تجمع مسافرات النمسا وألمانيا صيـــــــ2011ـــــــف

[HaYoOoMa]

بنااات رديت بالسلاامه


ديرو باااالكم ترى زلمسي وكابروون بررررررررررررررررد برررررررررررررد
درجة الحرااره 9 وامطاااار طوول الوقت


واي سؤال انا حاااااظر

..
وفينيسيا خييسه حرررررر وصراحه مافيهااا شي كلش بس الجندول وغاااااالي
ساعه ب 100 يوويروو يعني 40 دينار بس يووونس الكل قاام يصورني نا وزوجي

.

والمسافط السيارات يوم السبت والاحد بلاش
والاحد عندهم كل شي يسكر الا المطاعم والكافيهات


والمطاعم لا يطوفكم مطعم بميونخ اكلنا منه لمدة 3 ايام غداا وعشا هههه من كثر ما اهو حلو
اسمه sangeet بشارع الماركات بداية الشارع تحصلونه عند التقاطعات

واي سؤؤؤال انا حاااااظر


وصج
فيينا سووقهم موو حلووووووو كلششششش
وميونخ سووقهم حليو والاسعاار نااار دبل اللي عندناااا ..
وسالزبورغ عجبني سووقهم وفينيسيا سووقهاا ومحلاتها عجيييب

والاوت لت نصيييييييييييحه لا تتعنوون له بالذات مال فيينا ومال سالزبورغ
الماركات اللي فيه مو معروفه وكل البضايع اللي فيه اررردى شي ولووعه
شفت جنطه عجبتني عند فلنتينو وب 160 دينار وبغيت اخذها صراحه بس طلعت مزلقه وحالتها حاله وقطيتهاا


وااي سوااال انا حااظر

 

[om_7sin]

Hayoooma حمد الله على السلامة حبيبتي بغيت اسالج سوق ميونخ يعني وايد غالي انا ناوية اشتري حق عيالي حق العيد ياربي عندي وايد اسالة مو عارفة شقول بس يعني تسوى الروحة وناسة يعني

 

[om_7sin]

رحتي الاوت لت الي بميونيخ ؟؟

 

[HaYoOoMa]

كتبت رد شطووله ورااااح واااااي

الممههم

ميونخ مافيها الا سووق والاولمبيا بارك والملعب اليانزايرينا والحديقه الانجليزيه ويوم رحنا لقارمش

السوق عندهم نفسنا بالضببببط
الماركات اللي عندهم نفس الكولكشنات موجوده اهني بس اهم اغلى عشان الضرايب
والماركات الثانيه غااليه وماتسوى بسيطه حيل وماكووو شي يشد

والسوقه الثانيه نفس محلاتنا اللي بالافنيووز اهنااك مااكو شي ونفس الشي واغلى من عندنا
صراحه ماكو شي مميز شدني بنتي ما اخذت لها الا بنطلون جنز من بربري ب 35
ستايلاتهم بسيطه وناعمه ماكو شي كشخه وفنتق ماحصلت .. صراحه الكوييت احلىىىىى

ومقارنه سوقهم مع دبي .. دبي واااااااااااااااوووو صراحه صج صج تبين تسوق دبي وبس


واسالي انا حاظر قاعده عند اهلي اريح ههههههه

وصرت حكوكه من الشمس ههههههههههه

 

[HaYoOoMa]

لا رحت اللي بفيينا واللي بسالزبورغ

اللي بسالزبورغ نفس مال ميونخ بالضضبط يقولون

وقلتلج اردى بضاعه حاطينهم اهناك ..

 

[Samurai]

حمدلله على السلامه هيووومه

شلون سفرتج استانستي وغيريتي جو ان شاءالله

بنات انا المانيا ما شفت
فيها يسوى خصوصا الملااااابس باااهته كل يا بلايز او بناطيل او المحلات الموجود زارا ومانجو وبضاعتهم طبعا احلى من المحلا ت الالمانيه
ما شريتلي من المانيا بس جنطه

بس اهم شي لا تنسون التاكس فري

 

[Samurai]

ام حسين في محل صغير في انسبروك يبيع ماركات وفي قسم عليه تنزيلات
حلو والله شريت منه بدله لبنتي ماركة بوس
وجاكيت بربري لها بااشتا بشي وثلاثين وشغلا حلوه للصبيان

كان اسمه
Haidegger-das

بس طبعا لا تعنين انسبورك عشانه
مو لهدرجه انتي وحظج وطلبي التاكس فري

 

[معلمة انجليزي]

مزاجي بمخباتي مو لازم تبيتين في يورب بارك
تقدرين تسكنون بفرايبورغ او ستراسبورغ وتروحون نفس اليوم وتردون او تسكنون بالفنادق اللي برا الملاهي لان السنتر مال رست عامر اما الملاهي تسكر ٦ او ٨ مو ذاكرة بالضبط
واذا واوية تبيتين بيورب بارك جيبي معاك كل شي يعني أحسبي أحسابكم سواء حليب أطفال او عزكم الله حفاظات لا السنتر شو بعيد

 

[معلمة انجليزي]

سوق ميونيخ أحلى ما فيه الماركات وc&a اما الباقي فعندنا نفسه

 

[غرررررام]

اب اب

 

[دلوعة أبوهآ]

بنااااااات حدّي متحطمه والله ..
انا سفرتي بـ شهر 9 ..

وهدفي شوبينق أكثر شي .. بس كثيييييييير قالولي بهالشهر بيكون كله كولكشن شتوي
مافي صيفي

يعني ماستفدت شي !!!!
ولا شريت شي

اللي راحوا ميونخ والنمسا صح كله بيكون شتوي .!
والاوت لت يستاهل الروحه .! وفيه اشياء حلوه ولا لا

والله من يوم خالتي قالت لي وانا متضايقه ومتحطمه

 

[HaYoOoMa]

ساموراي الله يسلمج ياقلبي

اي والله الحمداتلله اسستانسنا ولله الحمد وضااااق خلقنا ماشبعنا

 

[Samurai]

دلوعة ابوها

للأسف من نص ثمانيه ينزلون الشتوي
ومره انا رحت اخر ثمانيه كان كله شتوي بشتوي بس شريت لي كم جاكيت وللحين خمس سنين وانا البسهم جوده
ودلاغات تهبل
شتسوين تشري حق الشتا

 

[om_7sin]

مشكوورين بنات عالردود عالعموم بالنسبة لي اسوق اذاا شفت شي يسوى بشتري واذا كايسوى الله يخلي سوقتنا شحلاتها

 

[beshayer]

السلام عليكم ورحمة الله وبركاته


بنات بغيت اسأل عن فندق بزلمسي اسمه سي هوتيل بكم سعره وشلون نظامه هل غرف والا شقه فندقيه لان ابي حق عائله ..؟

وشنو تنصحوني فيه ابي فندق قريب من البحيره وفيه بلكونه وقريب عنده كل شي من سوبرماركت والعاب اذا فيه وغيره ....

 

[beshayer]

بنااااااااااااااااااااااااات ابي فنادق حلوه ومجربه بفييينا وزلمسي وميونخ وشنو تنصحوني فيه للعلم 12 يوم الى اسبوعين مدة سفرتي تقريبا لحد الان مافي شي اكيد بالمده ,, وياليت عالخاص واكون شاكره لكم والله يعطيكم العافيه جهد مبذول ومباااااان للكل ..

 

[**وقفة فرس**]

أسعد الله مسااااااكم جميعا
وسفرة موفقة ومرتبة وممتعة بإذن الله مقدما
كنت أتابع التجمع من وقت للثاني وماصار فرصة أكتب أي مشاركة
وهالسفرة كنا مخططين لها من 3شهور وبذلت وزوجي مجهود غير مسبوق في البحث على النت لساعات طوييييييلة بصفة يومية لأنها أول سفرة لنا مع العيال وواجهتنا مشاكل ضيعت كل هالمجهود بلحظة واللي ناوية تاخذ عيال وخدامة نصيحة سألي عن فيزة الخدم قبل أييييي شي..طبعا السفارة رفضت تفيز لخدامتي وآنا معاي3صبيان وبنت رضيعة..بعد ماحجزنا كلللل شي من شقق وتذاكر وسيارة رحنا نفيز بالسفارة..فيزولنا والخادمة رفضوا وزوجي كان مصر وقدم طلب ودفع رسوم غير مرتجعة على أمل يوافقون ونطرونا أسبوعين وكان باقي أسبوع على السفر واصدمونا بالرفض وصارت ربكة وشلت سالفة السفر من بالي لأني من الأساس مومتحمسة كأن صار عندي ملل من السفر وكنت أحاتي وضعي مع العيال والبنت قلبي مومطاوعني أخليها وقلنا نروح تركيا بس كللللش ماتحمس كأنها سوريا لازوجي ولا ولدي العود راضين ومصرين على ألمانيا والنمسا واضطرينا نعيد الترتيب خلال أسبوع واحد فقط...وخذيت الصبيان وتوكلت على الله وزوجي وعدني بالمساعدة وعلى الخطوط العمانية الراااااائعة طرنااااا...وتخيلوا الوضع مع ثلاث شواذي بدون خدامة:eh_s(14):وبدلنا الطيارة خلال أقل من ساعة ووطبينا ميووونخ...واللي يقول حاااارة أقوله حرااااااام عليكم إنصدمت من الجو برررررد ومطر..وكل ملابسنا خفاف:eh_s(16):واضطريت أشتري ملابس للعيال وقضينا أسبوع حلو في ميونخ..وحاليا إحنا بقارمش الراااااااائعة...
وراح أكمل معاكم ياحلوات بالليل وأقولكم كافة التفاصيل والمقالب اللي صارت...وبالنسبة للفايرس ترى مااااكو شي سهود ومهود ماكو إلا العافية بإذن الله والوضع بدون الخدم جدا عادي وياليتني ماخذة بنيتي معاي:eh_s(22):

 

[Samurai]

فرس

الحمدلله يارب اللي سهل عليج السفره
وان
شاءالله تستمتعون طول السفره
وناطرين كل السوالف لا تتأخرين

قارمش تهبل بس حسافه احنا زرناها يوم الاحد شبه فاضيه وكل شي مسكر وكان الجو باااااارد وهوا

انصحج ب سيفيلد تونس ومو بعيده في النمسا

 

[النداوويه]

الله يعطيكم الف عافيه مشكوووووووورين تقرير يستحق الشكر بس بليز ابي اعرف الاسعار عشان باخذ اعيالي معاي تكفووون اكتبو كل شي وميزانيته من سكن سياره وغيره من مصاريف

 

[خلود ام يوسف]

السلام عليكم صباااااايا :eh_s(7):, في احد موجود انا اكلمكم وانا في فينا , الجو مو طبيعي الحين والمطر شغال علينا من الصبح وان شاءالله يوم الخميس بروح كابرون , احد يوصيني او يقولي علي مكان ، تري القايد اللي معانا مو عارف شئ بالمرة .​