تجمع مدرسات التربية الاسلاميه للابتدائي

[amami al-kuwai]

معلمااات عندي سؤاااال
ان شاء الله قريب واتخرج وحابه ادرس ابتدائي
سؤالي عن المقابلة شنو الاسئله وشنو الكتاب المقرراللي لازم ادرس منه حق المقابله ؟؟؟
واكون شاكرة لكم

هلا فيج حبيبتي

ماكو مقابله للدوام وماكو اسئله ولا شي

 

[amami al-kuwai]

انا عندي تربيه عمليه الكورس الجاي بذن الله وحابه اتعلم واستفيد من خبراتكم واذا واجهتني اي صعوبات او استفسارات ارجع لكم بتجمع هذا

حياج الله يا حياتي واي استفسار كلنا حاضرين

 

[amami al-kuwai]

الله المستعان يا أبلة أماني
عندي صفين ثانية في صف صدقا صدقا لما ادخل عليه ما اشتهي اطلع منه
وصف ثاني من كثر ما هم مزعجين يضيق خلقي
عاد احال معهم بالتشجيع _ اسوي مجموعات _ اسوي مكافآت

مرات اوقف بنات .. او نظرات .. او مرات صراخ...

ما ادري

الي يهديني شويه انه مو بس انا الي اشتكي من هالصف

حتى مدرسة الالعاب.. مع انهم ثانية ابتدائي بس مدري شسالفة

مشكلتي مع الحالات الخاصه اللي بكل فصل وللاسف انا باقي البنات يقلدونهم مو عارفه شسوي

من ناحيه اتشجيع اشجع ويتفاعلون خمس دقايق بعدين يردون لازعاجهم

 

[ميس المشاعر]

هلا فيج حبيبتي

ماكو مقابله للدوام وماكو اسئله ولا شي

مشكورة اختي ع الرد
انا بتخرج من كلية الشريعة يعني ما فيه مقابله اذا قدمت ع الديوان واقبلوني؟؟؟
انتي خريجة شنوووو؟؟؟؟

 

[amami al-kuwai]

انا تربية اساسيه

لا مافي مقابلات

 

[amami al-kuwai]

انا مدرسة خاصة
وللحين ما سويت مقابلة ... تقريبا هالشهر رح اسويها ان شاء الله
قابلتني المدرسة

بس قالولي عموما يكون بالتجويد ... قراءة و استخراج احكام
و التوحيد و اقسامه و تعريف كل واحد

و بعض الاسئلة العامة

ابله مييم

اللي عندج عندها هايبر اكتيف شغليها بالصف وخليها قائده مجموعتها

وخلي طريقة تدريسج اللعب وتحركينهم علشان يندمجون معاج بالدرس

 

[amami al-kuwai]

وفي طريقة حلوه لثانية ابتدائي

ان تسويين لهم مثل مسرح العرايس

يعني تجيبين لهم شخصية كرتونيه ( القفازات ) وتخلينهم كأنهم يشرحون الدرس للبنات هذا بالتربيه الاسلاميه

اما بالقرآن قولي لهم منو اقوى انتم والا الشيطان , الشيطان يوسوس للبنات علشان يشاغبون

والمؤدبه والعاقه حطيلها نجمه بايدها وعطيها استيكارات كتشجيع او جيبي علبه كاكاو واللي تسمع حديث او ايه عطيها

 

[دندوش ..}]

ابلات التربيه ااسلاميه اخباركم

بغيت نقدكم علي منهج الاسلاميه للصف الثاني

بغيت اعرف العيبوب والمميزات

لوسمحتوا ساعدوني تراني محتاجه ضروري

والله يوفقكم ويوفقني

 

[دمعة بتول]

انا مدرسة تربيه اسلاميه وقرآن ابتدائي

وأدرس مرحلتين


ثانيه : منهج حلو وسهل حيل حتى وسائله روعه

وثالثه : نفس الشي منهج حلو وسهل


راح افيدكم في اساسيات تمشين عليها

كـ معلمه جديده بما اني صارت خبرتي سنه


اول شي لازم يحبونج الطالبات وان حبوج ما راح يأذونج

بالعكس بيصيرون متفاعلات ويبون يكسبون رضاج

تقربي منهم وتذكري الأجر العظيم الي راح تنالينه

لأن كثير طالبات مافي اهتمام ولا عنايه من اهلهم

غير الاخلاقيات والكلام السيء الي ممكن تسمعينه من طالباتج

قد ما تقدرين كوني متوازنه تصرفي بعفويه وحكمه

وخليج مبتسمه لهم تدخلين قلوبهم

بالفصل : كوني شديده مع طيبه وارخي معاهم


وبتقدرين تتجاوزين مراحل كثيره راح ينضبط الفصل غصب

اهتمامج لا ينصب ع طالبه وحده او طالبتين شاطرين نوعي

فاجئي الطالبات قوميهم وهم مشغولات عنج وعاتبيهم

قبل دخول الفصل قولي : اللهم اني اسألك الاخلاص في القول والعمل

اللهم لا تحرمني أجر كل ما أقدمه لهن

بس افضي راح اكتب عن طريقة شرحي وطريقة تيسير الماده العلميه


وبجيب لكم مواضيع كثيره عن طريقة التدريس والابداع في التدريس

استفدت وبفيدكم

 

[أبلة ميييم]

دمعة بتول

الله يجزيك الخير
في انتظارك

 

[amami al-kuwai]

هلا حبيبتي دندوش

امانة انا اول سنة ادرس وعندي اولى ورابعه وما مريت على منهج ثانيه

واحاول اشوفه لج وارد عليج

وتقدرين تدخلين على موقع وزارة التربية تشوفينه بنفسج وتقيمينه

وياليت تستمرين معانا

 

[amami al-kuwai]

انا مدرسة تربيه اسلاميه وقرآن ابتدائي

وأدرس مرحلتين


ثانيه : منهج حلو وسهل حيل حتى وسائله روعه

وثالثه : نفس الشي منهج حلو وسهل


راح افيدكم في اساسيات تمشين عليها

كـ معلمه جديده بما اني صارت خبرتي سنه


اول شي لازم يحبونج الطالبات وان حبوج ما راح يأذونج

بالعكس بيصيرون متفاعلات ويبون يكسبون رضاج

تقربي منهم وتذكري الأجر العظيم الي راح تنالينه

لأن كثير طالبات مافي اهتمام ولا عنايه من اهلهم

غير الاخلاقيات والكلام السيء الي ممكن تسمعينه من طالباتج

قد ما تقدرين كوني متوازنه تصرفي بعفويه وحكمه

وخليج مبتسمه لهم تدخلين قلوبهم

بالفصل : كوني شديده مع طيبه وارخي معاهم


وبتقدرين تتجاوزين مراحل كثيره راح ينضبط الفصل غصب

اهتمامج لا ينصب ع طالبه وحده او طالبتين شاطرين نوعي

فاجئي الطالبات قوميهم وهم مشغولات عنج وعاتبيهم

قبل دخول الفصل قولي : اللهم اني اسألك الاخلاص في القول والعمل

اللهم لا تحرمني أجر كل ما أقدمه لهن

بس افضي راح اكتب عن طريقة شرحي وطريقة تيسير الماده العلميه


وبجيب لكم مواضيع كثيره عن طريقة التدريس والابداع في التدريس

استفدت وبفيدكم

جزاج الله خير وان شالله نستفيد من مشاركاتج

 

[om.fhody]

منهج ثانيه في درسين فيهم نقطتين ماتصلح لثانيه ابتدائي

في درس اداب الاستنجاء مالاداعي الاستنجاء بالحجر لان هذول ياهال وممكن يجربون بعمرهم

الدرس الثاني نواقض الوضوء نقطة مس الفرج وااااااااايد كبيره على عمرهم وهم هذا الشي يخليهم يلعبون بنفسهم او تفتح عينهم على شي اهما مو منتبهين له

 

[أبلة ميييم]

om.fhody

نفسسس النقطتين

جزاك الله خيرا


بس عندي سؤال
انا يوم الاثنين عندي نواقض الوضوء
وما ادري شلون ابي اشرحلهم؟؟؟؟؟

 

[ام حنون3]

السلام عليكم معلمات التربية الاسلامية
لدي استفسار ابي احد يرد علي هل علي الطالب المرحلة الابتدائية تحضير درس الاسلامية قبل شرح المعلمة للدرس ؟؟؟؟
لان ولدي بالمرحلة الابتدائية الصف الرابع والمعلمة تطالبهم بتحضير مسبق للدرس وتسألهم عن الدرس بصراحة الولد كره الاسلامية والسبب المعلمة بصراحة ناشفة عليكم .ما ادري شنو اسوي.

 

[ام حنون3]

السلام عليكم معلمات التربية الاسلامية
لدي استفسار ابي احد يرد علي هل علي الطالب المرحلة الابتدائية تحضير درس الاسلامية قبل شرح المعلمة للدرس ؟؟؟؟
لان ولدي بالمرحلة الابتدائية الصف الرابع والمعلمة تطالبهم بتحضير مسبق للدرس وتسألهم عن الدرس بصراحة الولد كره الاسلامية والسبب المعلمة بصراحة ناشفة عليكم .ما ادري شنو اسوي.

 

[amami al-kuwai]

هلا ام حنون

من ناحيتي ما اطلب تحضير

لكن ممكن الابله تبي منهم يركزون معاها لان الصبيان متعبين حيل

 

[amami al-kuwai]

ابله مييم في مدرسه كلمتني عم الموضوع بالخاص بس هي عندها درس ريادي

وبصراحه ماقدرت اساعدها حييل عطيتها جم فكره

 

[amami al-kuwai]

منهج ثانيه في درسين فيهم نقطتين ماتصلح لثانيه ابتدائي

في درس اداب الاستنجاء مالاداعي الاستنجاء بالحجر لان هذول ياهال وممكن يجربون بعمرهم

الدرس الثاني نواقض الوضوء نقطة مس الفرج وااااااااايد كبيره على عمرهم وهم هذا الشي يخليهم يلعبون بنفسهم او تفتح عينهم على شي اهما مو منتبهين له

صح كلامج النقطتين جداً صعبات على اطفال بعمرهم

 

[amami al-kuwai]

ابلات شرايكم لو يردون الضرب والمعاقبه بالضرب

من جم يوم انا وامي انتناقش بالموضوع <<< امي مدرسه ابتدائي

تقول لو يردون الضرب افضل علشان الاطفال يخافون ؟ << مستخفه منهم

انا قلت لها في مدرسات ممكن مدرسات يفقدون اعصابهم ويضربون بهبل ؟؟

انتو شرايكم