تجمع مسافرات امريكا (2013) بأذن الله

[أم نـور]

رحنا السفارة اليوم من التفكير ما قدرت ارقد ورحت مواصله ​

ما نمت ولا نص ساعه ​

دخلنا التفتيش على كل شي كل شي وممنوع ندخل بالشنطه داخل :eh_s(4):
وحتى الفايل اللي فيه اوراق التقديم بعد فتشوه
:eh_s(1):​

و بعد ممنوع تدخلون تيلفوناتكم داخل :bbbiu:​

وكانت المقابله سهله وايد
أول شي نحط الأربع اصابع لليد اليسار بدون الأبهام
وبعدها الأربع اصابع لليد اليمين

وبعدها الأبهامين مع بعض

وسألونا ​

وين بتروحون وانتوا قروب ؟​

وبتروحون فلوريدا وبتودون اليهال ؟​

ولأن كنا كلنا حريم ​

سألت أمي راح يروح أبوكم معاكم ؟

قلنا لها اي وهو قدم قبل 3 اسابيع وللحين ما انقبلت فيزته تحت الأجراءات الأداريه ​

نقززة ​

قلنا لها شلون هل لازم نتصل للمراجعه عن فيزا أبوي ؟؟​

الا تقول لالالا تتصلون اذا خلصنا الأجراءات راح يتصلون عليكم ​

صادنا أحباط ​

بس ان شاء الله بعد 3 ايام راح نستلم فيزنا كلنا ما عدا ​

أبوي

ان شاء الله يتصلون فينا قريب

:yaaaaaarb:​

 

[جواهر روعة]

ام نور الف مبروك انج خلصتي المقابلة و ان شاءالله تطلع فيزة ابوج و ترتاحون
انا ان شاءالله هاليومين بروح اصور و ادش اخذ موعد من الموقع .... بس شنو الاوراق الي طلبوها منج و انتي هناك ...؟؟؟؟
و هل دشيتوا كلكم مع بعض يعني اخذتوا موعد واحد ولا كل وحدة بروح ؟؟؟

 

[أم نـور]

ام نور الف مبروك انج خلصتي المقابلة و ان شاءالله تطلع فيزة ابوج و ترتاحون
انا ان شاءالله هاليومين بروح اصور و ادش اخذ موعد من الموقع .... بس شنو الاوراق الي طلبوها منج و انتي هناك ...؟؟؟؟
و هل دشيتوا كلكم مع بعض يعني اخذتوا موعد واحد ولا كل وحدة بروح ؟؟؟

هلا حبيبتي جواهر ​

الله يبارك فيج :eh_s(22):
بس للأسف فرحتنا بحصولنا على فيزا ناقصه :eh_s(11):​

ان شاء الله تتيسر فيزا الوالد ونكمل حجوزاتنا على خير
:yaaaaaarb:​

ويالله كملي اوراقج بسرعه ​

بسرعه ترة حررقه اعصاب معاهم على التأخير ​

:eh_s(14):​

الأوراق المطلوبه طبعا انا ما أشتغل بس اللي اعرفه واللي طلبوهم منا عند الكاونتر
حساب بالبنك
يغطي تكاليف الرحله وحطي تحتها ألف خط
لالازم يكون الحساب بالبنك يغطي المصاريف
مب قاصر ​

وتكون ورقه الحساب مختومه ​

والصور ​

وشي يثبت انج تشتغلين اذا كنتي تشتغلين ​

وطبعا كلكم بمواعيد ​

ولا تغلطون غلطتنا
رحنا أول موعد على اساس ان كلنا بندخل
لأن كلنا قروب ​

ولأن الموعد كان بأسامي الرياييل ​

فصار الموعد بس لهم وكلنا
قالوا لنا أخذوا موعد مرة ثانيه
:lkmnkl:​

وطبعا تأخرنا 3 اسابيع على ما حصلنا موعد
لازم لازم لازم
كل واحد موعده بروحه
وابليكشن بروحه
ووقت اللي تدخلون أوراقكم
طبعا راح يعرفون انكم قروب ​

ووقت المقابله
كلنا رحنا بنفس الوقت ​

حتى هم يعرفون ان احنا قروب ​

لما نادوا على رقمنا ​

قالوا رقم كذا وكذا وكذا وكذا ​

يعني عاارفين ان احنا قروب ومفروض كلنا مع بعض ​

:eh_s(15):​

والله يسهلها عليكم ان شاء الله
:yaaaaaarb:​

حشى داشين امتحان
لووووووووول ​

 

[جواهر روعة]

ام نور ضحكتيني على سالفة الامتحان
انا اشتغل فاحتاج اخذ ورقة من الدوام و زوجي نفس الشي ... بس بنتي عمرها 3 سنوات تهقين لازم تروح معانا ؟؟؟

 

[عذوق]

السلام عليكم

بنات انا مسافره امريكا شهر 8 ان شاءالله
ااطيران البرتش انا وزوجي وعيالي ثنين صغار
حيل خايفه من الطياره شنو بيسوون فيني
شنو تنصحوني فيه ؟

النيه ان شاءاالله نروح
نيوويورك ، اورلاندو ، لوس انجلوس

اول مره نروح واافيزه طلعناها من شهر 4 ااحمدلله
واللي تسال عن الاطفال ما يحتاج يروحون

طبعا يبون الابلكيشن وااجوازات واابطاقات اامدنيه وتحطون في حسابهم في بنك برقان مبلغ نسيت كم وتجيبون ورقه من االبنك
وششهاده راتب اذا موظفه احنا من كل شي سوينا اربع نسخ كل جواز نسخه

والحمدللله خلصنا

 

[أم نـور]

ام نور ضحكتيني على سالفة الامتحان
انا اشتغل فاحتاج اخذ ورقة من الدوام و زوجي نفس الشي ... بس بنتي عمرها 3 سنوات تهقين لازم تروح معانا ؟؟؟

شنسوي فيهم مسويين فينا روع

على سالفه الفيزا

:eh_s(4):


وترة هم انا بنتي 3 سنوات

بس بعد عمري ما اقدر اسافر واخليها لالا مستحيل ما يطاوعني قلبي

وأصلا انا رايحه أورلاندو عشانها مع انها خوااافه وتخاف من الألعاب
بس ان شاء الله هالمرة بتتشجع مع عيال خالتها

وعلى سالفه ان بتمللني والا شلون عن الدقات
والله كل اليهال يسوون دقات بأهلهم والناس متعودين يشوفون ياهل

ينظف الأرض بهدومه

:lkmnkl:



يعني خلج كوووووول

:eh_s(9):

وان شاء الله بتعدي السفرة على خير وبتستانسون

لأن صراحه ما تحلى لي الوناسه بالسفر الا بوناسه بنتي
:rerrerek:
​

السلام عليكم

بنات انا مسافره امريكا شهر 8 ان شاءالله
ااطيران البرتش انا وزوجي وعيالي ثنين صغار
حيل خايفه من الطياره شنو بيسوون فيني
شنو تنصحوني فيه ؟

النيه ان شاءاالله نروح
نيوويورك ، اورلاندو ، لوس انجلوس

اول مره نروح واافيزه طلعناها من شهر 4 ااحمدلله
واللي تسال عن الاطفال ما يحتاج يروحون

طبعا يبون الابلكيشن وااجوازات واابطاقات اامدنيه وتحطون في حسابهم في بنك برقان مبلغ نسيت كم وتجيبون ورقه من االبنك
وششهاده راتب اذا موظفه احنا من كل شي سوينا اربع نسخ كل جواز نسخه

والحمدللله خلصنا

اي احنا بعد أول مرة نروح وان شاء الله شهر 8 بعد العيد على طووول
ان شاء الله


:eh_s(9):

والفيزا كلنا أوكي ما عدا أبوي مع ان بالمقابله طمنونا وقالوا له

راح تطلع لك خلال 6 اسابيع

بس أعتقد لأنه متقاعد فالسالفه فيها شويه تعقيدات :eh_s(10):

ان شاء الله تطلع له ونفتك من هم الفيزاااا

:yaaaaaarb:

بعدها على طول راح نبلش
حجوزات طيران داخلي

وسيارة ايجار

للحين ما حجزنا سيارة


وخطتنا المبدئيه نيويورك - نياغرا فولز - أورلاندو
ان شاء الله



بالنسبه لخطوط الطيران البرتش

أنا جربتها من زمااان رحت فيها لندن وكانت ممتازة الصراحه

بس ما دري بها شخبارها اللحين الوضع تغير والا لا

الله اعلم

بس دايما ينصحون اللي يسافرون على الخطوط الطيران الأجنبي
ذكر ملاحظه بوقت الحجز ان الأكل حلال

لا يحطون لكم واين والا شي مني مناك





والله يتمم لنا ولكم هالسفرة على خير
ويسهل أمرنا وأمركم
​

 

[أم نـور]

اي صح نسيت أقولج عن عيالج بالطيارة ​

متى وقت رحلتكم ؟؟:eh_s(10):​

لأن اذا بالنهار الله يعينج :eh_s(4):​

غير اذا بالليل الطيارة ​

لأن اذا بالليل طبعا راااح يرقدون أغلب الوقت لأن هذا وقت نومتهم ​

بس اذا نهاار ​

سوي نفسي آخر مرة سافرت ​

بيوم السفر صحيتها من النوم من الفجر ​

وخليتها طبعا صااحيه ما خليتها ترقد الظهر
رحنا المطار العصر
وطيارتنا المغرب ​

أول ما جات الساعه 7 ونص الا هي ما شاء الله عليها بسااابع نوومه ​

خخخخخخخخخخ ​

أحس هذي طريقه طبيعيه وما فيها خووف :rerrerek:​

في ناس يقولون عطي الياهل زرتك منوم ينومهم بالطيارة ​

عاد انتي وكيفج جوفي شنو الأنسب لج ​

وان شاء الله تتيسر لا تحاتين وايد ​

 

[أم نـور]

:eh_s(9):

ها امريكيات

من بعد معانا أن شاء الله بشهر 8


وين


الباقي

انا طبعا بحكم ان هذي اول مرة اروح فيها أمريكا فمسويه دراااسه
ماخذه كووورس مكثف عن امريكا
ما تم منتدى ما قريت فيه تقرير

تقريبا كل التقارير اللي بالعرب المسافرون عن أمريكا قريتهم

ما عدا التقارير اللي تتكلم عن الجزء الغربي

لأن هالمرة العزم على أورلاندو :eh_s(7):

وحتى يوم يحطون برنامج أي ويش

طبعا تابعت القسم الخاص اللي بنيويورك

وحبيت التايم سكوير كل منهم
:nbvppw:


وهالأيام قاعده أقرا التجمعات

للأمريكيات للسنوات اللي فاتت

ما شاء الله خوووش تجمعات

وفيها معلوومات حلووة ودسمه

عن كل شي يسولفون كل شي

وطبعا أحلى سالفه السوووق

:eh_s(22):








​

 

[fat]

صباح الفل شلونكم يا بنات نبي تخطيط حلو للسفره ان شاء الله نبي كل وحدة تقول وين رايح اي ولايه وين الاماكن السياحيه الي بتروح لها

وشنو احسن مجمعات في كل ولايه الي مسافره من اول ختقول لنا

انا ان شاء الله بروح كندا مونتريال وبقعد فيها 4 ايام
وبعدين بروح تورنتو بقعد فيها 6 ايام

وبعدين سان فرانسسكو بقعد فيها 6 ايام

ولوس اجلوس بقعد فيها 10 ايام

ابي دواعيس امريكا احسن محل و احسن مطعم واحونس الاماكن

نبي الكل يستانس ويالله يا بنات فزعتكم

 

[جواهر روعة]

هلا ام نور ... يالله زين ما تسوين جمعي معلومات كثر ما تقدرين .... انا كنت اقصد اني اخذها معاي للسفارة ولا مايحتاج ...لآن اكيد ماراح اقدر اسافر بدونها خاصتا اني بقعد شهرين .

 

[عذوق]

ام نور
طيارتنا الصبح الساعه 8

بس بكون مقعدتهم الفجر لان ااحضور الساعه 6

الله يعين وبالنسبه للادويه ماراح اعطيهم حرام كلها كم ساعه وبتحمل

 

[أم نـور]

fat


هلا حبيبتي ما بتروحين شلالات نياغرا

أحسها تجربه حلوة

وخصوصا انج عندج ما شاء الله الفيزا لكندا

يقولون ان الجانب الكندي أحلى بواايد من الأمريكي عندهم فنادق احسن
ونشاطات أكثر

بالنسبه لي ان شاء الله
مثل ما قلت

نيويورك خااطري اجوف الديرة اللي كل أجوفها بالأفلام
لوووول


ونياغرا فولز
حسيت ان المكان لريلاكس ويستاهل العنوه من الصور

وأورلاندو
عاااد هذي الديرة تولعت فيها قبل ما اروح
كان على بالي ان فيها بس ديزني لاند

طلعت ديرة كلها حدايق وبرامج واوت لتس

عاد انا ذبحتي الديرة اللي كلها برامج

أحب اللويه والحشرة

:ggdw::ggdw::ggdw:​

هلا ام نور ... يالله زين ما تسوين جمعي معلومات كثر ما تقدرين .... انا كنت اقصد اني اخذها معاي للسفارة ولا مايحتاج ...لآن اكيد ماراح اقدر اسافر بدونها خاصتا اني بقعد شهرين .

ووي افا عليج

لا توصين حريص


وبنتج للسفارة لا تودينها يكفي انتي وابوها

والله ييسر لكم

ان شاء الله
​

 

[أم نـور]

ام نور
طيارتنا الصبح الساعه 8

بس بكون مقعدتهم الفجر لان ااحضور الساعه 6

الله يعين وبالنسبه للادويه ماراح اعطيهم حرام كلها كم ساعه وبتحمل

افااا

عيل الله يعينج

عيل حااولي تسهرينهم شوووي ليله السفر
يعني لل ساعه 12 جذي

ومن الفجر قعديهم اكيد راح يرقدون لما يطفون الليتات ويشوفون كل الناس نايمه بالطيارة بينامون

ان شاء الله

شكلج مثلي انا بعد وسواسيه من ناحيه الأدويه
:eh_s(4):​

 

[أم نـور]

fat


اي صج حسافه انا ما دشيت تقارير الجانب الغربي من امريكي جان بفيدج باللي اعرفه وقريته

ما دشيت التقارير

خفت يتولع قلبي بعد

لووووول

بس دايما اقرا بتقارير ان محل البرغر مال ان واوت

مادري شسمه
واايد عجيب
​

 

[أم نـور]

طيب الحين كلكم أول مرة أمريكا ؟؟؟​

 

[أم نـور]

وينج يا توحه ​

عطينا شويه معلومات عن أورلاندو

​

 

[جواهر روعة]

fat
بالسلامة ان شاءالله ...و الله يسهل عليكم
انا هم اول مرة بروح و احتمال اول شي نروح سياتل و عقبها نشوف اذا نقدر نأجر سيارة و نفتر لين نوصل لوس انجلس ...لآن عم ريلي ساكن هناك ...بس للحين ما قررنا
لآني حامل و مخططة اروح اولد هناك

 

[عذوق]

بنات

الحين لازم نأجر سياره ولا لا

ونبي روابط تجمعات امريكا العام والي قبله خل نطلع

 

[أم نـور]

بنات

الحين لازم نأجر سياره ولا لا

ونبي روابط تجمعات امريكا العام والي قبله خل نطلع

:rerrerek:

هذي الروابط وطبعا السوااالف وااايد وكل تجمع يقول الزود عندي

صراحه وايد معلومات حلوة فيهم

:eh_s(15):

خصوصا لنا احنا يالحريم

:eh_s(9):​

من زمان ما دخلت القسم .. اشتقت له واشتقت لمواضيعكم :eh_s(8):


حلو التجمع ذكرتوني بأيام مضت وراحت ههه يا حلو أمريكا وياحلو تجمعاتها :eh_s(*):


بالنسبة لمواضيع أمريكا .. من 2008 وأنا كنت أسوي تجمعات لمسافرات أمريكا وتوقفت بال2011 :bbbiu:


هذي لنكات المواضيع القديمة للاستفادة وموفقين :rerrerek:



http://www.q8yat.com/t594832.html


http://www.q8yat.com/t275329.html

http://www.q8yat.com/t132959.html

بداية من تجمع 2010 ونهاية بتجمع 2008


وهذا لنك تجمع ال2011

http://www.q8yat.com/t867810.html#post24565105



وفي بعد تجمع العائدات من أمريكا وهذي اللنكات


هذا الموضوع اللي نزلته سيمبلي الله يذكرها بالخير

http://www.q8yat.com/t698776.html

ومواضيعي ما حصلتهم :eh_s(10):

ان شائالله تستفيدون :eh_s(7):​

​

 

[أم نـور]

اي صح بالنسبه للسيارة

بعض الولايات يقولون ضروري السيارة

وبعض الولايات يقولون ما يحتاج

اللي اعرفهم ان ما يحتاجون سيارة داخل الديرة لاس فيغاس
لأن المنطقه كلها ملمومه وكل طلعاتكم من فندق لي فندق

ونيويورك طبعا
لأن بنيويورك الباص السياحي يفي بالغرض ​