تجمع مسافرات النمسا وألمانيا صيـــــــ2011ـــــــف

[امواج الكويت]

بنات انا اليوم رحت سفارة النمسا ولقيتها مسكره من تاريخ ٢٤/٤ الى ١/٥ وباجر بتفتح ومواعيد عملهم من ٩ الى ١١ الصبح

انا رحلتي راح تكون الاسبوع الياي ان شاء الله فيينا - اسبانيا ( مدريد وبرشلونه وماربيا ) - لندن
واحتمال ندخل على المانيا بالسياره

 

[milkey way]

بنات عيزت أتصل على مكتب القبس علشان أطلع الفيزا محد يرد كلش مع اني متصله بنفس مواعيد العمل ​

 

[milkey way]

دقيت على السفارة الألمانية قالولي لازم اطلع الفيزا من السفارة النمساوية لأن الفترة اللي بقعد فيها بالنمسا أكثر من المانيا ​

 

[Samurai]

ميلك وي اي الديره اللي تقعدين فيها اكثر اطلعين منها الفيزا

 

[غلاتي الكويت]

انا بعد


رحنا يوم الاحد السفاره النمساوية كانت مسكره


ان شا الله باجر بروح ويطلعون لنا الفيزا بسرعه مالي خلق لويه ابي افتك من همها

 

[HaYoOoMa]

احنا الفيزا بنطلعها من السفاره الالمانيه موعدنا الاسوع الياي
التوتال كلفت علينا شخصين 60 دينار وطلباتهم سهله التذاكر والفناددق وصور الجواز والصور الشخصيه وتامين صحي بس


المكاتب يسوونها للشخص بخمسين تخيلووو

قرررنا 3 ايام ميونخ
3 ايام فيينا
5 ايام زلمسي
2 سالزبورغ

واجرنا سياره من بورب كار

 

[Samurai]

هيومه. انتي اكثر قعدتج بالنمسا ما توقع يسونها لج الالمانيه. لانهم قالولي حجز فندق لمدة سبع ايام في المانيا
اذا اقبلوها جان زين قوليلنا
انا طلعت تامين السفر من بيت التمويل ب ٢٣ دينار لمدة شهر
بس باقي اعبي الابلكيشن

 

[HaYoOoMa]

لان احنا بنطب ميونخ ونرد من ميونخ
قالولنا عادي مايجيكون اهناك لان فيزت الشنقن وحده

سويينا حجز وهمي ان بنقعد اسبوع بالمانيا

والله حده لويه مابقا الا شهر على السسفره
وزوجي حايس بيطلع بعد ليسن دولي

بس اشوه افتكينا من الفنادق الا زلمسي مراح نحجزلها

انتي متى بتروحين ووين

 

[HaYoOoMa]

الا صج عندج فكرره عن اوت لت بميونخ او فيينا ..؟؟

او سالزبورغ قالولي فيه ؟؟؟؟؟؟؟

امبيه انا سفرة دبي توني رايحه علبونه بس سياحه نستانس انا وزوجي
قلبت السفره كلها تسوووق وركض من مجمع لي مجمع ومن محل لي محل خخخخخخخخخ شكلي بقلب سفره اوربا تسووق


ميزانية التسوق حاطتلها 1500 ..
بشتريلي جنطتين ماركه وساعه ماركه وساعه ثانيه ماركه بس برخص وشوزات واكسسوارات وبجايم وهالسوالف
وبدلات لبنتي حق العيد ورمضان انشالله افتك منها هههه

وهدايا مافكر اجيب صراحه روحتي اوربا قبل وروحتي دبي كله اشتري هدايا وانسا نفسي وحالتي حاله افكر فلانه وفلانه

هالمره بقول انا رايحه سياحه بس مارحت سووق اللهم نفسي وخواتي كلهم ثنتين وامي

 

[Samurai]

اتهقين اسوي حجز وهمي ؟
نفسج سفرتي بعد شهر
الله يسهل. اوروبا صعبه الصوغات مكلفه
وفعلا ما اراح اتسوق الا اذا صار عندي وقت مو محتاجه شي بس نفسج ابي بدله عيد لبنتي يا رب القى
في اوت ليت انقلوشتاد يبعد ساعه عن ميونخ بس مادري اذا يسوى او لأ

 

[قمة الإبداع]

أنا إن شاء الله بروح من تاريخ 9-7 غلى 23-7 اسبوع في زلمسي و اسبوع في انترلاكن و للحين ما أجرت سيارة أو طلعت فيزا إن شاء الله بسافر مع زوجي و اعيالي الأربعة حجزت شقق بس بسأل أفيز الحين و لا مبكر و اختي HaYoOoMa بكم طلعت عليكم الفيزة للشخص لأن أن العام عن طريق مندوب أخذ 50 دينار و زوجي رافض يسوي بنفسه الفيزة يقول نفس السعر تقريبا فرق دينارين ثلاثة و من وين حجزتم السيارة من الموقع و لا من فرعهم في مطار الكويت و مشكورين مقدما و اللي عنده معلومة ياريت لا يبخل علينا فيها و ان شاء الله الله بسهل على الجميع و تروحون و تجون بالسلامة.

 

[HaYoOoMa]

اي حجز وهمي سووي ومن تستلمين الفيزا او قبل السفره كنسلي الحجز
واساسا هناك مايسالون عن الفيزا كلش

اوربا انشالله بجيب من سي اند اي حق خواتي ثنتين صغار سوالف بنات بلايز واكسسوارات هالمحل نفس طقة سنتر بوينت
وامي ناويه اجيبلها جنطه بحدود 80 لي 100 وبس واذا في شي عجبني خذيته لها

اما الباقي ابي اشتري ماجله كل شغلي اني اشتري من هناك
وبنتي باخذلها نفنوف ماركه بحدود 100 وتحت حق العيد انشالله واففتك منها لان الصراحه الكويت ماكو شي مميز كلش
الاسواق العاديه والاسواق الكشخه نفس الشي

.........

قمه الابداع

الفيزه يسويها المكتب للشخص ب 50 وتدفعين بالسفاره 10 للشخص يعني 60 الششخص
انا وزوجي سويناها ب 60 اثنينتنا .. وفرنا 60 دينار


وترى مايبيلها شي دشي موقع السفاره شوفي المطلوب واخذي موعد وجهزي اوراقج وبس روحيلهم وتنتهي المساله تنطرين عاد متى تطلع

يقولون 3 ايام تطلع

 

[امواج الكويت]

الحمدلله اليوم فيزنا وخلصنا بس قبل ما تروحون السفاره لازم تصورون الجوازات والتامين والبطايق المدنيه لانهم ياخذون الصور مو الاصليه

 

[خشف بدو]

بنات في أوت لت حلو يبعد عن فيينا ساعه تقريبا هو على حدود سلوفاكيا يهبل لا يطوفكم كل الماراكات موجوده *

 

[milkey way]

ميلك وي اي الديره اللي تقعدين فيها اكثر اطلعين منها الفيزا

اي قالولي ان الديرة اللي بتقعدين فيها أكثر تطلعين من سفارتها الفيزا ​

 

[لحن التناهيد]

بسالكم شو الجو في المانيا وشو الملابس الي تناسب

 

[om_7sin]

لحن التانهيد حبيبتي يختلف من منطقة لي منطقة عندج ميونخ حارة وماادري انتي مناطق تبين في مواقع اطلع لج درجات الحرارة*

 

[om_7sin]

HaYoOoMa شخباري صواايغ الصراحة اتكلف واتخليج تقصرين على روحج انا قلت بييب حق امي جنطة وخواتي يمكن ككاو او اشياء بسيطة الصراحة الواحد يلحق على شنو على وناستة ولا على صوايغ انا قلت بعد باخذ حق العيد واهم شي جم جنطة ماركة لزووم الكشخة؛) وبييب حق خالتي ام ريلي جنطة بعد واشوة تقربيا ثلاث ارباع اهلي واهل زوجي مسافرين

 

[حلمي اكون ام Q8]

انا ان شالله مسافره المانيا مدينه بادن بادن 4 ايام وبعدها انترلاكن اسبوع وبعدها فلاخو 10 ايام ونرجع فرانكفورت 3 ايام

من وين اطلع الفيزا انا راح اوصل واطير من المانيا ...

انزين شنو التامين الصحي من وين اطلعه لي انا وزوجي وولدي ..

وولدي فيزته مجانا او لا بيكون عمره ان شالله 11 شهر

 

[jory1-2]

انا بعد وياكم


ناويه بالصيف اسافر للنمسا والمانيا مع سفريات الفضاااء اشرايييكم فيها؟؟؟؟


وابي لستته اسول المانيا الرخيصه لان السفره على قدي وودي اشتري جناط وشغلات حلوووو


بلييييز ردوا علي بسرررررررررررعه