا والينوي يشتغل مو محدد بولاية وحدة

 

[Pink_Roses]

بنات من يعرف شكثر طريج من نيويورك الى اورلاندو او ميامي بالسياره ؟؟؟؟؟!!!!!!!


و سؤال انا حاجزه طيران داخلي عن طريق موقع اكسبيديا. !! يصير اغير بالحجز ؟؟!!!

انصحكم تروحون بطيارة لان المسافة طويلة اذا بالطيارة 3 ساعات انا كلش ما حبيت السفر بالسيارة حدة متعب

 

[smaillips]

بس الافضل من شبكة تي موبايل at&t لان انا حاليا في ويست فرجيينيا وخطي تي موبايل واخذته من واشنطن واشتغل معاي في نيويورك وفرجيينيا لكن بولايتي ما يشتغل معاي

 

[جواهر روعة]

صباحووووو

انا مابي اسولف الا لما اخذ الفيزا اخاف اخب عمري و تاليها ماكو فيزا ,, باجر مقابلتنا و الله يسهل

ام نور بشري ... الوالد للحين ماردوا له خبر ؟؟؟

 

[Pink_Roses]

اي احسن اوت لت نيويورك ولا لوس انجلوس؟؟؟

الاوت لت اللي بنيورك ميزتة الوحيدة ان في ماركات اوروبية بس بضاعتهم قديمة مار عليها سنة كاملة يعني ما تحصلين كل المقاسات موجودة والصراحة ماشفت عنهم شي يسوى

بس عيب هالاوتلت ان زحمة دور عشان ادشين المحلات ودور عشان تدفعين والواحد ما يقدر ياخذ راحتة ويطالع

 

[أم نـور]

جواهر ​

تفائلوا بالخير تجدوه
:eh_s(7):​

أن شاء الله يا حبيبتي على طووول يوافقون لكم وعقب يومين الجواز بالفيزا عندكم ​

كلكم ​

لا تحاتين ​

ان شاء الله سهالات ​

:yaaaaaarb:

​

وعن أبوي والله شكلهم ناسيينه
لأن ما في تحديث بموقع السفارة أبد ماكووو شي ​

الله كريم ​

بنك روزز ​

وه وه وه ​

زحمه وطوااابير على المحلات وعند الدفع بعد
@@​

ليش هالكثر الزحمه ​

شدعوة
:eh_s(4):

لا يكون كل شي يبيعونه ب 100 فلس !!!
:bbbiu:​

 

[noufb]

بناات تكفوووون ونسووني انا ولادتي باذن الله شهر ٩ يعني اذا بسافر عندي من شهر ١١ لي حدي شهر ٢ شلون الجو مناك انا بخاطري اورلاندو اروح ديزني ولاس فيغاس ونيويورك

 

[مشتطـه]

اورلاندو بشهر 3 متنا من البرد يتنا موجة برد فظيعه خربت رحلتي


يعني كل المناطق اللي قلتيها حييييييل بارده بتكون


اذا لج نيه خليها اول 11 يكون البرد توه بادي

 

[جواهر روعة]

ام نور

رحت و رفضوا يعطونا ... بطت جبدي

 

[smaillips]

ليش عاد ارفضو غريبه بالعاده يعطون بس اطول اشوي
ان شاء الله خيره لكم وعسي ان تكرهو شيءوهو خير لكم.

 

[أم نـور]

ام نور

رحت و رفضوا يعطونا ... بطت جبدي

لالالالالالالالا

:rgewrg:


ما أصدق

ليييييش اكيد في اوراق قاصرة

أو الفلوس بالرصيد ما تكفي لالالازم في سبب

نفس موضوع السعودي اللي حطيت لج الرابط

مال موضوعه

حسبي الله عليهم على هالسااالفه الماااصخه
:eh_s(14):
​

 

[جواهر روعة]

ام نور ... ماقالت شي بس قالت سوري مااقدر اعطيكم فيزا ومشينا ... مادري شسوي ...الحين فكرت اقدم مرة ثانية ب مافي مواعيد لغاية شهر 9 كله فــــل ودي ابجي

 

[أم نـور]

ام نور ... ماقالت شي بس قالت سوري مااقدر اعطيكم فيزا ومشينا ... مادري شسوي ...الحين فكرت اقدم مرة ثانية ب مافي مواعيد لغاية شهر 9 كله فــــل ودي ابجي

غريبه ما يصير مني والدرب ​

لازم في شي غلط بالموضوع ​

يالله خيرة من رب العالمين ​

عسى ان تكرهوا شيئا وهو خيرا لكم ​

الله كريم

:eh_s(2):​

 

[جواهر روعة]

الحمدلله على كل حال ... بقدم على كندا و اشوف شنو يصير ... بنفس الوقت كلمت واحد من السفارة قال لي اول شهر 8 بيصير تقديم الطلبات عن طريق مكتب ووقتها بيفتحون جدول المواعيد فنصحني اقدم اول 8 و بنطر لوقتها و اقدم مرة ثانية

و الله يقدم اللي فيه الخير

تدرين قالوا لي حظكم مو حلو لآن اللي قابلتنا 90% من الناس ترفضهم ... كانت امريكية شقراء بشباك رقم 7