تجمع مسافرات النمسا وألمانيا صيـــــــ2011ـــــــف

[milkey way]

بغيت أعرف شنو المطلوب لعمل الفيزا و بكم للشخص و من وين سويتوا التأمين

التأمين سويته بالبنك العائلي 23 والشخصي 17 لمدة شهر وتقدرين اتسوينه بشركات التأمين
المطلوب للفيزا : اتصورين ( التذاكر - الفنادق - البطاقة المدنية - التأمين الصحي - صورة الجواز وصورة التوقيع اللي بالجواز - اذ كان في جوازج فيز قديمه تصورينها ) صورة شخصية مع خلفية بيضا .
تعبين الطلب وتدفعين الرسوم ومواعيد التقديم من الساعه 9 -11 صباحا

 

[milkey way]

بليز بليز منو فيكم تسويلي برنامج للرحلة أو تحطلي أهم الأماكن السياحية والمتاحف والأسواق والمطاعم اللي لازم ازورها في زلمسي - سالزبورغ - ميونيخ :eh_s(9): :eh_s(9): :eh_s(9):

- واذا كنت بطب بميونيخ وابات ليله وعقبها بروح زلمسي جم تبعد عن ميونيخ ؟؟؟؟؟ :bbbiu:
- جم تبعد سالزبورغ عن زلمسي ؟؟؟؟؟ :bbbiu:

تفضلون اخذ سيارة للتنقل ولا بالقطار اونس ؟؟؟؟؟:eh_s(10): :eh_s(10):

 

[امواج الكويت]

هلا بنات اسفه والله على قولة ام حسين من الوناسه ما فضيت
سكنت بزلمسي بفندق غراند اللي عالبحيره هذا اول يوم ما مداني اطلع مكان لان وصلنا بالليل وكل شي مسكر بس تمشينا وردينا
ثاني يوم رحت الشلالات بس كرايملر لا رحت شلالات احلى ان شاءالله راح احط موضوع خاص فيه كل الاماكن والعناوين والاحداثيات للغاردمن مع صور واذا عرفت شلون احط فيديو هم بحط
ثالث يوم رحت الزحلاقيه الصيفيه ولقيناها مسكره لان الجو ما يساعد مطر وسكروها وبعدين رحت اعلى قمه بالنمسا وبعدين رحت البحيرات الصناعيه و الثلج طبعاً البرد قارص وزحلاقيه كبيره ما اعرف اسمها بس مصورتها طبعاً هذول كلهم بشارع واحد على نفس الخط راح تلاقونهم
وبنفس اليوم كملنا لي ميونخ قعدنا فيها يوم واحد وردينا بس وصلنا السوق وردينا سالزبورغ وما قعدنا فيها لانهم مسكرين كل الشوارع اللي توصل لي نص المنطقه بسبب الامطار وردينا زلمسي وامس رحت اوت لت سالزبورغ طبعاً مو كل الماركات موجوده بس سكادا و ck وبدار وبوس وغيس والباجي محلات عاديه قعدنا يوم بزلمسي وردينا لفيينا امس واللحين انا بالمطار رايحه اسبانيا

معلومات هامه : لوووووول

الجو بفيينا حار
الجو بزلمسي بارد ثلج ومطر لازم جاكيتات
الجو بميونخ برد ومطر نفس زلمسي

اوت لت سالزبورغ تلاقينه على يمينج وانتي راده من ميونخ
فيينا غاليه حيل يعني احنا خلال ٨ ايام ٢٠٠٠ يورو بس عالمطاعم والفنادق بس حتى السوق ما شريت شي كله ماجلته لي اسبانيا*

 

[امواج الكويت]

بنات بالموضوع اللي راح اسويه راح اخليه مرجع كامل
انا حتى بروشورات يبت عشان احطهم بالموضوع
اماكن
فنادق
احداثيات
مطاعم
صور
فيديو
كل شي

 

[HaYoOoMa]

امواج متى تردين انشالله على خير

ابي الحق على تقريرج لاني رايحه انشالله نص سته مابقى شي

 

[سنـــابل]

امواج
لا يطوفج متحف عالم الشوارافسكي

 

[om_7sin]

امواج الكويت مشكوووورة وهنيالج احنا هني حرررر موووت وناطرين نبي كل شي بالتفصيييييييييل الممل

 

[CrystalQ8]

مرحبا حبايبي انا حجزت ان شالله لميونخ وزلمسي انا اول مره اسافر هالدوله رحلتي ٦/٢٢معاي عيالي اعمارهم من ٥سنوات و٧و٩ شنو الاماكن الترفيهيه والمحلات الحلوه ابي بالتفصيل الله لايهينكم مابي شي يطوفني عفيه

 

[CrystalQ8]

مرحبا حبايبي انا حجزت ان شالله لميونخ وزلمسي انا اول مره اسافر هالدوله رحلتي 6/22معاي عيالي اعمارهم من 5سنوات و7و9 شنو الاماكن الترفيهيه والمحلات الحلوه ابي بالتفصيل الله لايهينكم مابي شي يطوفني عفيه

 

[HaYoOoMa]

ولكممممممم كرستال بالتجمع

جم يوم رحلتج جم يوم ميونخ وجم يوم زلمسي ؟؟؟؟؟؟؟؟؟

 

[قمة الإبداع]

مشكورة اختي milky way على الرد بس ماقلتيلي جم تاخذ منك السفارة لان المندوب ياخذ 43 دينار على الشخص و اذا مافي فرق بخليه يسويلي الفيز أحسن شرايك

 

[milkey way]

مشكورة اختي milky way على الرد بس ماقلتيلي جم تاخذ منك السفارة لان المندوب ياخذ 43 دينار على الشخص و اذا مافي فرق بخليه يسويلي الفيز أحسن شرايك

اوووله اشدعوه السفاره تاخذ على الكبار 24 والصغار اقل من 12 سنه 12 دينار اشدعوه هالكثر ياخذ المندوب .

انتي جهزي كل أوراقج وروحي السفاره والله سهاله صج ان زحمه وحر بس اتسهل الأمور ضبطي كل شغلج بالبيت وحطي كل شخص بكلبس بروحه وكتبي ورا الصور الأسامي وماراح اتطولين .

 

[AJWAN]

ضروري التوقيع عالجواز انا قدمت صوره صفحه توقيع الجواز بدون توقيع بس راجعوالاوراق مرتين ماردوهم تتوقعون يطوفونها عفيه اذا في وحده دزت صوره صحفه التوقيع بدون توقيع وطوفوها طمنوني حدي احاتي بس خذو منى الاوراق ماكلموني على التوقيع

 

[milkey way]

ضروري التوقيع عالجواز انا قدمت صوره صفحه توقيع الجواز بدون توقيع بس راجعوالاوراق مرتين ماردوهم تتوقعون يطوفونها عفيه اذا في وحده دزت صوره صحفه التوقيع بدون توقيع وطوفوها طمنوني حدي احاتي بس خذو منى الاوراق ماكلموني على التوقيع

انا بالنسبه لي صورت صفحة التوقيع وكنا موقعين عليها واهو لو في شي يردج من أولها ومايستلم الأوراق منج بس ان شاء الله يقبلونهم

 

[شوشو&صوصو]

امواج شنو عب بسوق نمسا يعني جناط ماركات لبس

 

["~FOoFOo~"]

مرحبا بنات
بعرف جم التذاكر بروح ميونخ

 

[AJWAN]

Milky مشكوره حبوبه طمنتيني وفعلا انا كانت عندي اشياء ناقصه وماقبلو اوراقي لمن كملتهم

 

[milkey way]

مرحبا بنات
بعرف جم التذاكر بروح ميونخ

على حسب الطيران اللي بتروحين عيه كل خطوط لها سعر​

 

[milkey way]

milky مشكوره حبوبه طمنتيني وفعلا انا كانت عندي اشياء ناقصه وماقبلو اوراقي لمن كملتهم

لا ان شاء الله تمشي وتطلعين الفيزا والله راحه لين تخلصين شغلج​

 

[PAMELLA]

ان شا ءالله كل اموري ما شيه تمام

يوم السبت قالو لي ايي وباخذ الفيزا:eh_s(9):

على خير ان شا ءلله