تجمع مراجعات مستشفى رويال حياة

[ام عثومي]

رد: تجمع اللي ناوين يولدون برويال حياة يا الله تعالوا

الاسعار اللي حاطتها حق ٢٠١١ نبي اسعار هالسنه وابي دكتوره مصرية اذا تعرفون وعادي تولدني دكتوره الطوارئ ولا لازم فتح ملف واختار دكتوره

 

[glow 'n' show]

رد: تجمع اللي ناوين يولدون برويال حياة يا الله تعالوا

الاسعار اللي حاطتها حق ٢٠١١ نبي اسعار هالسنه وابي دكتوره مصرية اذا تعرفون وعادي تولدني دكتوره الطوارئ ولا لازم فتح ملف واختار دكتوره

حبيبتي هذي الأسعار مالت 2012

السلام عليكم

شلونكم يا حلوين ؟

لاحظت وايدحوامل يسألون عن اسعار المسشفيات و بما اني اراجع برويال حياة حبيت اعطيكم عروض الولاده و اسعارها للي ناوي يولدون هناك

ملاحظة : هذي الاسعار للبنات الي اساسا يراجعون برويال حياة .. و اللي دكتورتها من بره له سعر ثاني.
بالاضافه الى اني حطيت الصور بحجم كبير لان اذا صغرتهم ما راح تبين الكتابه.



نبدي بأسعار الغرف




و اهني موضحين لكم الاسعار تشمل شنو ...




و هني شنو الغير مشمول بالعرض ...




و هذي الاوراق الرسمية الطلوبه عند الولاده




و انشالله اكون فدتكم :yaaaaaarb:

 

[glow 'n' show]

رد: تجمع اللي ناوين يولدون برويال حياة يا الله تعالوا

هذا لنك الموضوع
http://www.q8yat.com/t1035516.html

 

[سفرجل]

رد: ***تجمع لحوامل الي يراجعون عند دكتوره خالدة المجيبل ***

تعبانه ومالي خلق كللللللللللش

 

[أبكاني ذنبي]

رد: تجمع اللي ناوين يولدون برويال حياة يا الله تعالوا

الله يهون علينا يااارب

انا ناويه اروح للمستشفى الاسبوع الياي واسألهم عن كل شي

وراح ارجع اكتب لكم شنو صار

 

[أم@الحلوين]

رد: تجمع اللي ناوين يولدون برويال حياة يا الله تعالوا

الي توها ولده ياريت تقول لنا عن قصتها وتجربتها بالمستشفى

اب
اب

 

[أم@الحلوين]

رد: ***تجمع لحوامل الي يراجعون عند دكتوره خالدة المجيبل ***

سلامتج سوسو ألف لاباس عليج
شنسوي كلنا بفس الحاله
كل شي يهون عشان البيبي ويارب الله يعدي علينا بالسلامه ويقر عيونه بشوفته يااارب بحق محمد وآل محمد

 

[kingq8q8]

رد: ***تجمع لحوامل الي يراجعون عند دكتوره خالدة المجيبل ***

وييينكم ليش نايم هالتجمع

 

[ام مهاوش]

رد: ***تجمع لحوامل الي يراجعون عند دكتوره خالدة المجيبل ***

كانت مولدتني الدكتوره خالده قبل 10شهور عجيبه هالدكتوره اتينن شاطره وماتخرعج طريقتها حلوه طبعا هذا حق اللي مثل حالتي خوافه وايدها خفيفه ماشاءالله
وانا كنت ماخذه ابرة ظهر اتينن الابره وان شاءالله بكل ولاداتي باخذها بنات انصحكم فيها وبقوه والله ماتحسون بشي كلش

 

[غلا جابر 2010]

رد: تجمع اللي ناوين يولدون برويال حياة يا الله تعالوا

قوة يا حلوات .. انا كنت كاتبه تجربتي مع رويال حياة بس مافي مانع اني اكتبها مره ثانيه ..

بحمالي الاول رحت راجعت عند دزنداء بس للاسف ما ارتحت معاها لانها دايما تكلف المساعده مالتها انها تسويلي سونار وهذيج تتعلم فيني حتا ريلي عصب عليها .. وماتعطيج حقج .. فرحت حق دكتوره من بره المستشفى مع اني كنت ابيها من دكاتره المستشفى عشان تكون موجوده بالولاده بسرعه ..

المهم بالنسبه للعنايه بالملاحظه الحمدلله كانت ممتازه لاني كنت داشه اولد بطلق صناعي بسبت سكر الحمل الللي حاشني لكن بغرفه الولاده كانت السستر موشي بس وقت الولاده لا والله اللي يو فلبينيات يهبلون ..

بالنسبه للعنايه بعد الولاده .. انا لاني خذيت الليلي وسويت استقبال بالجاردينيا بصراحه مايابوا الياهل عشان ارضعه ولا علموني عالرضاعه الطبيعيه كلش .. ولمن كنت اناديهم ماييوني بسرعه ومن هالشي تأكدت من رفيجاتي اللي كانوا يقولون الخدمه على حسب الغرفه ..

بس مافكر اولد بمستشفى ثاني ليش لان مريح نفسيا مو مثل المستشفيات الثانيه متروسه ناس ومرضى .. غرفه الولاده شرحه ومريحه والحلو يخلون معاج شخصين بس واذا كانوا اكثر السسترات يبلغون السيكيوريتي وايي يطق الباب ..

وبصراحه السعر وايد مناسب يعني اذا ماعندج وايد زوار الليلي كافيه .. واذا بتسوين استقبال في اكثر من خيار ..

 

[أبكاني ذنبي]

رد: تجمع اللي ناوين يولدون برويال حياة يا الله تعالوا

غلاا جابر


مشكووورة حبيبتي بس خوفتيني من ناحيه الخدمه انهم ما اييون على طول


بس مرتاحه له مع اني بجريه بس ودي اولد فيه

 

[سموره 87]

رد: تجمع اللي ناوين يولدون برويال حياة يا الله تعالوا

غلا
بالعكس انا كنت ماخذه ليلي السسترات ايننون حتى الفير ادق عليهم اييوني ركض وعلى الياهل كانوا يدقون علي يسألوني اذا ابي ارضع الياهل ولا لا

 

[سفرجل]

رد: ***تجمع لحوامل الي يراجعون عند دكتوره خالدة المجيبل ***

بس انا ماحبيت ابرة الظهر
من عقب هالابره كله اشتكي من ظهري وتنزل علي افرازات وماي

 

[أبكاني ذنبي]

رد: تجمع اللي ناوين يولدون برويال حياة يا الله تعالوا

سمووره


ياليت يكون كلامج عدل انا ودي احجز ليلي

 

[سموره 87]

رد: تجمع اللي ناوين يولدون برويال حياة يا الله تعالوا

ابكاني

ان شالله وترا الشغله على حسب نفسية السسترات يعني ماله شغل كل جناح له اهتمام واختي خذت كاميليا وتمدحهم

 

[ربيع_الروح]

رد: تجمع اللي ناوين يولدون برويال حياة يا الله تعالوا

غلا
بالعكس انا كنت ماخذه ليلي السسترات ايننون حتى الفير ادق عليهم اييوني ركض وعلى الياهل كانوا يدقون علي يسألوني اذا ابي ارضع الياهل ولا لا

انا بعد نفسج سموره كنت إذا ابيهم الفير اييوون مساكين يننتهم
وحتى على تعلم الرضاعة ياتني رئيسة السسترات ومعاها لابتوب بعد
وشرحتلي كل شي

بس للأسف كل محاولاتي بالرضاعة الطبيعية باءت بالفشل :eh_s(11)::eh_s(16)::eh_s(11)::eh_s(16):

 

[مسـك]

رد: تجمع اللي ناوين يولدون برويال حياة يا الله تعالوا

بنت عمي توها والده فيه حييييل تمدحه وتمدح عنايتهم وخدمتهم وسستراتهم وهي كانت حاجزه الليلي

 

[ويـــزا]

رد: تجمع اللي ناوين يولدون برويال حياة يا الله تعالوا

مرحبا بنات
انا اراجع بالسلام دكتورتي هناك
بس ودي اولد برويال حياة
ولادتي الاولى كانت برويال سنة ٢٠٠٩ ووايد كنت مرتاحه من خدمتهم وعنايتهم
بس محتاره اخاف دكتورتي ما تطلع لي للمستشفى
وانا كنت اراجع من قبل عند نداء بس ما ارتحت لها
تقعدين تنطرينها فوق الساعتين وبالاخير ما تقعد معاج الا ثواني

ابي وايكم بالمستشفى رويال حياة حاليا
سمعت انه خدمته مو مثل قبل صارت ادنى

انتظر ردودكم

 

[غلا جابر 2010]

رد: تجمع اللي ناوين يولدون برويال حياة يا الله تعالوا

حبيبتي سمووره والله انا كنت ادق عليهم كاشتين فيني الا السستر الي يتني الصبح وصج كانت زينه بس الباجي لا .. ولا حتا يابولي ولدي عشان ارضعه ..

ومع ذلك ما افكر اولد بمكان ثاني بس هالمره باخذ الكاميليا لاني ماراح اسوي استقبال ..

 

[القلب النازف]

رد: ***تجمع لحوامل الي يراجعون عند دكتوره خالدة المجيبل ***

السلام عليكم

واخيرا بحمدالله راح انضم للتجمع

انا كنت اراجع عند دكتورة خالدة من قبل الزواج عشان فحوصات ما قبل الزواج واتطمن على هرموناتي

وكان مبين من تحليل الهرمونات ان احتمال يكون عندي تكيس مباييض
وسبحان الله قد كان

وبعد اربع شهور من الزواج قلت اروح اتطمن

ولما رحت لقيت ان مقاسات البويضه صغيرة ما تكفي لحدوث الحمل عطتني فيتامينات ومنشط
وبالرغم ان استجابتي للمنشط ممتازة إلا ان البويضات كانت من داخلها ضعيفة وربي ما كتب حمل

قالتلي ان المنشط مفعوله يظل لثلاث شهور وأصرت اني اريح منها واستمر عالفيتامينات وبعدها بشهر ونص

حملت والحمدلله وانا الحين بآخر الأسبوع السادس من الحمل ونبض الجنين شوي ضعيف عطتني مثبت وموعدي بعد اسبوعين

ادعولي الله يثبت حملي ويرزقني بطفل سليم معافى انا ما ادري لولا الله ثم دكتورة خالدة وين كنت اروح

انا أجيها مخصوص من السعودية وهالمرة ريلي خلاني ببيت اهلي بالكويت على ما اتطمني على الجنين ونبضه

دعواتكم

ويا ليت اللي عاشت نفس تجربتي وكان نبض الجنين ضعيف تقولي شنو صار معاها