تجمع مدرسه كيمبرج الانجليزيه ( المنقف ) 2011/2012

[كوكو لاتي]

السلام عليكم

حبيت اسوي هالتجمع للمدرسه علشان نستفيد كلنا الامهات



بالنسبه للمواضيع القديمه وايد ملخبطه وتاريخها قديم فقلت اسوي تجمع يديد احسن


كل وحده تقول بنتها او ولدها باي صف وشنو المعلومات اللي تعرفها عن المدرسه


انا ولدي يروح اولى ابتدائي واول سنه له بالمدرسه قبل كان روضه بالتكامل فما اعرف وايد


معلومات عن المدرسه

عاد ابي تجمع عدل مو اي شي يعني ابي تفاااعل يالله شدو حيلكم

 

[&بنت شيوخ&]

آنا بعد بنتي رايحة أولى ابتدائي بس تصدقين حيييييييل أحاتيها خصوصا إنها كانت بروضة حكومية

 

[&بنت شيوخ&]

اخاف ماتعرف بالكلاس شي

 

[&بنت شيوخ&]

بغيت أسالج ياقلبي يعني لازم تكون تعرف تكتب ومتمكنة من الكتابة ولا عادي ولدج بسم الله عليه يكتب الأحرف وجذي

 

[كوكو لاتي]

شنو بنتج ما سوولها امتحان قبول ؟؟؟؟

انا ولدي يكتب الحروف والارقام ويعرف الاشكال الهندسيه والالوان بالانجليزي طبعا

واول مره كان ناسي الاخرف شوي ماقبلوه وبالغصب عادوله الامتحان ونجح الحمدالله

انتي من حكومه وما سوولها امتحان غريبه؟؟

 

[لوجين@]

انا عيالي بكيمبردج الي بحولي نفس المدرسه
بس نقلتهم هالسنه حكومه لان تعبت اقط فلوس ع
الفاضي مافي استفادة تعبت كل سنه يقولون خليهم يعيدون
هالسنه مرة ثانيه لان مستواهم موزين ولما عصبت قالو خلاص حطي مدرسه خاصه لهم وطبعا من المدرسه والساعه ب25 تخيلو لاعت جبدي كرهت المدارس الخاصه
كلها طبعا غير الموظفات الي كل وحدة شايفه عمرها ونفسيه

 

[ام عبودي1]

الحمدلله ولدي سوا له اختبار واقبلوة
بس انا بيدام بالمنقف
اولى ابتدائي .....
بس مادري متى دوامهم بمرهم على يوم جذي بعد العيد.

 

[كوكو لاتي]

وناسه ام عبودي ولدج مع ولدي نقدر نساعد بعض

دوامهم اعتقد ١١/٩*

 

[ترف بابا]

رحت لها صراحه مااااااعجبني الجو والطريقة اللي ماشي فيها الدوام

وفوق هذا موظفات الاستقبال ما لهم خلق يرفعون روسهم او يتكلمون!!!


خليتها تولي ...

 

[ام عبودي1]

حياج كوكولاتي

الله يوفقهم يارب ...............

 

[ام عبودي1]

صج بغيت اسأل

الخاص يعطونهم نفس وجبات الحكومه ..

 

[كوكو لاتي]

لا ام عبودي الوجبه عليج

 

[كوكو لاتي]

بنات اخذتوا الملابس من المدرسه ولا بعد؟؟؟

 

[مس روبنز]

كوكو لاتي ما تدرين متى دوام سادس وثامن​

هالمدرسه غريبه ما يحطون لنا تاريخ بداية الدوامات بشهادة نهاية السنة مثل الحكومه
ولا يوزعون لنا نشرات​

أخاف باجر دوامهم لأن دايما يبدون قبل الحكومه باسبوع
والملابس ما خذينا لهم​

 

[ملهمه]

السلام عليكم خواتي انا ولدي بخامس وهالسنه اول سنه له بالمدرسه ما ادري متي بدايه الدوام او متي ناخذ الملابس ياريت اللي تعرف تبلغنا ويعطيكم العافيه علي هالتجمع

 

[مس روبنز]

أتوقع 11-9 مع الحكومه

بس بنتصل اونروح نسأل المدرسه ونتأكد ونستلم اللبس هاليومين

 

[كوكو لاتي]

انشاءالله الصبح اتصل علا المدرسه واجاوبكم علا كل اسألتكم

وحياكم الله

 

[كوكو لاتي]

بناات

دوام اولى ابتدائي يوم الثلاثاء ١٣/٩

وسابع وثامن يون الاحد ١١/٩
*

 

[عروس الحب]

صبااااح الخير
خواتي مشكوورة كوكو علي هالتجمع يارب يكثرنا ونستفيد من بعض
ويوفق اعيالنا ولا يخيب تعبنا يارب
انا بنتي اول سنه لها اولي روضة كي جي ون
مادري متي دوامها بس اهم معطيني ورقم بدوامات لما سجلت جنه دوامها١٥ /٩ والله ماني متأكدة
ودي اروح اخذ لبسها بس مادري متي اروح ودي اشتريلها جتطه وجوتي ولبس رياضه وكل اغراضها بس بشوف لبسها وطلباتهم شنو يبون
منو بنتها او ولدها مع بنتي نفس المرحله !!! ياريت نتشارك *

 

[في عينيك عنواني]

مرحبا انا بنتي kg1 يبدا دوامها الاربعاء 14 سبتمبر وkg2 الخميس 15\9
واليوم اشتريت ملابسها
ربنا يوفق اولادنا جميعا ويحفظهم