السلام عليكم و رحمة الله
شلونكم يا بنونات يا حلوات؟ ان شاء الله اموركم تمام؟
مراسلتكم من رويال حياة تحييكم حاطينلي جرعة المضاد مع مهدي الطلق..لا تنسونا بالدعاء
و يا ليتكم تدعون حق يارتي بالغرفة الي يمي ان الله يصبرها و يعوضها خير.. نزل عليها الماي بالاسبوع ال 16 و ولدتها الدكتورة .. السسترات كدروني يقولون اول حمل لها يا رب ارزقها الذرية الصالحة المعافاة و صبرها و ثبتها .. آمين
الشرنقة الله يهل عليج يا رب .. مبروك فك الربط عاد لي صار الحدث السعيد باذن الله ياتم صحةو عافية بشرينا و لا تنسينا من دعواتج
و خوفتيني من سالفة هالربط انا شارطة محد يجيسني بدون بنج ! .. تهقين لو ينزل الماي يمديهم يبنجوني بعدين يفكونه؟ و انا الحمدلله مو مسوية دبل بس ربط عادي يعني ان شاء الله مو خيوط وايد
شوقتيني على الجرد يبيله من قلب !!
كيت كات شلونج يا الغالية .. سبحان الله في ناس يدشون القلب حتى لو ما شفتيهم و انت منهم هذا دليل ان الله يحبج.. يا بخت عينج
بشرينا عن الكتكوت الي برا و الي داخل ان شاء الله بخير؟
اشعليج طلعتي مشهورة على المستوى المحلي حتى الدكتورة الي تعيب على المنتديات تعرفج هيهيهيهي
الداعية .. الله يسهل علينا و عليج .. و يرزقنا برهم
اشقالت الدكتورة عن المنتدى هيهيهيهي
نبض قلبة .. والله انصحج فيها و انت مغمضة .. هالدكتورة قبل لا تكون دكتورة فهي انسانه بمعنى الكلمة و الله فوقي لما ادخل عليها كثر ما احن و اسال و هي على السونار ترد علي لو دكتورة ثانية جان طردتني و قالت لي مابي اشوف رقعة ويهج هيهيهيه .. و بعدين انت جربي الصراحة و بالنسبة الى الاسعار اذا امورج طبيعية باذن الله نفس اي مكان ما تفرق وايد و النظام هني وايد اريج من ناحية المواعيد و التحاليل وما شاء الله على زهرة سكرتيرتها تنحط على الجرح يبرى دقي عليها مباشر 5360603 و الدكتورة بالنسبة لي لا تقارن مع اي دكتورة بالساحة انا لفيتهم كلهم اكبرها و اسمنها
ونسيت اتكلم عن خياطها سمعت وايد بنات يمدحونها و حتى السسترات هني يقولون لي ان احنا اول مره نشوف خياط جذي ما شاء الله ما يبين .. بس اكيد البنات المجربات يفيدونج احسن من وكالة سمعت و يقولون
و الله يسهل عليج
جرح الليالي ..
الشر ما اييج ان شاء الله و يجعل حملج و ولادتج مثل شربة الماي
و الى لقاء آخر انشاء الله
