تجمع مدرسة Gulf British Academy

[bambena]

فراوله كل واحد غير كل واحد ديره مو على الصف عرفتي ؟

 

[bambena]

لا نيو ومن مو بس تدريب على الصفاره

انا دزولي ورقه مهرجان في سوق شرق واهم مشاريكن باغنيه هذا شي ثاني مختلف عن البرودكشن مال الدول

سالي ابلته شلون ما دزولج !

حتى لا رحت اخذه الاثنين والاربعا الساعه 3 تدريب عندهم على الاغنيه اكو وايد يهال

 

[bambena]

لا انا حنه ادور اي شي اكتبه للابله بالدفتر وواجبهم مليق شوي هالاسبوع

الوورك بوك 3 صفحات
وطالبين يطلع مقاله ويكتب اسم الكاتب وهل المقاله فيكشن ولا مو فيكشن !! @@ شنو هذا !
من وين اييبلهم مقاله بعد !

واخذي رقم الابلات انا كل يوم مسج ادز شلون ولدي اليوم وشلون سلوكه ودراسته تابعي معاهم

والقران واصل سورة الفيل

والعربي الدرس الثاني وصلنا حرف الجيم اخليه يكتب ويحل تمارين الكتاب كل يوم بالاضافه الى كتاب معهد المعلمين مال اولى ابتدائي اخليه يحل فيه بين فتره وفتره

والانجليزي واصلين ليفل 4 بالقصه اسم القصه هالاسبوع wet paint

 

[new woman]

سألت أبلة اتقول منقيت جم طالب من كل صف مو كل الصفوف ====== يا حلات ابلاته ممتازين ابلة العربي امبين مجهودها ماشالله عليها خلصوا كتابهم واصلين حرف الكاف الأبلة من الجنسية السورية اشوية كبيرة بالعمره فخبرتها عجييييبة


مس الأنجلش وايد ولدي يحبها نفس القصة مالت ولدج واصلها ==== بس موضوع المقالة انا فهمت ان يقرا الجريدة ويفهم منو الكاتب هذا حدي ما أدري ان اهم يكتبون مقالة ترا صج دراستهم صعبة حق عيالي اللي بالتمتوسط ما يفهون دراسته

حراااااااااااااام وايد امكثفه دراسته ليش اتسوين في جذي اصلا اهم يقولون لا ادرسونهم وايد انا ما ادرسه وايد بس اللي يبونه

 

[new woman]

خلونا علا يوم بالويك اند انجمع اليهال ونوديهم مكان يلعبون فيه واحنا نتقهوا بكافية بما أنهم كلهم صبيان ولا اشرايكم عادي لا تستحون اللي ما تعجبها الفكره اتقول ؟؟

 

[new woman]

باجر انشالله بروح حق ولدي اشوفه بالنشاط اللي بعد المدرسة مشترك في نشاط كرة القدم بنطر هاليوم من أسبوع لأسبوع مستانس حبيبي ------ انتوا عيالكم بشنو مشتركين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[bambena]

والله ماشركته بشي مالي خلق كلش اودي واييب بس لانه يموت عالمطافي خليته يشترك

المقاله ما يكتبها تطلعينها من الجريده تخيلي امس عيزت بالانترنت ادور مقالات لليهال واطبع بعدين استوعبت كاتبين نبي من الجريده

حياكم اذا بتيمعون ماعندي مانع ندور لنا يوم مناسب

انا مدرس ولدي العربي اسمه محمد وهم والله فرق علي الولد يوم يدش اولى لا يقرا ولا يكتب الحين يطقطق بالقرايه بس بالكتابه فرق صج ماشالله عليهم شلون يسيطرون على هاليهال

 

[new woman]

النشاط طلع خرطي لا ترتيب ولا شي والمكان بالسرداب حده ضيييج

بس تدرين ان في مدرسات ولدي يقول يطقوووون ويرفسووون لما قالي عيوني طلعت قلت الحمد لله انه مو ابلاته

 

[عاشقه غربه]

أنا ولدي مشترك بالتنس ووايد مستانس ...الكورس اللي فات كان مشترك بكره القدم وكان صج فوضى ......والمقاله مت وانا ادور بالجرايد وماحصلت شي ينفع حق يهال او حتى يقدر يفهمه .....بقول لكم ...ساعات احس ولدي لما احل معاه الواجب مال الماث جنه اول مره يسمع فيه ...مو دايما بس ساعات ...انتو ماتحسون جذيه؟

 

[new woman]

انا ما سسويت بصراحة المقالة اهو قال خلصنا الظاهر سوووه مع مس ==== الماث شء عجييييب صعب صعب كا ما أعرف أخلي مس اتحل عينة وانا أكملها وراها === أول كنت أروح المدرسة واطلب مقابلتها علشان افهم الحل بس الحين اخليها اتحل وحده وانا اكمل الباجي


ولدي يحب كرة القدم بس النشااط يلوع الجبد حشاكم === النشاط جنه بس شهر صح ؟؟؟؟


ترا في عطلة لهم أول شهر أبريل لمدة أسبوع تقريبا تدرووووووووون

 

[bambena]

لا انا الماث اوكي معاي

اليوم رحت متاخر 2 ونص يبون تي شيرت اسود بيطبعون عليه حق حفله المطافي يوم 30 و 31 الحفله من 4 لي 9 بالليل بسوق شرق

والله رحت ولا بالسرداب يهال يغنون يهبلون استانست عليهم مادري اي قريد

وعطوني اوراق مدبسه وايد كاتبين خل يحلها بالبيت كلها تمارين تركيز


عاشقة غربه والله انا عيزت ادور اخر شي لقيت مقاله عن البرازيل بمجله اجنبيه جان احطها وخليته يجاوب الاسئله وكيفهم

 

[bambena]

واجب الاسبوع الياي يبون يبين بالصور تطور الاماكن بالكويت على مر السنين

 

[bambena]

ماني فاهمه ليش الماث صعب

انتو تقصدون الورك بوك 2 ؟؟ ولا اكو ماث ثاني ؟؟؟

 

[عاشقه غربه]

اي الاجازه انشالله من8-4لين17-4 واحنا حجزنا حق ماليزيا بنودي اليهال يستانسون شوي .....حبيبي ولدي اليوم ماداوم ...راح طبيب الاسنان وشلعوا له ضرس ....الا بسأل انتو شتسوون اذا غاب الولد عن المدرسه ؟ شلون تعرفون اللي طافه ؟؟؟ ياريت تجاوبوني لاني حديثه عهد بالمدارس ...هذا اول ولد عندي يروح اولى ابتدائي

 

[bambena]

تصدقون التجمع يفيد لا صارت وحده مو فاهمه شي الثانيه تعلمها وايد احسن

 

[عاشقه غربه]

لا انا ماقلت صعب ....بالعكس وحتى ولدي يحبه ويحله بسهووله ...بس انا قصدي ان انا اللي قعد اشرحله اول بعدين اهو يحل ..يعني ساعات يكون مو ماره عليه الماده

 

[new woman]

احم احم عيل خوووش فكرة اني حطيت هالتجمع


الورك بوك 2 في صفحات ما فهمتها عن الوزن الخفيف والثقيل للحين ما حليتها علميني ؟؟؟؟؟


انا استانست ان في عطلة لأن ما عندي دواااام واحب اخذه الصبح واتفرفر علا البحر والأسوقه

 

[new woman]

اي الاجازه انشالله من8-4لين17-4 واحنا حجزنا حق ماليزيا بنودي اليهال يستانسون شوي .....حبيبي ولدي اليوم ماداوم ...راح طبيب الاسنان وشلعوا له ضرس ....الا بسأل انتو شتسوون اذا غاب الولد عن المدرسه ؟ شلون تعرفون اللي طافه ؟؟؟ ياريت تجاوبوني لاني حديثه عهد بالمدارس ...هذا اول ولد عندي يروح اولى ابتدائي[/quo

ما يشوف شر حبيبي انشالله الحين صحنه أحسن

حتى انا أول سنه بس أخر العنقود ولدي

بس أتوقع يكتبون واجب العربي الي طافه == والمواد الثانية عندج بالجدول الأسبوعي فتعرفين اللي طافه

 

[bambena]

قوليلي اي صفحه بالوورك بوك؟

 

[عاشقه غربه]

الشر ما ييج حبيبتي ....الحمد لله الحين احسن ...على طاري واجب الاخف والاثقل ترى مكتوب ان هالواجب لازم ينحل بالصف لان لازم يكون فيه ميزان و المس اهي تعطيهم المواد...