تجمع مراجعات مستشفى رويال حياة

[أميرة طفولتي]

رد : تجمع المراجعات عند دكتورة ( ليلى اشكاني ) و الي جربوها حياكم

اليوووووووووووووووووووووووووووووووووم كان موعدي

اول شي
المكان :
مركز سلطان الي على البحر يصير على ايدكم اليمين طوفوه اتييكم اشاره اخذوها فوق تحت
اول لفه على ايدكم اليمين دشوا << انتبهولها صايره جنها داعوس ماتبين
من تدخلون اللفه خطوتين واخذوا يسار تلقون العماره الثالثه او الرابعه كلها عيادات
وفيها عيادة باب هاني للاسنان
اهيا الدور السابع شقه 13

ثاني شي
ارقام العياده :
نفس الارقام القديمه دقوا عليها
السستر الي قاعده عند الرسبشن عندها موبايل محولين الارقام القديمه عليها واهيا ترد عليكم
حاولوا ادقون على الخطين تقول لان واحد محول على خطها والثاني مانتبهت شنو قالت

ثالث شي
اوقات العمل هههههههه
بسسسسس الصبح من 10 لي 2 الظهر
والعياده مسكره ورا الفطور ماكو دوام لان انا اساسا امس موعدي رحت ورا الفطور مسكره العياده
وحاطين ورقة على الباب بمواعيد الدوام

ووووووووو اليوم ماشالله هدوء ماكو احد يصفر المكان دشيت على طول درعمت هههههههههه
ونفسيتها كانت وااااايد حلوه اليوم مستانسه تضحك بروحها وتسولف ونصايح
اول مره تنطق العاده انا اسحب منها الحجي

 

[زينة الزين]

تجمع اللي ناوين يولدون برويال حياة يا الله تعالوا

السلام عليكم بطوطات
:tek:
شلونكم وشلون بيبياتكم

ودي أفتح هالتجمع لكل اللي يراجعون أو ناوين يولدون برويال حياة على شان نستفيد من بعضنا ونعرف آخر أخبار المستشفى وخدماته وحتى بعد الولادة طريقة المراجعة والخدمات اللي البنات أستفادوا منها بالمستشفى

عسى الله يسهل علينا وعليكم أجمعين

بنات آنا حاليا أراجع عند د. ماجدة كميخ برويال حياة وناوية أولد عندها

يا الله بنات شاركوني وخل نسولف عن المستشفى واللي سمعتوه عنه

:68_asmilies-com:

:33_1185028183:

 

[([عطر رومانسي])]

رد: تجمع اللي ناوين يولدون برويال حياة يا الله تعالوا

هاااااااااي زيوووونه


انا اراجع عند نداء بو خضور برويال حياة والحمدلله مرتاحه عندها


وربي يسهل علي واولد بالسلامه وايي اقولكم شلون المستشفى

 

[♥ąϻᴑŁ♥]

رد: تجمع اللي ناوين يولدون برويال حياة يا الله تعالوا

اهلين حبووبــة ..

انا حاليا اراجع عند دكتورى نداء بوخضور ولله الحمد مرتااحتلهــا ..

وان شاء الله ربي يسهل علي وعليكم

 

[أميرة طفولتي]

رد : تجمع اللي ناوين يولدون برويال حياة يا الله تعالوا

السلام
مبروك التجمع وانشالله يكون تجمع خير على الجميع
والله يتمم علينا بهالايام الفضيله ويحقق الي فبالنا ويرزقنا بالذريه الصالحه

بصراحه انا ما اراجع برويال حياة بس حاطته فبالي يمكن اولد فيه لاني بجر وماعندي خبره بالمستشفيات
ومادري صراحه وين اولد انا مارحت للحين هناك ولا شفت الغرف
ياريت البنات يقولولنا تجاربنا بولادتهم هناك والغرف والتعامل وكل شي بكل صراااااااااااااحه
وقولولنا بعد بنات اذا احد يعرف ماعليكم امر اسعار الغرف وكل شي

 

[سمبتيكة]

رد: تجمع اللي ناوين يولدون برويال حياة يا الله تعالوا

هلا بنات انا بعد افكر برويال حياة اذا الله تمم حملي على خير
بس عندي ملاحظه على المستشفى احسه صاير لويه وزحمه باللوبي مو مثل اول
جربته بولادتي الاولى كان هادي وراقي الحين صاير زحمه
حتى خدمتهم كانت حلوة واخاف على هالزحمه يقلل اهتمامهم بالمريض

 

[زينة الزين]

رد: تجمع اللي ناوين يولدون برويال حياة يا الله تعالوا

هلا بالبنات كلهم

سمبتيكة صح كلامج والله المستشفى صار شوية لوية تحت عند اللوبي واللي لفت نظري أنه مدخل الطوارئ صار خري مري
أقصد الأصنصيرات اللي يستعملونهم حق الطوارئ اللي ورا
صاروا الناس الزوار بكشختهم وطيبهم ومكياجهم يستعملونه عادي يعني إذا فيج طلق ورايحة المستشفى بوقت زيارة عادي تدخلين الأصنصير مع جم وحدة كاشخة وتشكشك بكعبها وأنتي حالتج حالة الطلق والخرعة

آنا سألت اللي يشتغل هناك قال لي شنسوي لما يصير زحمة على الأصنصيرات مالت الضيوف الناس صاروا يستعملون هذا الأصنصير بس لاحظت أنه حتى من غير زحمة الناس صاروا يستعملونه
آنا لأن عيادة طبيبتي يم أصنصير الطوارئ على شان جذيه قاعدة لهم قعدة
لووووووووووووووووووووول

 

[زينة الزين]

رد: تجمع اللي ناوين يولدون برويال حياة يا الله تعالوا

عطورة حياج الله يا قلبي

بغيت أسأل إذا يصير في حالة أنه طبيبتي مو موجودة وقت ولادتي تولدني نداء
لأن وحدة من الأهل المفروض طبيبتها ماجدة كميخ تولدها بس أتصلوا عليها ما حصلوها ومايتلها وولدتها الطبيبة المصرية اللي بالخفارة
آنا لما سمعت سالفتها خفت وقلت لازم أخليلي طبيبة ثانية ستاند باي

بس أخاف لازم أكون فاتحة ملف عند نداء على شان تييني بالولادة إذا طلبتها!!!

 

[([عطر رومانسي])]

رد: تجمع اللي ناوين يولدون برويال حياة يا الله تعالوا

هلا زيونه لا ماتولد نداء الا مريضاتها هذا اللي اعرفه

وكل الدكاتره جذي مايولدون مريضات غيرهم


واذا مايت دكتورتج تولدج دكتوره الخفاره


صج انا مستغربه من شغله وين اصانصيرات الطوارئ >> اي صوب ؟؟ عمري ماشفتهم


بعدين مو حلو بالمستشفى ان الطوارئ بالدور الخامس وايد بصراحه منقلع ههههههههههه

 

[احلى من الحلى]

رد: تجمع المراجعات عند دكتورة ( ليلى اشكاني ) و الي جربوها حياكم

والله بنات اتهبل بصراحه الدكتوره بس الحين انطر نتيجه الخياط انا احسه انه مو نفس معصومه معصومه كان مسموت


ويس اهى قالت لا والله اهو اوكى ومضبوط وانشالله عقب النفاس اقولكم النتيحه


بس بالولاده بصراحه الله يجزاها كل خير اتهبل اتهبل اتهبل يكفى ولدتنى طبيعى والكل كان مصر انه قصريه واتسمى واتساعدج

 

[([عطر رومانسي])]

رد: تجمع اللي ناوين يولدون برويال حياة يا الله تعالوا

اي صج على الاسعار انا خذيت ورقه منهم فيها عروض الى تاريخ 31-8


يعني ماراح تلحقون عليها


وانا ان شاءالله ناويه اخذ كاميليا >> الطبيعي بأذن الله بحدود الف دينار


والقيصريه 1700 وشوي بعد

والله غالي

 

[أميرة طفولتي]

رد : تجمع اللي ناوين يولدون برويال حياة يا الله تعالوا

وييييييي اخاف على هالزحمه تهقون وقت الولاده نحصل غرف ههههههههه
انا للحين محتاره بينه وبين السلام مادري !!

 

[Om_Ksha]

رد: تجمع المراجعات عند دكتورة ( ليلى اشكاني ) و الي جربوها حياكم

^
^
ننطر معاج نتيجه الخياط وتقوليلنا

وحمدالله على سلامتج

 

[Om_Ksha]

رد: تجمع اللي ناوين يولدون برويال حياة يا الله تعالوا

^
^
نفسج محتاره بينه وبين السلام

 

[أميرة طفولتي]

رد : تجمع المراجعات عند دكتورة ( ليلى اشكاني ) و الي جربوها حياكم

انشالله الخياط يطلع مضبوط وتبشرينا
والله يبشرج بالخير وتظل جذي على طول والله لايغير عليها

 

[دمثة]

رد: تجمع اللي ناوين يولدون برويال حياة يا الله تعالوا

رويال حياة وبس انا والدة فيه شهر 4 وعند الدكتورة خالدة فضيييييييييييييييييييييييييييييييييييييييييييييييييييييع

الله يرزقني وارجع اولد فيه بالطفل الصاحي يارب ادعولي امانه بنات


عسى الله يثبت حملكم ويقر اعيونكم بالطفل الصاحي المعافي يارب

 

[سموره 87]

رد: تجمع اللي ناوين يولدون برويال حياة يا الله تعالوا

انا والده فيه من سنه الصراحه وايد حلو ورعايه حلوه ودكتورتي نداء بوخضور روعه
خذيت جناح ليلي كلفتني ولادتي 1100
وبعد الولاده بنتي ماواديها الا رويال اذا مرضت حتى دكاترة اطفال كلهم زينين لاني مجربتهم كلهههههههم

 

[miss swan]

رد: تجمع اللي ناوين يولدون برويال حياة يا الله تعالوا

بنات انا بولد فيه بس مو مرتاحه مااحسهم مريحين بس اضطريت لاني ابي الدكتوره نداء مريحه ومبين انها فاهمه
وحته الغرف تقولي يمكن تحصلين اللي تبينها او ممكن لا وغير هذا مايصير اخذ الغرف الصغيره بعدين اروح الكبيره

 

[حرم_طيار]

رد : تجمع المراجعات عند دكتورة ( ليلى اشكاني ) و الي جربوها حياكم

:33_1185028183::33_1185028183:

مرحبا حلوات

 

[um_yoyo]

رد : تجمع اللي ناوين يولدون برويال حياة يا الله تعالوا

انا اراجع عند عصام صقر ولادتي قيصريه و احتمال اخذ الكامليا بس اذا خلصو العروض باخذ الليلي بعد اسبوعين عمليتي ادعولي