تجمع مسافرات امريكا (2013) بأذن الله

[noufb]

الحمدالله باقل من اسبوع عطونا الفيزا ولمدة ١٠سنين ربي لك الحمد يارب الله يسهلها علينه الحين نصحوني اذا بقعد باورلاو ١٠ايام ابي فندق زين اقترحو علي اسامي ماعليكم امر الفندق بس انا وزوجي

 

[بنك بااستا]

القطرية روعه كطيران لامريكا وترنزيتهم وقته قصير

انشالله بجرب القطريه :eh_s(17):

 

[كنوز78]

السلام عليكم

شلونكم بنات

انا زوجي عنده دوره في ولاية ويسكانسون ... وقبل جم يوم عبينا الطلب عن طريق النت و فعنا الرسوم ببنك برقان و حجزنا موعد

الموعد 23-9

و موعد الدورة 25-10

توقعون يمدي نطلع الفيزا او لا؟؟
:bbbiu:

 

[حمرة الورد]

كنوز الحين مافي زحمه واهم اذا وافقو عليها راح تطلع ان شاء الله بسرعه لا تحاتين

 

[noufb]

بنات مارديتو علي وين اسكن باورلانطو عالبحيره ولا ابنترناشونال درايف وابي احسن الفنادق

 

[كنوز78]

حبيبتي ام نيرمانا مشكوره عالرد

وعندي استفسار ثاني بنات... ناويه اخذ بنتي اسوي لها فحوص بمستشفي في نفس الولايه.. هل اطلع لها تأمين صحي ولا ما يحتاج؟؟؟

و اذا لازم تامين ص حي منين اخذه

و مشكورين

 

[أم سارا]

noufb نصيحه لاتسكنين انترناشيونال درايف اسكني منطقه كسمي كلها فلل على شكل منتجعات وتطل على بحيرات وقريبه على الانترناشيونال درايف ١٠دقايق انتي هناك والشارع الي فيه الفلل متروس مطاعم وفاضيه عمس مطاعم انترناشيونال درايف مترووووسه من الناس

 

[كنوز78]

قو بنات


عندي استفسار ثاني.. الحين اذا رحنا المقابله بالسفاره انا و زوجي بدون بنتي راح نروح لان عمرها 13 سنه وقالوا لنا مالها مقابله.. زين شلون علي جوازها اخليه معاي ولا معزوجي و شلون راح ياخذونه و يحطون لها الفيزا!!

 

[كنوز78]

وينكم بنات

 

[لميس^^]

قو بنات


عندي استفسار ثاني.. الحين اذا رحنا المقابله بالسفاره انا و زوجي بدون بنتي راح نروح لان عمرها 13 سنه وقالوا لنا مالها مقابله.. زين شلون علي جوازها اخليه معاي ولا معزوجي و شلون راح ياخذونه و يحطون لها الفيزا!!

هلا. حبي انا توني مطلعه الفيزا اي اكيد لازم تودين الجواز ونصيحه اثناء المقابله لا تجذبون بشي قولو الصج ولما تروحون اخذى بطايقكم المدنيه وخلي تلفوناتكم بالسياره لان ممنوع وصوري الابكليشن و الصفحه اللي فيها الموعد وسهلات لا تحاتين احنا عطونا باقل من اسبوع

 

[غلاي غير]

عادي أنا بنتي بدون موعد قالوا لنا في شباك تقدمين أوراقها وجوازها لان أنا وأبوها عندنا فيزه
إذا ما عندكم فيزا عادي أوراقها معاكم والتساهل معظمها راح تكون للاب

 

[كنوز78]

فديتكم بنات علي ردودكم اللي تشرح الصدر ..


الله ييسرها من عنده اول و تالي الخيره في اللي يختاره ربي

 

[داعيه الشوق]

صباآح الخيير ي جميلاات

 

[داعيه الشوق]

ممكن استفساار بسيط ؟؟
شلون الجوو حاليا بنيويورك حرر ولا؟؟؟
فيدووني

 

[حمرة الورد]

كنوز حتى صوري جوازاتكم

 

[nas nas]

الي تسال عن درجه رجال الاعمال علي الكويتيه حرام الكرسي مره مومريح ويوم ببدل الدرجه قالو جفعي 450 دينار تدخلين الدرجه الاولي قلت اوكي حربت الكرسي طلع نفس كرسي بزنز كلاس ولا بعد فيها طفايه زقاير يالله مافي تقدم كلش والي تسال عن السكن في اورلاندو دينفر احلا واونس وناس ومطاعم في حركه
الاسواق خاصه في هيوستن لاتعلي شي رهيب خاصه الاوتلوت بريمر

 

[الشامريه]

بنات لا تحاتون المطار
ترا جداااا سهالات


واللي سألت عن التأمين الصحي احنا نسويه بكل سفراتنا تأمين عائلي من شركة عناية ندق عليهم ويوصلونه للبيت ﻷنه ملفنا موجود عندهم مايحتاج نروح لهم


نيويورك وكاليفورنيا جوهم عجيييييب براد يونس

بس فعلا نيويورك واجد عليها 3 ليالي مافيها شي زود

لاس فيغاس ماعجبتني حسيت اني تعنيت عالفاضي


اللي تحسفت اني ماطولت فيها لاهويا في سان ديغو شي خيااااال

سانتا مونيكا جوها حلو بس الناس اللي فيها يخوفون

 

[q8irose]

باذن الله روحتنا الاربعه دايركت لي نيويورك عالكويتيه الله يكون بالعون من التوتر احس ودي اكنسل السفره هههههههههه
الحمدلله على كل حال والله يسهل
ههههههههههههههههههههههه جهاد مو سفره

 

[كنوز78]

q8irose تروحين و تردين بالسلامه حبيبتي

بنات منو جربت السفر بين ولايتين بالقطار؟ لاني ناويه انزل شيكاغو ثلاث ايام عقب نروح ميلواكي بولاية ويسكانسون

انا دخلت موقع الحجز للقطار و طلع المدة ساعه و نص و التكلفه 60 دولار لي انا و زوجي وبنتي

بس احاتي قطارهم و احاتي يأذوني عالجناط .. اللي جربت تفيدني بليز

 

[كنوز78]

وينكم بنات

ماحد جرب السفر بالقطار

:eh_s(10):