تجمع مسافرات النمسا وألمانيا صيـــــــ2011ـــــــف

[السبيعيه]

السلام عليكم ورحمه الله وبركاته شلونكم بنات احنا رحلتنا تاريخ 10-7 على الخطوط الاماراتيه بنقعد في براغ يومين ومنها بتكون انطلاقتنا ان شاء الله فيناااااااا زيلامسي الصراحه انا متخوفه من البكتريا اللي طلعت لنا الله يسهل الاموار

 

[الوافيه43]

مساء الخير حبيباتي ’’
ابسالكم عن البكتيريا المنتشره في المانيا والدول الاوربيه انا بصراحه افكر الغي سفرتي ومتردده (احد مثلي يفكر يلغي؟؟) حيييييل متخوفه من هالموضوع ؟
اللي عندها اجد سافر هالفتره او موجود هناك ياليت تشوفلنا شالاخبار مع هالمرض ؟. وشنو الوضع ؟

 

[قمة الإبداع]

سلام بالنسبة للي خايفين من البكتيريا لا تخافون و لا شي و الدليل هذا الخبرعلى لسان وزير الصحة الألماني حيث قال:

هذا المرض أصبح في حكم المنتهي حيث قال : (( ان العدوى من بكتيريا الإيكولاي انخفضت بشكل كبير جداً، وإن المتوقع والإسوء في هذا المرض قد إنتهى ))​

وهذا هو نص الخبر من موقع الـ BBC ​

http://www.bbc.co.uk/news/world-europe-13691087​

 

[om_7sin]

الله الحافظ

 

[فنيسيااا]

بنات انا باذن الله بروح المانيا وللحين مو عارفين نسكن فرانكفورت او ماربورغ
منو عنده فكره عن الشقق اهناك

 

[اميرة القصر المهجور]

مرحبااا بناات انا الحين بالنمسا وتحديدا في زيلامسي واااي بنااات مدري شوصف شقووول فضيييعه تجنن منااظر خياال بس بررد مووت ماتوقعت جذي
واما سالفه المرض ماااااافي الا العافيه الناااس طبيعين وناااكل ونشررب وماااكو شي لحد يكنسل سفرته حررام والله
وان شاءالله راح اسوي تقرير اذا رديت بالسلامه

 

[فنيسيااا]

اللي تسال عن خط مع خدمت الداتا
اظن الحين يسمحون للسياح
لما رحت قبل النمسا ما رضوا الا خط عادي

 

[om_7sin]

اميرة المجهول الله يهييينج وطمنتيني الله يطمنج ويعني واايد برد يعني اثقل لليهال باللبس ونااطرين تقريرج

 

[om_7sin]

بناات انا شاريه الاجياس الي تنسحب منهم الهوا عجييبين منو مجربهم وايد مفيدين اتحطين الملابس داخلهم واييبين مكنسة يشفط الهوا ويوفر مكان بالجنطو

 

[^emy^]

up
up

 

[q8ya-barby19]

قووه ياحلوات بغيت اسالكم تعرفون اكواخ في زيلامسي او الكابرون خاطري بكوخ ..

 

[اميرة القصر المهجور]

هههه ام حسين ضحكتيني قلبتي نكي قلب

ايي حبيبتي كثري ملابس ثقيله والله بررد ومطر وغيييم مولاقين وقت نطلع نتمشى ماشاءالله

والاجياس الضغط عجييبه مجربتهااا اناا

وبالتوفيق

 

[haifa.mm]

اميره يعني حتى الكبار ناخذ شتوي ؟؟

 

[كويتيه شقره]

وااي طمنتينا اميره كنت خايفه يكون حر


وشنو هذول الاجياس زين والله من وين اشتريهم ماعليكم امر بليز

وطمنينا عن الجو بالتفصيل

 

[om_7sin]

اميرة القصر المجهول لووول سووري من العيلة انا شاريته الجياس من سنة تقريبا كان بكلية التربية الاساسية مسوين معرض شريتهم من الصينياات واتوقع بارض المعارض ينباعون عند الصينيات بس مو متاكدة واختي شاريتهم من جم سنة من سيرز

 

[حنوووووونه]

السلام عليكم ويعطيكم العافية بنات انا ودي اسافر دولة اوروبية بس بروح معاي عيالي ولدي صغير وين تنصحوني ابي دوله ما اتكلف وايد وعائلية واقدر اونس عيالي مشكوووووووووووورين

 

[um_saif]

في حد رايح على كولون المانيا هالصيف؟

 

[om_7sin]

حنوووووونة حبيبتي جم ميزانيتج وجم عددكم ؟؟

 

[weddy]

هلا اخوي
ممكن تجاوبني على استفساراتي في هالموضوع ؟ واكون لك شاااكره :eh_s(7):

سنابل
السلام عليكم أختي ,الألمان شعب عموما طيب ، هم لهم عاداتهم ونحن عاداتنا ويحترمون خصوصا تلك الأسر التي بستقبلون الطلاب والطالبات الأجانب وفي إعتقادي وبمعرفتي لهدا الشعب فإن هاته الأسرة تطلعت على العادات العربية حتى يرون إن كان هناك أمر يحرجك في عيشهم فيتجنبونه وكدلك في إعتقادي أنهم تهيئوا .هم شعب يأخدون دائما أقصى الإحتياطات لأبسط الأشياء وشعب punctually . في خصوص الهدايا يعني أشياء تمثل الكويت مثلا اللباس أو شيء آخر كدلك الحلويات التي لا يكون يفها سكر كثير . كم مدة جلوسك في ألمانيا؟

 

[um_saif]

بناات انا شاريه الاجياس الي تنسحب منهم الهوا عجييبين منو مجربهم وايد مفيدين اتحطين الملابس داخلهم واييبين مكنسة يشفط الهوا ويوفر مكان بالجنطو

انا مجربتنهم وتعبوني وايد تدرين ليش؟ لان في ميزان المطار طلع الوزن بزيادة والسبب تفريغ الهواء يزيد الوزن وايد ولما فرغنا الاكياس من الهواء ورجعنا رتبنا الملابس بدون الاكياس الضاغطة خف الوزن وايد وايد