جروح دفينه
New member
- إنضم
- 10 سبتمبر 2009
- المشاركات
- 64
- مستوى التفاعل
- 0
- النقاط
- 0
بسم الله الرحمن الرحيم انا اسمي اسماء عمري 16 سنه مصابه بالوهن من ثلاث سنين بداية دخولي المرحله المتوسطه ماتهنيت فيها بدا معي اول شي في جفوني بعدين في يد اليسار معد قدرت ارفعها ولمل اقول لامي عنها تقولي من شنطة المدرسه وعيوني من التلفزيون المهم بعدين بدا فمي يسير كانو منفوخ ولما رحت المستششفى قالولي من فقر الدم عدين اختفتالاعراض فتره ماعدا يدبعدين بدات كل ماامشي اطيح واهلي في البدايه يحسبون اقصد اطيح نفسي ويقعدون يخاصمون بعدين بدات اشرف بالماي لما اشربه وبرضو ماحد مصدقني الين بدا التعب يزيد ويتكرر ساعتها اقنعت اهلي اني اروح عند مختص فرحنا عند طبيب عظام وماعرف اشفيني فحولني على طبي اعصاب فقالي اسوي تخطيط اعصاب في مستشفى عرفان بجده طبعا اهلي وانا طنشنا الموضوع تماما بعد فتره رجعت الاعراض اقوى واقوى لحظتها اهلي بدويتاكدون اني مريضه فرحنا عرفان وسوينا تخطيط ورجعنا طبيب فنفس المستشفى وقالنا عن المرض وعن العمليه وعن الادويه انا لحظتها حسيت بفرح اولا لاني اكدت لاهلي اني ماامثل وثانيا اني بسوي عمليه وادلع مادريت انو هاذا اليوم كان اعلان لتوقف حياتي وعلى بالي انه مثل الزايده يوم يومين وانتهي ما دريت انه اعا قه لكامل حياتي لاني بصراحه الدكتور ماتكلم قدامي عن كل شي ولما طلعت تكلم مع امي وخالتي عن كل شي وشرحلهم المرض وانا ولا ادري عن شي المهم امي كانت رافضه العمليه واخذت المستينون وتحسنت عليه كثير ونسيت موضوع العمليه لما جيت بوقف المستينون دون مراجعة الطبيب امي رفضت تماما وانا استغربت لما راجعنا اطباء ثانين اكدوا لنا ضرورة العمليه وبدانا اندور احسن مستشفيات ولقينا مستشفى الحرس بجده وبداينا نراجع وبما انا اجانب فكان العلاج بفلوس وخلال هاذي السنه كانت حالتي من سي الى اسواء حتى صار الكلام صعب والبلع وهاذا لما بدا معي رجعوا اهلي يقولون اني امثل وبذات اخواني كانو يحسبوني ادلع بس كنت امشي عادي جدا ويمكن هاذا الي هون علي خلال هاذي السنه انا كنت ادرس عادي جدا لكن المشاكل ببدات في السنه الجديده لاني بدات اتعب زياده طبعا الي اخر العمليه اني لما سويت الاشعه رحت لطبيب ولقيت بداله طبيب مناوب لانه كان في اجازه وهاذا الطبيب لما شاف الاشعه قالي مايحتاج عمليه وبالعلاج تتشافين وانا فرحت ولما بدات الدراسه وبدا التعب والروحه والجيه زاد التعب مرررررررررره فراجعت الطبيب ثاني فقالي ماعد في حل الا العمليه لاني استخدمت كل الادويه الي هيه (الكرتزون -الميرون-المستينون)فتوكلنا على الله وبدانا اجراءت العمليه في اجازة نصف السنه وطبعا كلفتنا كل مافوقنا وتحتنا المهم سوية تصفية بلازما ثلاث ايام وبعدين سوت العمليه وكانت شق لانها كانت اضمن من ناحية ازالة الغده بالكاملوبعدها انا كنت متوقعه انو اقل شي شهر الا انا راجعه احسن مما كنت وطلعت من المستشفى واخذت شهر نقاها وبعدها رجعت للدراسه بس حالتي كانت اسواء مليون مره من قبل فطريت اضيع علي السنه وصار نزول الدرج اوطلوعه اكثر شي اكرهه في حياتي قعدت ثلاث اشهر ما اقدر افكر حتى في الخروج واهلي كلهم يحاولون معي وليلة رمضان الماضي كان احسن يوم لصحتي من سنه وانا فرحت طبعا على بالي اني تشافيت مدريت انه الهدوء الذي يسق العاصفه لانو في نفس اللليله وفجاءه وبدون سابق انذار جاتني ازمة تنفس والدكتور سبق وقالي عنها بس هاذي اول مره في حياتي انكتم او اشوف احد ينكتم طبعا ليلة رمضان والكل متوقع كل خير ماحد توقع هالمصيبه وفجاءه تحولت لاسواء ليله في العمر الكل توقع اني قاعده اموت وقاعدين يبكون ويصرخون واتصلو على الاسعاف وعلى العائله كلها صدقو اني بموت حتى قاعدين الرجال عندراسي ويقولون تشهدي والحريم كلهم برا يبكون ويصرخون المهم وصل الاسعاف ورحت المستشفى وقعدت خمسة ايام في العنايه وتوقف عني المستينون لانه سببلي حساسيه وحطولي المحلول وانا في العنايه وطلعت بعد ثمانيه ايام من الستشفى وتحسنت شوي عن اول بس لسه في تعب بعدين الدكتور وصفليدواء(سلسبت)وتحسنت عليه كثيررررررررر وبس باقي كثير مواقف مكرهتني حياتي اقولكم هيه مره ثانيه لاني طولت عليكم ونفسيتي تعبت وانا قاعده اتذكر كل هاذا فيوم واحدواسفه طولت عليكم
