تجمع مراجعات مستشفى رويال حياة

[جرح الليالي]

قوووووووووووووووة يا زميلات الدرب خخخخخخخخ

هالموضوع في بالي من فترة بس ما حصل اني احطه

ولما شفت اقتراح البنات بانه نسوي تجمع قلت ما يبيلها بعد


اللي تراجع عند دكتورة خالدة حياهااا

وين تراجعينها بالصباح والا برويال حياة

ومتى مراجعاتج معاها؟؟؟ :ggdw:

 

[الشرنقة]

كنت اراجع بالصباح..

وبعدين مع الدوام والحمال صرت أراجع برويال حياة.. ومرتاحة هناك صراحة.

ونكمل سوالفنا :


كيت كات حبيبتي إذا شاكة فيج التهابات اخذي موعد بالتلفون وروحي .. لا تنطرين . لأن الالتهابات تسبب ولادة مبكرة .
على فكرة كيت كات .. اسمج مشكلة.. لأن سكر الحمل باط جبدي ومشتهية كاكاو.. وانت حاطة نوع عجيب من الكتكات.. لما أولد بالسلامة .. راح أدورة وآكله .. !!!!

يارب هون هلينا يا كريم ..

اليوم رحت شفت الأجنحة والميموسا.. بالضبط نفس مستشفى الصباح و مسلخهم أعوذ بالله . أمي وخواتي مشتهين أسوي استقبال بالكاميليا .. وريلي مو عاجبته الفكرة .. فراح آخذ الليلي ان شاء الله..

انا سميت نفسي الشرنقة .. لأني من حملت وانا محبوسة بشقتي بهالسرير.. الحمدلله ان للحين آنا واللي ببطني بخير.. انا ناطرة اللحظة اللي أولد وأتحرر فيها.. وأرجع لحياتي الطبيعية .. أزور .. أتسوق .. وأصير فراشة ..

وأطييييييييييييييييييييييييييييير...

ياااااااااااارب

 

[- ToTa-]

و أنا بعد وياكم :gathering:
أراجع برويال و الدكتورة حدها روعة بس أبي حزت الولادة اشلونها؟ الصراحة هذا بجري و أخاف أبدع أبي وحدة بالها وسيع و هاليومين الصراحة قاعدة تيي بالي سالفة القيصرية من كثر ما اني خايفة اني أبدع بللي ببطني!
الشرنقة الميموسا تصير بأي دور و اشلونها كبيرة و لا صغيرة أول مرة أسمع عنها!​

 

[جرح الليالي]

الله يهون عليكم

شرنقه انتي معاج سكر حمل؟

تاخذين له شي والا خفيف اللي مع الرجيم يخف

بس حطي بالج ترا اذا ما حافظتي عقب الولادة الله لا يقوله يرد

الف لا باس عليج

<< ربع السكر والضغط والله يفكنا منه

 

[ام ربى]

انا بعد اراجع عندها بروريال حياة
الدكتورة تينن و ان شاء الله السهالة من الله
و اعتقد الميموسا هذي نفسها غرفة الولادة عدل و لا انا غلطانه؟

 

[كيت كات]

اهلييييييييييييييين
خوش فكره
الشرنقه انا توني من يومين كنت عندها وخذت عينه
وقالتلي ان فيها نقط دم واذا انتي توج شايله المنطقه الحساسه عادي وفعلا
كنت بالليل شايله وحاطه عليها بودر لاني اشيل بالموس وقالولي حطي بودر جونسون قبل
تصير ناعمة وفعلاااااااااااااااااااا روووعه بس توبه اعيدها من الخوف
الحين انا تمام عقب الغسول ....وحتى ظهري الحمدلله عسى الله يتمم بس اذا زاد بروووووح حتى
من غير تلفون
ويالله مابقى شي وعسى الله يسهل عليج
شوفو انا ولدت عندها المرة اللي فاتت بالها وسييييييييييع بشهادة ريلي لان كان وياي
يقول لو انا منها عطيتج كف على قرقتج واسالتج اللي مو وقتها هههههههههههههههه
وانا احس هاليومين بثقل غييييييييييير طبيعي حتى قدمى مو قادرة تشيلني

 

[froha83]

انا اراجع عندها وهذا اول حمل لي ماشاء الله بالها طويل وحبوبة
ويا ريت اللي ولدوا عندها يقولولنا شلون تعاملها بالولادة

 

[كيت كات]

انا حطيت قصتي بالمنتدى اول ماولدت
بنات فيني صدااااااااع من الجيوب الانفيه وبطني يتيبس جنه صخره عادي؟؟

 

[كيت كات]

سلام
وينكم ؟؟؟شنو بس انا ؟؟؟
عموما
انا بخير واحسن من امس ...يعني احد سال عني ههههههههههههه
لا بس الجيوب مستمره واكثر شي بالليل
لكن التيبس راح لمن ارتحت والحمدلله لان امس وااايد تحركت وطلعت وزرت اخوي بالمستشفى
ورحت الصيدله لقيت دوا للبشره يهبل يقول الصيدلي ان د امل عبدالعزيز تنصح فيه موحد اللون ومبيض
وكريم شد وفيتامين للوجه وطبعا اكيد ويوهنا كلنا متفخه وباجر يبيله شد لانها بتفش بعد الحمال
واخاف تطيح على جتوفنا هههههههههههههههههه

 

[الشرنقة]

قوة يا حوامل ..
وسلامات كيت كات .. وشلون نفخة رجولج ؟؟ وشسم الكريم ..

ابي كريم عجيب .. بشرتي تلوع الجبد من تلخبط النوم .

الميموسا هي غرفة الولادة\ الوضع .. مو غرفة عادية .. مثلا تولدين فيها .. وتاخذين شاور وتلبسين وعقب تروحين الليلي غرفتج .. حسب ما انا فاهمة ..

رحت وشفتها بتأكد يوفرون مناشف وروب ولا أجيب معاي .. ولا عندهم كل شي حتى شامبو وبلسم ..

بالنسبة لسكر الحمل .. انا على اكل خفيف السعرات وبس..
تصدقون ضعفت .. ومازدت بهالحمال إلا 6 كيلو.. لاني كنت انقص ..

الطفل نموه طبيعي ولله الحمد والمنه .. وزنه الحين 2.5 كغ .. وانا في الاسبوع 36 .. انشالله يكبر وأولده وارتاااااااح .

قولوا آمين

 

[كيت كات]

آآآآآآآآآآآآآآآآآآآآآآمين
الشرنقه بالنسبة لريولي ادهنها بزيت زيتون ويتلي وحدة سوتلي مساج وارتحت
اما كريم الويه والمبيض صناعه كندية خالي من اي مواد كيماويةولقيته بصيدليه قرطبه اصلا اهو اللي قالي عنه



الشرنقه ترا الميموسا مو اهي الغرفه العادية اللي احنا نولد فيها ترا غيييييييييييييير اهي بروحها لها سعر
لان فيها مميزات
لكن الغرفه العادية تقولين ابي الغرفه العادية وماعليها فلوس بس فلوس الولادة عرفتي مو تتوهقين

 

[Mrs. Finance]

السلام عليكم،،
مشكورة اختي على الموضوع و الله يتمم على الجميع و انا ان شاء الله عندي موعد السبت ادعولي ان كل شي تمام

الشرنقة انا قعدت في الميموسا قبل اسبوعين .. ليلتها ب 65 من غير شي لا اكل ولا ولادة يعني ، بتوليد فيها اكيد في تكاليف اضافية .. و شفت الغرفة العادية مالت الولادة اصغر منها و فيها حمام صغير كركم الله ، و ليش جذي بيبيج نتفة اسم الله عليه تغذي خل ينتفخ شوية ..
الوزن انا ما قمت اطالع الميزان وقت المراجعات علشان ما اتكدر
و سالفة السكر انا حدي محتره و مو عارفة شلون اتحكم بالامور عطتني نظام غذائي ايييب الهم رجيم تعذيب و انا صايره كلش مع الاكل ، الله يستر

كيت كات ما تشوفين شر ان شاء الله.. بس ما انصحج تستخدمين اي كريمات الفترة الحالية انا حتى الصيدليات ما اثق فيها،، و حبيت اسالج المساج شلون طريقته؟..انا ودي آخذموعد بالسبا عندهم بس اخاف يخورونه معاي لان ريولي بدو يتشنجون على من القعدة

في وحده جربت الولادة القيصرية عندها؟ ..

 

[Tulip81]

بنات بجم اتولد لأن سألت برويال حياة قالولي الدكتورة طالبه إن يكون عن طريقها ياريت إللي اتعرف اتقولي ؟؟؟

 

[جرح الليالي]

بنات شلونكم

ما فقدتوني؟؟

انا مليدااااااااااااااا << فللللللللللووو لاعبة بحسبتي

عاد صج وقته


المهم انا امس عندها والحمد لله كل شي اوكي

قمت اسولف لها عن المنتدى خخخخخخخخخخخخخخخخخخخخخ

تقول هالمنتدى مالكم باط جبدي فقيرة مستغربة من اللي يطبون فيها تقول سكرتيرتها قايلة لها عنهم قلت لها افا عليج لا تحاتين عندج محامين بالنيابة لوووووووووووووووووووول

تقول وحدة من مريضاتي برويال قالتلي عن المنتدى بعد

اعترفوو منووو منكم خخخخخخخخخخخخخخخ

انزين اهي برويال حياة تسوي سونار رباعي ؟؟

 

[الشرنقة]

يا حليلها من صجها تدري عن المنتدى ... تونس د . خالدة !!!!

إي زهرة تسولف لها .. يبه احنا ديرة صغيرة ومنتدى أصغر ... يا حليلنا

كيت كات و مس فيانسيه...

مشكوورييييييييييييين انكم نبهتوني عن الميموسا.. بس ضيقتوا خلقي .. يعني شلون غرفة ثانية .. وأصغر بعد.. انا مو ناقصة ضيقة خلق .. وهذي رويال حياة يا حظي .. بروح أشوفها انا هالغرفة شلون صايرة

قاعدة آكل الصراحة أبي البيبي يكبر..
بقى أسبوعين وأصير 38 اسبوع . .وبعد أسبوع بشيل الربط..

انا خايفة عالبيبي .. مو مصدقة ان فيه بيبي ببطني .. أبي أولده وأشوفه ..

 

[كيت كات]

عسى الله يتمم علينا كلنا ونولد بسهاله يااااارب
الدكتورة ماكانت تدري عن المنتدى واناااااااااا اللي قلتلها عن استفساري عنها هههههههههه بعد بعد اسال عنها واقولها خخخخخ
ترا غرفه الولادة الثانيه كللللش مو صغيرة انا ريلي كان وياي وقاعد ومرتاح والحمام مو صغير وايد بالعربي حلوووة
وكان في جيش وياي بالغرفه تقريبا ممممممممممممم 6وريلي وانا هذا غير ملوت التخدير دشو وطلعو


الشرنقه هذا اسم الكريم على فكره ترا كلله مكونات طبيعيه :jason>>>tea time
المبيض:نفس الماركة ester-c>>>c-lite


مس فينانسيه..المساج مالهم غاااالي ومتخصص فقط للحوامل سعره بشي وسبعين تقريبا ساعه ونص
انا ما سويته انا يبت وحدة اعرفها فلبينيه سويتلي مع زيت زيتون حار يهبللللل دوخني والله وحسيت اني مو حامل
جرح الليالي ماتشوفين شر ياقلبي

 

[جرح الليالي]

شرنقه حبيبتي حاسة فيج

لاني عقب ما طرحت مرتين وتالي حملت في بنووتي كنت نفس حالتج

ابي اولد واشوف الياهل

بس اصدقين راح تولهين على حوسته ورفساته خخخخ انا اخر شي صورت بطني هههههههههههه

تحسين من الفضاوة

يالله هانت حبيبتي ولا يضيق خلقج على غرفة يبا فداج المستشفى بكبره

 

[جرح الليالي]

الشر ما اييج كت كات

وتسلمين يا قلبي

عاد والله لما قالت ان في وحدة قالت لي عن المنتدى ما ادري ليش شكيت فيج خخخخخخخخخخخخخخخخخخ

 

[جرح الليالي]

بنات ما قلتو لي هي تسوي سونار رباعي برويال حياة؟؟؟

 

[همسة ورد]

كيت كات وين سويتي مساج بزيت زيتون حار ؟؟؟ ابي بصراحه تعبانه ...