تجمع مسافرات النمسا وألمانيا صيـــــــ2011ـــــــف

[vanilla-D]

اي السعر لشخصين وسفرتي 15 خمسه ما اقدر اخليها شهر سته

 

[vanilla-D]

عطوني ارقم مكاااتب كل ما اتصل يقولولي ما عندناا الا حق الصيف

 

[برميتا]

يا بنوتات
اللي تقدر تحجز حق شهر 6 لا تتردد
الجو عجيب والاسعار معتدله
شهر 7 تتدبل الاسعار وتزيد الزحمة

 

[الأميرة كيرارا]

بنات شوقتوني للسفر
شنو عرض القطرية إلي تتكلمون عنه؟
حلمي أشوف زيلامسي

 

[أم الحلوة جمان]

هلا يا كويتيات ... انضم معااكم في هالتجمع ...
الحمدلله حجزنا التذاكر (كويت - ميونخ - كويت ) من 2/7 الى 24/7
عالإماراتية ... أنا وزوجي و عيالي ( 7 سنوات و 4 سنوات ) ب 980 دك
الأيام قسمتها بعد الاستعانة بمنتدى المسافرون العرب كالآتي :
اول ليلتين بميونخ لزيارة الأماكن السياحية (و ليس التسوق )
بعدها 5 ليالي بكابرون و منها أزور سالزبورغ و زيلمسي ...
بعدها 5 ليالي بمنطقة ايطالية اسمها (لزيز ) و منها أزور فينيسيا و فيرونا و ميلانو ..
بعدها ليلة بجنيف أو ديفون (منطقة ريفية بفرنسا)
بعدها 5 ليالي بباريس ( طبعا ديزني و الشانز و السوق)
بعدها ليلة بمنطقة المانية (ليلحين محتارة بس ابيها يم شتوتقارت عشان الأوتلت)
و بعدها 3 ليالي بميونخ للتسوق ...

اول ليلتين بميونخ حجزتهم في فندق اسمه Anna Hotel .. عن طريق موقع Booking
خذيت غرفة مع سرير اضافي و الإفطار ب 144 دك
و طبعا بنأجر سيارة طول الرحلة ان شالله ...

و جاري البحث عن باقي الفنادق .. و يفضل شقق فندقية ...


وبسسسس سلامتكم

 

[ام مهاوش]

مرحبا بنات اهنيكم على الاختيار العجيب
انا الصيف اللي فات كنت بزلمسي وميونيخ واستانست وايد الحمدالله
واذا تبون اي استفسار دزولي على الخاص يمكن ما اقدر اشوف الرد
ام الحلوه جمان زين سويتي حجزتي فندق انا بميونيخ لانه الفندق موقعه وايد حلو واهوا اذا قارنتيه بفنادق ميونيخ يطلع احسن واحد

 

[om_7sin]

ام الحلوة جمان رحلتج وايد حلوة بس من جنها وايد فيها تنقلات ؟؟؟؟ قبل لا تاكدين شوفي المسافات بين المناطق

 

[om_7sin]

Vanilla متى سفرتج ؟؟؟

 

[أم الحلوة جمان]

هلا أم مهاوش ...اي والله انا حجزت هالفندق بناء على آراء النزلاء فييه و منتدى المسافرون العرب ...
أم حسين : اي فيها تنقلات و الصراحة انا مابي أقعد بديرة وحدة أكثر من 6 أيام عشان لا نمل ... وودي ادور بأكثر من دولة ..
و المسافات 5 ساعات أكثر شي عشان جذي تشوفين حاطة ليلة في ديفون و مدينة بالمانيا منها أشوف المنطقة و منها نريح و نعاود الانتقال ثاني يوم ...

 

[أم الحلوة جمان]

أم مهاوش شرايج بفندق ميريكيور ؟؟؟
انا المانيا حجزت فندق Anna ليلتين الأولييتين .. بس آخر شي عندي 3 ليال بميونخ للسوق فمادري أحجز نفس الفندق ولا اجرب فندق ثاني ؟؟؟

 

[أم الحلوة جمان]

توني حجزت شقة في كابرون : Johannahof Appartements اللي عجبني فييه قعدة خارجية و العاب للأطفال و ترمبولين .. و الآراء عليه زينة و ان شالله أتوفق فييه .... 5 ليال ب 214 دك

 

[milkey way]

هلا بنات حجزت على الإماراتية ( كويت - ميونيخ - كويت ) تاريخ 29/6 إلى 16/7 راح ننزل ميونيخ وناخذ السياره ونروح زلمسي ونقعد فيها 4 ليالي وعقب نروح سيفلد نقعد فيها 6 ليالي وعقبها نرجع ميونيخ للتسوق ونقعد فيها 4 ليالي .

لي عندكم طلب ابي فندق حلو ونظيف وسعره زين بزلمسي وأهم شي موقعه زين وميونيخ فكرت في الميريديان بس راح احجز غرفتين بيطلع علي وايد .

وودي لو تحددون لي المناطق وكل منطقه جم اقعد فيها انا هالتخطيط اللي حطيته مبدئي بالنسبه لسيفلد اهي مافيها شي بس الطبيعه وقريبه من كذا منطقه .

وودي نروح ديزني بألمانيا اشرايكم ؟؟؟؟؟

 

[أم الحلوة جمان]

milkey way : حببتي اول شي بالنسبة لزلمسي وايد ناس مانصحوني السكن فيها .. نصحوني بالسكن في كابرون .. و اهي قرييبة حييل من زيلمسي ( 10 دقايق بالسيارة )

 

[milkey way]

milkey way : حببتي اول شي بالنسبة لزلمسي وايد ناس مانصحوني السكن فيها .. نصحوني بالسكن في كابرون .. و اهي قرييبة حييل من زيلمسي ( 10 دقايق بالسيارة )

لا والله ليش اشفيها ؟؟؟؟ مع اني سمعت ان وايد فنادق حلوه فيها على البحيره ​

 

[أم الحلوة جمان]

والله مادري بس الكل يكون كابرون أشرح للسكن من زيلمسي .. و زيلمسي تصيير حيييل زحمة و مترووسة خليجيين ..

 

[بنت عطا 24]

قووه بنااات

شخبااركم

انا ان شاء الله النيه اروح ميونخ وزلمسي

قاعد اقنع زوجي وموراضي ويااارب يقتنع


المهم


والرحله بتكون اسبوعين


ممكن تحددون لي الفنادق والاماكن السياحيه الحلووه

والله ماعندي خبرره كلش

 

[ام مهاوش]

أم مهاوش شرايج بفندق ميريكيور ؟؟؟
انا المانيا حجزت فندق Anna ليلتين الأولييتين .. بس آخر شي عندي 3 ليال بميونخ للسوق فمادري أحجز نفس الفندق ولا اجرب فندق ثاني ؟؟؟

ميركور ستي سنتر كان جدام فندقنا انا كنت ساكنه بنفندق ليوناردو السكه اللي فيها الفندق موزينه ما انصحج فيها بالمره وخصوصا انتي معاج يهال حجزي فندقج نفسه او فندق nh موقعه حلو بعد جدام محطة القطار

 

[برميتا]

والله مادري بس الكل يكون كابرون أشرح للسكن من زيلمسي .. و زيلمسي تصيير حيييل زحمة و مترووسة خليجيين ..

بين كابرون وزيلامسي 10 دقايق بالسيارة
وكابرون فنادقها وسكنها أرخص من زيلامسي

وكل وحدة لها جوها
كابرون هادية وايد وممكن فيه ناس بالليل اتحس انها توحش
وزيلامسي فيها حركة ولوية وفنادقها احلى من كابرون

 

[om_7sin]

انا حاجزة بكابرون ماكو احد مامدح كابرون الكل يمدح انا الشقة الي حاجزتها على بحيرة زلمسي بس الصوب الثاني يصير قبال السنتر *

 

[ام مهاوش]

بين كابرون وزيلامسي 10 دقايق بالسيارة
وكابرون فنادقها وسكنها أرخص من زيلامسي

وكل وحدة لها جوها
كابرون هادية وايد وممكن فيه ناس بالليل اتحس انها توحش
وزيلامسي فيها حركة ولوية وفنادقها احلى من كابرون

اذا بتقعدين وايد سكني بكابرون بس اذا اشويه لانصيحه سكني بزلمسي على الاقل لما يصير بالليل ماتحاتين الرده حق كابرون لانه الشوارع مافيها ليتات والطريج بالليل يخرع بين زلمسي وكابرون
كابرون وايد هاديه وصج فنادقها ارخص من زلمسي بس الصراحه السكن بزلمسي وايد اونس وموكل مكان بزلمسي ازعاج بالليل بالعكس مكانا اللي سكنه فيه هادي وكل الفنادق اللي يمنا بعد هدوء