تجمع مسافرات امريكا (2013) بأذن الله

[سيكولوجية]

توحه

الفيزا حق امريكا بالكويت حق الكل 10 سنوات

سواء مع زوجج وله من غيره

انا اعرف بنات مو متزوجين عطوهم 10 سنوات
ولا مو موظفات هم 10 سنوات

 

[توحه1]

لا والله سيكلوجيا وحده معاي بالدوام عطوها اهي سنه وعيالها خمس سنوات وزوجها ماعطوه
واختها ١٠ سنوات لان معاشها قوي مدرسه
والله العظيم
وواحد يصير حق زوجي عطوه سنه ومرته سنه وولدهم لان مهندس ١٠ سنوات
انا خفت مايعطونا او يعطونا بس سنه الحمدالله اناوزوجي وعيالي ١٠ سنوات كل واحد فينا

والله في طلبه كويتين معطينهم سنه بس وهذول طلبه بيدرسون موسياحه

 

[توحه1]

كان موعدنا 8 وشي وحنا بالسفاره وصلنا 8 ماخلصنا الا قريب 11 وطبعا مايستقبلون احد فوق 11 الا الموجودين
انا عبالي نروح بالموعد ودايركت ندخل ولا طلع تروحين قبل الموعد وتمسكين دور بارقام
ممنوع الفلاش مومري وتلفونكم بالسياره وملابسج الداخليه بدون حديد
لان يفسخونكم الحزم وبعدين اذا انت رايحه مع زوجج او امج اواي احد اهم يدخلون واحد واحد مو مع بعض اخذو بطايقكم المدنيه تحتاجونهم هناك لانهم ياخدونهم منكم ويعطونكم باجه فيها رقم للمقابله

 

[شهد الحلوة]

صباح الخير بنات ابي اسال سؤال ضروري​

عفيه سوينه فيزنه من شهر 12 أنا واعيالي الا زوجي رجعوه ليش عسكري وقالولنه نطرو اندزلكم ايميل او نتصل عليكم الدي اج ال ايي ياخذه منكم وعطونه ورقه صفره فيها رقم ودفعنه حق الدي اج ال استلام وتسليم ولي يومكم لا حس ولاخبر ماصارت كشتو فينه واحنه للعلم بعد 4 ايام يابوهم البيت خالصين الا اهوه شنسوي الحين اخرونه نبي نحجز التذاكر ابجر احسن احنه سفرتنه على شهر 6 صج تو الناس بس نبي نحجز ونخلص ​

الحين شنسوي نراجعهم ولا ننطر هذا عادي ولا ياخذ موعد مره ثانيه منو صار معاها جذي ؟؟​

 

[توحه1]

عادي يطولون چذي ونطري لي شهر ٣ وروحي سالي بعدين

 

[توحه1]

انا سويتها وكم يوم ووصلت ماتعدى ١٠ ايام

 

[سيكولوجية]

مادري توحه
احس مو مقياس
لان انا معاشي اقل من الف وعطوني 10 سنوات ؟
و كل اللي اعرفهم 10
احسهم عالمزاج


شهد راجعوهم او دقوا عليهم
مع ان غريبه انا زوجي عسكري ويوم درت اللي سوت مقابله انه عسكري
تقول واو قود ! ومستانسه
لان تقول الامريكان يحبون الجيش والشرطه يحترمون حيل هالمهنه !
اتوقع راح يقبلونه بس يتأخرون شوي

 

[دي حسن]

هلاو بنات شلونكم اورلاندو شهر 8 جوها متقلب مره مطر ومره حر ومره رطوبه وتوحه بخصوص الفيزا انا وريلي عطونا 10 سنين ومعاشي اقل من الف:eh_s(4):

 

[توحه1]

والله مادري شكلهم مزاج وعلى كيفهم

 

[JFK LAX]

سيكولوجيه ودي حسن وتوحه وكل اللي راحوا مقابلة الفيزا بليز ممكن تشرحولي بالضبط شسويتوا بالسفاره

قريت مواضيع ناس تنرد وناس ينشفون ريجهم حتى ماي ماكو

وشنو احسن وقت حق المقابله؟ ويصير ادش قبل موعدي؟ يعني اذا موعدي ٩ يصير اروح ٨ عن الزحمه؟

وفي نقطة ان ما ناخذ تلفوناتنا نفس ما قالت توحه شنو بعد؟

ويدخلوني بروحي ولا مع اللي معاي؟

احسني من التوتر بخوره هناك شنو اسئتلهم وتحسون استفزوكم؟؟

 

[توحه1]

صاجه ماكو ماي ولا قهوه ولا شاي
انا رحت قبل موعدي بشوي يفضل تروحين قبل لان تاخذين رقم وتنطرين دور واساسا طولين
انا كنت مومتريقه عادي تطلبين من الكفيه واهم ايبون لج لي عندج طبعا هذا لي من تدخلين عند المقابله بالمرحله ٣ لاتنسين بطاقتج المدنيه
طبعا مومع بعض بس ورى بعض عادي لاتخافين

 

[دي حسن]

سيكولوجيه ودي حسن وتوحه وكل اللي راحوا مقابلة الفيزا بليز ممكن تشرحولي بالضبط شسويتوا بالسفاره

قريت مواضيع ناس تنرد وناس ينشفون ريجهم حتى ماي ماكو

وشنو احسن وقت حق المقابله؟ ويصير ادش قبل موعدي؟ يعني اذا موعدي ٩ يصير اروح ٨ عن الزحمه؟

وفي نقطة ان ما ناخذ تلفوناتنا نفس ما قالت توحه شنو بعد؟

ويدخلوني بروحي ولا مع اللي معاي؟

احسني من التوتر بخوره هناك شنو اسئتلهم وتحسون استفزوكم؟؟

هلا والله المقابله عاديه ولله ودخلت مع ريلي وعادي سالنا جم سؤال واللي اتذكره سئلني سؤال واحد قالي وين تشتغلين وريلي ساله قاله ليش بتروح ووين تشتغل وسلامتج وعلى طاري التلفون ممنوع كل شي بالسياره تخلينه وخليج عاديه ولا تتوترين وروحي مبجر احسن لانه يصير زحمه :eh_s(17)::eh_s(17):

 

[دي حسن]

صباح الخير بنات ابي اسال سؤال ضروري​

عفيه سوينه فيزنه من شهر 12 أنا واعيالي الا زوجي رجعوه ليش عسكري وقالولنه نطرو اندزلكم ايميل او نتصل عليكم الدي اج ال ايي ياخذه منكم وعطونه ورقه صفره فيها رقم ودفعنه حق الدي اج ال استلام وتسليم ولي يومكم لا حس ولاخبر ماصارت كشتو فينه واحنه للعلم بعد 4 ايام يابوهم البيت خالصين الا اهوه شنسوي الحين اخرونه نبي نحجز التذاكر ابجر احسن احنه سفرتنه على شهر 6 صج تو الناس بس نبي نحجز ونخلص ​

الحين شنسوي نراجعهم ولا ننطر هذا عادي ولا ياخذ موعد مره ثانيه منو صار معاها جذي ؟؟​

لا نطريهم اذا حسيتيهم طولو شهر دقو عليهم لانه ريلي صار معاه جذي ما عطوه بسرعه طول يمكن اسبوع لي 10 ايام وبعدين دقو عليه وخذو جوازه وسوووه حقه ولا تستعيلين تخافين تحجزين وما ويطلع جوازه

 

[سيكولوجية]

جي اف

سهالات لاتحاتين انا خرعوني وايد

اول شي روحي قبل موعدج ترى زحمه

احنا موعدنا كان 8 الا ربع رحنا من 7 وكان ماشاءالله ناس وطابور


لاتنزلين ولا جهاز معاج سواء شحن سواء تلفون سواء ايباد. و حتى لو فلاش ميموري
كله خليهم بالسياره

تكون معاج اورا الموعد لان اول ماتدشين من الباب يجيكون على اوراق موعدج

جم اجراء تفتيش عادي

طبعا صورج معاج وجوازات وصورة الجواز وبطاقتج المدنيه و وصل البنك

بعدين ياخذون بصماتكم و اوراقكم

وتاخذون رقم تنطرون مقابلتكم

سهالات والله ماخذوا منا دقايق
واذا معاج احد تكونون مع بعض


اسألونا : شنو تشتغلون + ليش بتروحون + جم معاشاتكم + جم المده اللي بتقعدون فيها


وبس خذوا جوازاتنا

وترى المقابله بالانجلش واذا كلش ماتعرفون انجليزي عادي قولوا نو انجلش
رفيجتي سوتها ودوها عند وحده تتكلم عربي



وبعدها تروحون عند فيدكس تدفعون مبلغ بسيط وياخذون عنوان بيتكم واراقمكم

وسلموا لنا الجوازات بعد 3 ايام

 

[JFK LAX]

مشكورين بنات وايد ريحتوني الله يطمنكم

توحه انتوا قلتولهم يخلونكم كل واحد بروحه؟ لآنه دي وسيكولوجيه مع بعض دخلوهم يصير اختار؟

 

[توحه1]

لا والله موبكيفنا انا بروح وزوجي بروح وبصمنا وعطونا اوراقنا مامرمطونا وايد واسالتهم بسيطه واذا توهقتي وماتعرفين تجاوبين تنحي هههه بوجههم بعرفون انج موفاهمه والله شوفي اذا مزاجهم عادي مرتاحين تتعدى الامور والله يسر اموركم
مابقى شي على سفرتي بنات كلها ١٤ يوم تقريبا باذن الله تتعدى هالايام على خير

 

[توحه1]

بنات شنو الاكل المسموح الي نقدر ناخذه معانا هناك

 

[دي حسن]

صباح الخييير بنات ،، توحه ودي معاج كل شي ما عدا السوائل ممنوع ما يرضون وتروحين وتردين بالسلامة بتروحين اي ولايه ؟

 

[توحه1]

الله يسلمج من كل شر
انا بروح فلوريدا. ((( اورلاندوا )))

 

[سيكولوجية]

بنات بسألكم

فنادق امريكا ياخذون تأمين؟