تجمع مراجعات مستشفى رويال حياة

[فله]

رد: تجمع الحلوات اللي يراجعون عند الدكتوره سلوى الرفاعي ؟؟؟

بيور الله يهون عليج

 

[احلى من الحلى]

رد: تجمع المراجعات عند دكتورة ( ليلى اشكاني ) و الي جربوها حياكم

كان قلتيلها انج بالتاسع وتبين تولدين عندها
انا لما رحت اول مره مادقيت درعمت ودخلوني عليها
كان درعمتي نفسي هههههههههه

طيب حبوبه ماقالت لج بتغير العياده او لا ووين بتروح
انا موعدي الاربعاء الجاي .

دقيت عليها عقب ورحتلها وطمنتنى وكتبتلى ورقه حق المستشفى


وامبله عطتنى عنوانها اليديد من الاثنين بداوم اهناك قالت وراى المرينا الثلاث عمارات نفس الشى اهناك عيادتها الدور السابع

 

[احلى من الحلى]

رد: تجمع المراجعات عند دكتورة ( ليلى اشكاني ) و الي جربوها حياكم

بنات ابلز الخياط مالها اشلون بصراحه شكلها تهبل وتنطر على الوحده

 

[..ليالي..]

رد: تجمع الحلوات اللي يراجعون عند الدكتوره سلوى الرفاعي ؟؟؟

الدكتوره تولد قيصريات بالفروانيه يوم واحد بالاسبوع قالتلي هالكلام
و تداوم عندهم الصبح
فلافل و بطاط حضج حلو ماشاءالله

بس يوم اولد البجر كانت بس بالعياده صبح و عصر ماتروح الحكومه


عاد امس كانت مراجعتي عندها و المراجعه اليايه قبل ما تسافر ان شاءالله و اكون داشه شهري

بيور

الله يهون عليج بالسلامه

متى بتسافر الدكتوره

انا بعد دقيت على العياده وسالتهم اذا تولد بالحكومه قالت لي انها استشاريه هناك وما تولد

بس سبحان الله فلافل وبطاط مرت بالصدفه ونادتها السستر

بس بصراحه انا ما اقدر اولد بالحكومه

احس ماراح اقدر استحمل

اطلع من الولاده وتعبانه وحالتي حاله ويقطوني بغرفه عمومي

ومعاي جم وحده والده واللي تعبانه

غير الزياره واللي مرافقينها

وغير هذا كله بعد البيبي يخلونه عندج مالهم شغل فيج

لا يبا


لا عاش مالي عقب حالي

الخاص اريح وخصوصيه اكثر

وان شاء الله السهالات من رب العالمين

 

[..ليالي..]

رد: تجمع الحلوات اللي يراجعون عند الدكتوره سلوى الرفاعي ؟؟؟

فله


امين

اجمعين ان شاء الله ربي يهون علينا بالسلامه


بشري شلون الالتهاب معاج


عاد جاينا رمضان لازم نكثر سوائل

 

[_Pure_]

رد: تجمع الحلوات اللي يراجعون عند الدكتوره سلوى الرفاعي ؟؟؟

اعتقد الدكتوره بتسافر ٢٥-٨ لان اخر يوم مراجعه و انا بروحلها ان شاءالله
عاد اهي قالت راح تكتبلي التقرير حق الولاده وناسه مابقا شي الله يسهل عليي و يقومني وياكم بالسلامة
و جنه بس يومين او ٣ مسافره مو مطوله

 

[ام الكتكوته]

رد : تجمع الدكتوره معصومه مغصيد ((بنات وينكم ))

بنات منو راحت العياده

الدكتوره ردت والا لأ

بعرف عشان موعدي بعد جم يوم عندها

 

[احلى من الحلى]

رد: تجمع المراجعات عند دكتورة ( ليلى اشكاني ) و الي جربوها حياكم

بنات الحين عقب ماشجعتونى ورحت خليتونى


ابى اعرف الخياط اشلون

 

[احلى من الحلى]

رد: تجمع الدكتوره معصومه مغصيد ((بنات وينكم ))

انا والده عندها ولدى الثانى تهبل


بس حسافه مافامت اتولد بالسلام وانا ابى السلام

مع انها ولدتنى طبيعى عفب قصريه

 

[فله]

رد: تجمع الحلوات اللي يراجعون عند الدكتوره سلوى الرفاعي ؟؟؟

هلا ليالي والله ليم الحين تعبانة منها وايد
بيور مادري بس انا موعدي 8 /9 ان شالله مو جنه العيد ؟؟؟؟؟؟؟

 

[_Pure_]

رد: تجمع الحلوات اللي يراجعون عند الدكتوره سلوى الرفاعي ؟؟؟

فله

اتوقع موعدج قبل العيد بليله

 

[ام الكتكوته]

رد : تجمع الدكتوره معصومه مغصيد ((بنات وينكم ))

انا بعد والده قيصري

و ودي الحين اولد طبيعي

 

[احلى من الحلى]

رد: تجمع المراجعات عند دكتورة ( ليلى اشكاني ) و الي جربوها حياكم

اب اب


اب اب

 

[فله]

رد: تجمع الحلوات اللي يراجعون عند الدكتوره سلوى الرفاعي ؟؟؟

خخخخخخخخخخ ومن فاضيلها عاد

 

[فلافل وبطاط]

رد: تجمع الحلوات اللي يراجعون عند الدكتوره سلوى الرفاعي ؟؟؟

صج والله استشاريه .....!!!

الحمدلله ... حظي حلووو...

اشوفها تقولي الله سخرني لج ...

والدكتور لما وصل وسأل السستر منو ولدها وعرف انه هي ولدتني استغرب ...

يا بعد قلبي بنوتي ويهها خير علي ...

حدي حدي كنت خايفه من الحكومه وولادة الحكومه ...

شسوي الخاص ما يستقبلني عشان حالتي ... واضطريت ..

بس غرفتي لي بروحي ما دخلوني عمومي وامي مرافقه معاي .. وكان لها سرير ..

وصج البيبي قطوه علي بس ما حسيت لان امي وخالتي ام ريلي واهلي كانوا معاي طول الوقت .. وامي تسهر على بنتي بالليل ..

يبيلج توصيه ... وشوفي الاهتمام شلون يكون ..

لان بصراحه انا رحت وفي عندي اكثر من شخص هناك موصين علي ..

 

[فله]

رد: تجمع الحلوات اللي يراجعون عند الدكتوره سلوى الرفاعي ؟؟؟

شوفي حبيبتي الحكومة اذا عندج واسطة حطوج بعيونهم
اما غير جذيه لا والله الخاص احسن ولو ان الخاص هم صاير يخوره بس وين نروح

 

[_Pure_]

رد: تجمع الحلوات اللي يراجعون عند الدكتوره سلوى الرفاعي ؟؟؟

فلافل و بطاط

الحمدلله على سلامتج

عاد الدكتوره قايلتلي اهي ما تولد طبيعي بس تشرف عالجناح و عندها يوم واحد بالاسبوع حق القيصريات بس الله وفقج ماشاءالله

 

[درة أهل الطولات]

رد: تجمع المراجعات عند دكتورة ( ليلى اشكاني ) و الي جربوها حياكم

وين بتروح انا عندي موعد الاربعاء الجاي

اسفة ضيعت الورقة اللي فيها العنوان اليديد:ssssso:

 

[عقربه]

رد: تجمع المراجعات عند دكتورة ( ليلى اشكاني ) و الي جربوها حياكم

موقع عيادة الدكتورة ليلى اشكناني الجديد
السالمية قطعة 9
شارع بغداد
جادة 13
مبنى باب هاني
الدور السابع

تلفون:
65752388
65752389

 

[..ليالي..]

رد: تجمع الحلوات اللي يراجعون عند الدكتوره سلوى الرفاعي ؟؟؟

هلا ليالي والله ليم الحين تعبانة منها وايد
بيور مادري بس انا موعدي 8 /9 ان شالله مو جنه العيد ؟؟؟؟؟؟؟

طيب روحي مره ثانيه راجعيها خليها تسويلج تحليل مزرعه وتعطيج العلاج المناسب

ترى مو زين الالتهابات عليج ولا على الجنين بعد

وخوفج يرتفع الالتهاب لي الكلى <<ادري خرعتج

بس ما عليه من خاف سلم