تجمع مسافرات النمسا وألمانيا صيـــــــ2011ـــــــف

[om_7sin]

هيوما حتى انا كان فندقنا عالنهر كنا كل يوم ناخذ اكلنا ونروح عالنهر وااااي روعة المكان وعيالي يلعبون وناااسة kika اخذي شتوي ووشوي صيفي وحق الثلج لبسو وااايد حدة برد وفي. مكان تاجير ادوات اجرو جواتي لان الجواتي العادية تزلق ويدش فيها ماي واذا تبون تاجرون جاكيتات وتقدرين تشترين اذا تبين

 

[~ kaika ~]

وييي شكله حددده براااد لوووول
مشكووره ام حسيين ​

 

[om_7sin]

العفو حبيبتي انا رحت شهر 7 كان برد بس حاشنة جم يوم حر يعني اخذي صيفي احتياط

 

[دلوعة حمني]

السلام عليكم. بنات عقبه طلبتكم. اختي بالنمسا علاج و متوهقة كقاعدة بفندق ابي لها شقة تكون زينة و رخيصة وين نقدر نحصل؟ هي في فيينا اللي تدلني بدعيلها طول الوقت فديتكم*

 

[om_7sin]

دشي موقع www.booking.com اكيد بتلقين انشالله

 

[طآيرتن بآلعچہ]

أنآ بروح تآريخ 1-9 أبيكَم تقولون لي أحلى الأمآكَن هنآكَك وَ أحلى الفنآدق وَ أبي أسمآء مطآعم تكَون حلآل وَ أبي أمآكَنهآ
وَ اللي تعرف سآيق هنآكَ يكون عربي وَ يدل كل الأمآكَن تقولي

^^
اللي عندهآ جوآب لأسئلتيٌ ترد عليّ بـ الخآص لأنيٌ مآ رآح أكون متوآجده في الموضوع على طول
بس تكَفون أبيكم تسآعدونيٌ بأسرع وقت لأن السفره مآ بآقيٌ عليهآ شي جزآكَم الله خير

و تسلممين يَ صآحبة الموضوع ع التجممع صرـآحه إنه مفيد

وَ أنآ إذآ عرفت شي رـآح أقول

 

[دلوعة حمني]

مشكورة حبيبتي ام حسين ... رحت بس هالموقع مضمون اني احجز منه؟؟

 

[fa6oma-ba6a]

ردينا من بعد السفره الحلوه والغيبه الطويله عليكم

سفره ول اروع كانت وي اهلي
بالنسبه حق النمسا
رحنا هل المناطق
فيناا
و وولف قانق
و زلمسي وكابرون

اما بالمانيا
منطقه رست الي اهي فيها يوربا بارك
تبعد عن زلمسي ٦ ساعات
والمنطقه الثانية كانت
ميونخ

لي رجعه تفصيليه بموضوع خاص انشالله

 

[fa6oma-ba6a]

بنات بيني وبينكم الي تفكر تروح النمسا
وماتبي تشوف عرب لاتروح كابرون او زلمسي
والي حابه تعيش اجواء رومتنسيه وي ريلها
او حتى مع اهلها تستانس وتاخذ راحتها وماتحس ان احد يارقبها من اخوانا العرب
لاتفكر كلش تروح زلمسي او كابرون
وفي بحيرات واااااير احلى من زلمسي
وبحيره زلمسي صغيره بالنسبه لباجي البحيرات

ويوم رحنا منطقهst.wolfgang
اهي عباره عن بحيره كبيره وفي حوالينها اكثر من بحيره اعتقد كانوا خمسه
وفي جبل تصعدونه بالقطار يقطه فوق الجبل وتنلون وتمشون وتردون مع القطار المحدد
ومن فوق الجبل تشوفون البحيرات كلها منظر خياالي
وبالنسبه حق المنطقه ما اجذب عليكم اذا كنا فيها مانستخدم السياره الاجواء اتينن
وبراد وقتهى شهر سبعه *

 

[fa6oma-ba6a]

http://i.imgur.com/ZE2tA.jpg
هذي صوره حق وولف قانق

 

[ميممآإ]

ميمما بالعكس. بردهم شحلاااتة كافي انج تحسين ابرد وادقين على اهلج يقولون لج غبار وحر لوووول الصراحة احلى شي بزلمسي البراد و المطر الخفيف

اي يضل البراد اهون من الحر استغفر الله هههههههه يعطيك العآفيه حبيبتي

 

[طآيرتن بآلعچہ]

فطوممه إنتيٌ متى رححتيٌ أي شههر وَ هل الجو كَآن بآرد ؟! وفي مططر ولآ لآ !؟

 

[fa6oma-ba6a]

انا رحت شهر سبعه
وكان الجو قمه بالرووعه
بيني وبينج الحو غيم
ونادر ماكانت تطلع الشمس
ويوم يطق المطر مايطول
اما اب المانيا الجو حار
بس صادفنا وقتها ان كل يوم بالليل بعد الساعه ١٠ يبدي يطق المطر

قوليلي وين بتروحين بالظبط ومن عيوني بفيدج

 

[طآيرتن بآلعچہ]

قآرمش - ميونخ - سويسرآ - النمسآ

بس إقآمتنآ رـآح تكون في قآرمش

 

[~ kaika ~]

آآب آآآب

بنات فيدوني انا بالعيد مسافره شنو المجمعات الحلوه اللي بـ فيينا وميونخ ؟

 

[zqertya]

ام حسوون وناسه ريلج ركب براشوت بالبرد وين واي منطقه ؟؟ وفي تاريخ تكون الفعاليات ؟ شنو احسن وقت نسافر فيه

 

[om_7sin]

زقرتية اي ركب براشوت بكابرون بس مكتب الحجز بزلمسي مكتوب علية informaiton بالسنتر وانا كان ودي اركب بس ماكان فيه مره وحبيتي ماادري متى الفاعليات انا رحت بشهر ٧

 

[$حبيبة عبودي$]

ام حسين حبيبتي بغيت اسألج او اي بنت موجوده
جم اسعار المترو اذا بتنقل من دوله لثانيه ..

 

[om_7sin]

حبيبة عبودي ماعندي فكرة انا كنت ماجرة سيارة وبميونخ كنا نتنقل بالمترو بس ماادري جم ريلي يقص التذاكر وكنا نتنقل داخل ميونخ

 

[Samurai]

حبيبة عبودي
من دوله لثانيه التنقل بالقطار
شوفي موقع raileurop يحطلج
مع الاسعار ومدة الرحله