تجمع مسافرات امريكا (2013) بأذن الله

[توحه1]

بنات لاحظت ان اعيالنا اقصر من 110 سم
مايلعبون ولا يستمتعون بمدن الالعاب

 

[Violetta]

مايمدحون امريكان ايرلاين

 

[Violetta]

صوره الابلكيشن اهم شي الجبهه طالعه

 

[توحه1]

افضل ثلاث خطوط وكشخه وقيم وراحه
الاتحاد والاماراتيه والقطريه

 

[مشتطـه]

انا عن نفسي ماجربت الامريكان ايرلاين


ومرت ولد خالتي مدحتهااااااا

 

[مشتطـه]

توووحه اي صح قالولي ان الكبار يستمتعون اكثرررر


انا السبت بروح ان شاءالله

 

[توحه1]

انصحج ماتروحين لا سبت ولا احد عطلتهم وزحمه وطولين بالعبه حتى ولو اخذتي الفاست

 

[توحه1]

السبت روحي السرك روعه مال اورلاندوا سيركس عند دزني اهو
في عرض الساعه 6 وفي عرض الساعه 9

 

[توحه1]

انا رحت دزني يو م الاربعاء مالعبنا كل الالعاب اغلبها زحمه

 

[توحه1]

وانصحج خلي حديقة مجك كنق دم
خليها من الساعه 5
لان الساعه 6:15 عرض ميكي وميني ماوس
والساعه 8:00 عرض چراغي

 

[مشتطـه]

تسلمييييييييييييييين ياقلبي توحه جد جد فدتيني عيل خلاص

انا السبت اوصل الفندق بحول واذن الله الساعه 5 العصر برتاح شوي وبروح الدزني داون تاون

والاحد بخليها للسيرك او السوق اتمشى

ومن الاثنين ابدي الالعاب


عاد توقعت ماكو زحمة بما ان مو صيف ومو موسم يعني

صدمتيني حسافه

عاد انا عجولة حدي ؟


انزين شلون الجو الصبح والظهر والليل جم درجات الحراره

 

[دي حسن]

صبااااح الخييييير بنااااات شلونكم :eh_s(8):، ررونا حبيبتي مشكووورة :eh_s(17)::eh_s(17):على اللينكات وصج اول ما بغيت اسافر كنت ادور بالتجمعات القديمه وايد شوقتيني انه اروح امريكاااا توحه اورلاندو تصلح حق كبار (وصغار) يعني شايلين عمرهم من 5 سنوات وطالع اذا اقل راح تتعبين انا ولدي كان معاي وعمره سنتين ينني شوي لانه وايد حركي وبنات التذاكر مثل ما اهيه امس ريلي جيك على اليونايتد 350 وودي اطول فترة الترانزيت قمت اخاف من سالفه انها اطير الطياره عني لانه بس جدامنا بيكون ساعه ونص :eh_s(10): وهم ودي دايركت من كويت واشنطن لي فلوريدا مابي اطب بنيويورك وبعدين اورلاندو مادري شسوي :bbbiu:

 

[توحه1]

الصبح والظهر ربيعي بليل نسمة هوى

 

[توحه1]

صاجه دي حسن
حلاته الياهل شايل عمره لابامبرز ولا مميات

 

[مشتطـه]

مممم يعني كلش ما اخذ شتوي ؟ ولا حتى جاكيت

لان الصراحة منطقتي بارده

ف صار الجو اذا صارت الدرجه 12 ما اعتبره برد

واي بنات ما احب الطيران الداخلي امانه ادعولي اوصل وارد بالسلامة

فيني شوية خوف مع اني متوكلة على الله بس اتوتر


لان الطيارة تكون صغيره وخفيفه بالهوى تبين المطبات اكثر من الكبيرة

 

[توحه1]

لا تاخذين شي ثقيل حيل
اخذيلج شال او الجاكيت الي مثل التونز عرفتيه
ومرات الجو حار ترى وشمسهم تحرق لاتنسين كريمات الحمايه

وبالسلامه
اي طيران انت الداخلي ؟؟؟؟

 

[مشتطـه]

اسمه

airtran

من ولايتي ماكو الا هالطيران اخف شي

الباجي ترانزيتات وسالفة

 

[توحه1]

سفره سعيده وبالتوفيق

 

[توحه1]

شلونكم جميعا
اي استفسار انا بالخدمه

 

[توحه1]

باجر ارجع الكويت باذن الله وتنتهي رحلتي في امريكا ماتامروني على شي