تجمع مدرسة Gulf British Academy

[new woman]

أتمنى من جميع أولياء طلبة الأكاديمية تكتب شنو أحسن شيء بالمدرسة والعقيات اللي واجهتها بكل مرحلة مثلآ أنا ولدي بسنة أولى بس واجبات الماث ( الرياضيات ) صعبة وما أقدر أفهمها

 

[new woman]

ووووووووووووووي ماكو أحد مسجل عياله بهالمدرسة الا أنا

 

[new woman]

الظاهر من صج محد حاط اعياله بالمدرسة والله عاد خوش مدرسة

 

[new woman]

كلش محد مسجل ولده ولا بنته بالمدرسة صج ما أعتقد عاد كنت حابة اشارك واتناقش بأمور عيالنا المدرسية

 

[عاشقه غربه]

مرحبا حبيبتي ...انا ولدي بسنه اولى ...y1R وبالنسبه لي انا وايد مرتاحه من هالمدرسه لان مافيها وايد واجبات

 

[bambena]

مرحبا

كتبت رد مادري وين راح

انا ولدي في اولى ابتدائي وايد مرتاحه لاحظت تقدم كبير بالعربي والماث والقراءه انجليزي بالذات

والابلات متعاونات لاقصى حد خاصة انه صارتله مشكله سلوك شويه واتفقوا معاي على خطه وحالتهم حاله والحين الولد صار عاجل حمدلله نفعت

بس عندهم مشكله وحده تخليني اطلعه وانا متردده الصراحه انه ماكو ثانوي

ومابي اطلعه وهو كبير من المدرسه

 

[bambena]

بما ان عيالكم في اولى شركتوهم في احتفال المطافي اللي بسوق شرق ؟؟

 

[new woman]

أخيراً أحد رد ما أصدق +++++ مدرسات ولدي ماشالله عليهم يوصولن المعلومة حق الطالب مس فيكي ومس فضيلة العربي جهودها واااضحة يعطيها ألف عافية


وصدقيني أنا نفس مشكلتج احاتي اي مدرسة اوديه وما أعرف مدرسة زينة حق المتوسط ممكن اتفيديني


وبالنسبة حق الاحتفال اللي بسوق شرق محد قال بس المدرسة الحين قاعدين ييسوون احتفال بالمدرسة باللبس الدول والرقصة لها



مشكلة الدراسة انهم غامضين ما تدرين شنو يدرسونهم بالأنجليزي ولا أنتي مو معاي بهالنقطة ؟؟؟؟؟؟؟؟؟؟؟؟؟؟؟؟؟؟؟؟؟

 

[new woman]

انا ولدي في y1 blue هذي صورته الله يحفظه أخر ياهل ومكشخينه بمدرسة خاصة ------- ما تسوى كل اسبوع يا يبون دينار ونص ومره 10 ويا كثر العشرات عندهم والحين حق التصوير يبون 3 ونص ---- وكل اسبوع سالفة ---- بس كله يهون والتعب الي يبذلونه بكوووووم الشهادة لله ولدي متجاوب معاهم

 

[new woman]

انتي شركتي ولدج بسووووووووق شرق واشلون اشركه ولا المدرسة اهيا اللي اتشركهم

 

[new woman]

اتمنى اللي عندها ملاحظات اتقولها علشان نتفاعل مع بعض

 

[عاشقه غربه]

شنو سالفه سوق شرق؟؟؟؟

 

[new woman]

ما عندي خبر الأخت bambena قالت وكشتت بالموضوع يمكن لاهيه الله يكون بونها

بس أنا استفسرت مع ولد قالي ان المطافي راح ايووون عندهم الساعة عشر الصبح ويسوون حريجه ===== حده مستانس من السالفة

 

[bambena]

لا لازم قالولكم مايصير !!

انا دازينلي ورقه انه فيه مثل معرض مطافي بسوق شرق والاشتراك لليهال من يير 1 لي يير 6 واذا تبين تشركينه وقعي

شركته وقالولي خلاص يقعد تدريب لانهم مشاركين باغنيه بالمعرض وتدريب اولى يوم الاثنين والاربعا لي الساعه 3 .

وماطلبوا فلوس كلش صارلهم فتره من زمان ماكو الا فلوس الصوره الحين دزوها انا تصويره يوم 29

 

[bambena]

بالنسبه للانجليزي اعرف شيدرسونه لانهم يدزون جدول اسبوعي انتي دايم تواصلي مع الابله بالكوميونيكيشن بوك خل تفهم انج حريصه , ساعات ينسون الجدول واكتب لهم اليوم مادزيتوه

انا ولدي يير 1 اورنج

 

[bambena]

ذكرت طلبوا مني 10 ذيج الايام حق اللبس مال البرودكشن احنا لبس الهند

 

[فراوله]

هلا وغلا
يسعدني انضمامي للباقة الجميلة الموجودة هني.....

انا ولدي بيير ون اورنج بعد .....bambena ......تشرفنا

ماياب ولدي ورقة للاشتراك.....يبيلي اكتب حق ابلته استفسر

انا ولدي قال اهو النمساAustria مو الهند غريبة

​

 

[new woman]

ما دزوا لا ورقة ولا شيء ==== بس قالوا يبون عشر دنانير حق حفلة قاعدين يرقصون لها حسب دول العالم


وسالفة المطافي طلع ان قاعدين يدربونهم على صفارة الأنذار اشلون ينزلون من الدرج بنظام

وتصويره يوم 27

الجدول يحطونه اسبوعي انا معاج قبل في دفتر الهوم ورك تدرين شنو كتبوا الحين سلامتج ماكو شيء حدهم كتاب الماث وبصراحة صعب مرات ما أعرفه اقول حق بناتي يساعدونخ وطبعا برنامج المترجم ما استغنى عنه اهو اللي يساعدني

 

[new woman]

انا ولدي مشترك في دولة فرنسا

 

[عاشقه غربه]

امبي انا ولدي ضايع بالطوشه ......يقول اليوم صار في حريجه ورانا ( وراهم وين مادري ) وطق جرس و طلعونا بره عند السيارات ....بدع حبيبي