تجمع مسافرات امريكا (2013) بأذن الله

[دي حسن]

up up up up

 

[كاكاووو]

شساالفه بنات.. السفارة لحد الحين صارلهم شهر ماخذين جواز زوجي ... طولوو !!

 

[مشتطـه]

قطيعه معقدين ويبطون الجبد السفاره


مالت عليهم وكل البلاوي بديرتهم

حاريني على سالفة الفيزا

 

[دي حسن]

صباح النوووور بنات شلونكم ،، لوووووول مشتطه شفييج حاقدة عليهم صج على سالفىه الفيزا يقهرون يبطون الجبد طوالة على الفاضي :/

 

[Pink_Roses]

انا سفرتي بشهر خمسة وللحين مو عارفة وين اروح المدة 3 اسابيع ودي اخلي اخر اسبوع بنيويورك منو عندها فكره عن شيكاغو كولورادو وبوسطن وفرجينيا

انا مو حابة اروح اورلاندو ولا ميامي لاني ما احب الحر وهم مالي خلق مدن ملاهي وكاليفورنيا ولاس فيغاس رايحتلهم من قبل

بليز اللي تعرف اماكن حلوه وفيها طبيعة تقولي

 

[مشتطـه]

بالعكس روحي فلوريدا شوفيهاااا عالاقل اذا مارحتي لها شبقى بأمريكا مناطق سياحية

روحي شلالات نياغرا

روحي كندا

 

[Violetta]

للاسف التجمع سلبي وايد
اذا امريكا غاليه اوروبا شنو ؟؟؟
بالعكس امريكا لا غاليه ولا شي بالنسبهرحق اوروبا ارخص

 

[سيكولوجية]

^

اختي منو ذكر ان امريكا اغلى من اوروبا؟

كلنا ندري ان امريكا ارخص من اوروبا بالمعيشه و السوق


إذا شايفه الميزانيات وايده ف هذا لان في ناس تبي تتسوق وتبي تروح راهيه
وغير المده

شوفي مدة امريكا اللي يروحون يقعدون اكثر من اوروبا

اوروبا بالكثير اسبوعين وايد عليها

اما امريكا اللي يقعدون شهر واللي 20 يوم واللي 25 يوم

ف اكيد كلما ادت الفتره زادت الميزانيه

 

[سيكولوجية]

غير جذي على حسب الولايات

يعني نيويورك تعتبر بمستوى اوروبا ويمكن اغلى !

إذا فنادق 3 نجوم الليله ب 100 دينار !
غير سوقهم غالي
غير ضريبتهم اكثر من باجي الولايات

 

[توحه1]

صاجه سيكلوجيه نيويورك صلخ ونار بس فلوردا
تاكسها وتشريها حلو واسعارها معقوله

 

[Toulin RTN]

بالعكس يا بنات أورلاندوووو وايد حلوة و كل شي فيها
رحت لها 3 سنين ورا بعض وما مليت منها
اجمالا فلوريدا من شمال لجنوب رووعة
زوجي يبي يروح كاليفورنيا هالسنة بس انا ماعندي مانع ارجع اروح فلوريدا

 

[مشتطـه]

ههههه اي غاليه امريكا ؟؟؟


اللي ينقال عنها رخيصة تايلند ماليزيا


انا رحت ميونخ وزلمسي ولندن والحين بأمريكا

ابدا ما تفرق بس السكن رخيص

والا المعيشة نفس الشي


بالله شخصين اسبوع سياحه 1200 دينار من غير سوووق شتسمينة هذا من غير سوق حتى تناتيف ماكو ؟

تايلند والا ماليزيا لما اخم السوق ومع التذاكر والمشتري والفندق يكفيني هالمبلغ ؟؟


كل العوايل الي راحو امريكا يقطون 10 الاف دينار

بس لندن لو يقعدون 21 يوم مع سوق بتكلف اقل بوايد

 

[Violetta]

والله الكل يقول رخيصه و اعرف ناس وايد يروحون عايلات مصروفهم ٣٠٠٠ لى ٥٠٠٠ و يتشرون على كيفهمً
عموما كل واحد و يعرف مصروفه بس استحاله نقارنها باوروبا و هذا كلام ناس رايحين

 

[مشتطـه]

انا اعرف وحده كل سنة بأمريكا تقول امريكا تغيرت عن قبل


اول رخيصه الحين لا


انا عن نفسي شفت الاثنين وقارنت نفس المستوى بالغلا ماكو فرق

باليوم لازم 50 دينار من غير سوق كلش واورلاندو كل تذاكر الاماكن السياحية الشخص التذكرة ب 25 دينار مو هينه
يعني كنا باليوم من غير سوق تقريبآ 80 دينار نقط او 90


عيل دام مقتنعه لا تقولين التجمع سلبي


انا عايشه بأمريكا حاليآ الجمعية نار وشرار بالاسبوع 70 دينار ماجلتي ؟


انا بالكويت ماجلتي بالشهر 70



دام ماييتي لا تقعدين تجذبيننا


شحقة اذمها واقول غاليه شنو مستفيده يعني ؟

 

[عروسة فوشيآ]

مرحبا يا حلوات


ابي وحده خبره بهيوستن بليز ؟؟


ابروح لها وابي معلووومات عنها


وشكرا

 

[*الزينه*]

سلااامانا ان شــاء الله مسافره 26/3 منو معاي ؟
عالاماراتيه لوس انجلوس

 

[*الزينه*]

شرايكم بفندق هيلتون بيفيرلي هيلز ؟؟ في احلى منه تنصحوني فيه!

 

[مشتطـه]

ماعندي خبره والله

 

[توحه1]

مشتطه رجعتي الكويت ولا لي الحين

 

[مشتطـه]

لا انا مو سياحه
مرافقة زووج