تجمع مدرسات الاسلامية حيااااااااااااااااااااااكم

[$نسيم الصباح$]

الله حيهم :68_asmilies-com: أبلات الإسلاميه والله خوش فكره الله يجزاه خير إلي سوت التجمع أنا بعد معاكم وأدرس الصف الخامس والثالث . أي خدمه أنا جاهزه .
صج طالبه منا رئيسة القسم درس ريادي بين المدرسات . وحابه تعطوني فكره جديده لتمهيد أو لتقويم .
او حتي اي درس تنصحوني أسوي .

 

[مس دندون]

يعطيكمـ العافيه يا ابلاااات

وعساكمـ عالقوهـ

وان شاء الله بعد 3 سنين اكون معاكمـ >>>وتلقوني 24ساعه وياكمـ

(( على فكرهـ انا متابعه الموضوع بصمت )) :dddds:

ادعولي بنات اتخصص واتخرج وان ربي يسهلها ان شاء الله ​

 

[سجى]

حياج الله نسومه منوره

وانا بعد ادرس الصف الثالث والرابع

درس ريادى لاى صف

 

[سجى]

يعطيكمـ العافيه يا ابلاااات

وعساكمـ عالقوهـ

وان شاء الله بعد 3 سنين اكون معاكمـ >>>وتلقوني 24ساعه وياكمـ

(( على فكرهـ انا متابعه الموضوع بصمت )) :dddds:

ادعولي بنات اتخصص واتخرج وان ربي يسهلها ان شاء الله ​

هلا والله بمس دندون حسبتج مدرسه انجليزى ههههههههههه

الله يوفقج يارب وناطرينج باذن الله وان شاء الله تتخرجين وبامتياز بعد

 

[أمة2006]

ودي اساعدج بس انا متوسط
اذا قررتي اي درس بتشرحين عطيني عنوانه اهني وممكن تخطر لي افكار واعطيج

انا داااايما بالدروس النموذجية استخدم البوربوينت
والتقويم اسويه لعبة بالبوربوينت بعد
وممكن تستخدمين طريقة اذا كان الدرس يتكلم عن عبادات معينة
تخلين بنت تقعد وتلبس لبس شيخ وتجاوب على فتاوى او تسوين صندوق فتاوى وتطلعين رسالة من داخلة ومكتوب : شيخنا الفاضل لدي سؤال ووووو
هل يجوز ولا يجوز ومن هالاشياء
هالطريقة تصلح تكون تقويم ووايد حلوة لأنج ربطتي الدرس بالواقع لما طبقتيه الأحكام بأسئلة من حياتنا

ممكن تكتبين السؤال على بطاقات صغيرة وتلزقينها تحت كراسي البنات في وقت ما يكونون موجودين بالصف
وبوقت التقويم تطلبين منهم يطلون تحت الكرسي واللي طلع لها سؤال توقف وتجاوب عليه
ممكن السؤال داخل بلونات ويبطونهم ويطلعون السؤال ويجاوبون

 

[مس دندون]

هلا والله بمس دندون حسبتج مدرسه انجليزى ههههههههههه

الله يوفقج يارب وناطرينج باذن الله وان شاء الله تتخرجين وبامتياز بعد

يا حيااااتي انا وين والانجليزي وين :krkrkr: خخخخخخخخخخخ

والله يجزاج خير على هالدعوهـ الحلوهـ

وأأأمين الله يسمع منج يارب​

 

[سجى]

يا حيااااتي انا وين والانجليزي وين :krkrkr: خخخخخخخخخخخ

والله يجزاج خير على هالدعوهـ الحلوهـ

وأأأمين الله يسمع منج يارب​

هههههههههههههه اضحك الله سنج يا الغالية

وما سوينا شى تستاهلين كل خير

 

[نور البدر]

مشكوووووووووووووووووووووووووووووووووة وما قصرتي

 

[نور البدر]

صج عطينتيني افكار راح تساعدني في الدرس
جزاج الله خير

 

[خواطر كويتية]

يامال العافيه يا بنااااااااااااااااات حيااااااااااااااااااااااااكم انتوا منكمشين من البرد عيل آنا شقول اللي دوامي العصر لين بالليل هههههههههه وحده من المدرسات تقول انتي حيييل يبين عليج البرد هههههههههههه الله يعينا و بس // سجى هههههههههههههههه سامعه سامعه بس شسوي دوامي عكس الناس بالليل جني خفاش ههههههههه بس أرجع أحضر و أجهز و حوووسه و الله و أطل ع المنتدى دقايق و أطلع ما يمدي أسوي شي // السعاده و أمة2006 ماشاء الله بدعتوا بلأفكار عاد آنا مستلمه نشاط المسجد الصراحه ببوق أفكاركم هههههه بعد اذنكم و نووورتوا // نسيم الصباح حياااج و هلا و غلا فيج معانا بس قوليلنا اسم الدرس و ان شاء الله ما نقصر معااج//مس دندون الله يوفقج و ينجحج و نشوفج معانا يارب و ينولج مرادج عاجلا غير آجلا يارب

 

[نور البدر]

هلا والله امة 2006 كل شي ولو بسيط يساعد شسوي اهما يبون الحين والدرس الاسبوع الجاي............

 

[بريـق ألمـاس]

السلام عليكم ورحمة الله وبركاته .... شلونكم يا بنات عساكم بخير ..........

 

[نور البدر]

وعليكم السلام ورحمة الله وبركاته
هلا وغلا بريق انتي شلونج؟

 

[أمة2006]

ولا يهمج قلبي
انا عبالي خلصتي درسج
انا باجر بشرحه وعقبها ادور لج خوش افكار واقول لج

 

[سجى]

هلا والله بريق ونور وخواطر وامة وسعاده شلونكم شخباركم

ما بقيتى تطلعون ههههههههههه

خواطر مسكينه دوامج غير عن دوامنا هههههههههه
يالله نتفق على الاجازة ونتكلم بالمسن ان شاء الله

ياما العافيه يا بنات على هالبرامج الحلوة مثلكم الله يسعدكم دووووم ويجمعنا دوم على طاعته يارب

 

[السعاده]

هلا وغلا بالجميع ،،،،، سجى مامن غيبة وأما البرد من اليوم ماراح يأثر فيني أخذت معاي للدوام كمبل الخفيف وشالات حطيتها سبيل للي بردان بعد ما أخذ عليها رسوم دعوة صغيرووووونه عاد لما رئيسة القسم شافت الكمبل ويييييههه عصبت وقالت أنتي ناويه تعطينا لفت نظر من الادارة بروحنا مو مترقعين ،،،،من كم يوم كان للمديرة المساعدة زيارة مفاجئة للقسم وشافت مطارة شاي وقهوة وهذا ممنوع عندنا الا بالخش والدس ،،،، وحده من مدرساتنا تهبل قامت تصب قهوة للمديرة المساعده يعني ياللي ما تشوفني هذا أنا ، جان تقول مو القهوة ممنوعه يا ابلة عموما كلامي الكثير يتعبني فهو اللي يخليني أغيب ،،،،
صج أختي خواطر أذنك معاك وحنا ما دخلنا هالتجمع إلا علشان نستفيد ونفيد ،،،،، أما الحلوة أمة 2006 (لا كل عام ان شاء الله ) افكارك ابداع ما شاالله عليك عيني بارده ( اسفه ما أبي أطري البرد ) ،،،نور البدر طمنينا هل تحضيرات درسك قائمه على ساق وقدم ولا متعرجبه بشي​

​

​

 

[أمة2006]

السعادة فديتج مشكورة قلبي
لوووول ضغطتيني على النك نيم هههههه.. انا شاركت بالمنتدى حزة يوم عطونا حقوقنا السياسية فسميت نفسي أمة 2006 ..لوول

نور البدر وااااي الدرس ملييييق بس احلى شي تقريبا المقطع اللي عن الصحابة

عموما ممكن تيبين قصاصات من الجريدة تتكلم عن الغش اللي قاعد يصير في بعض الجمعيات وصور عن الطعام الفاسد المعفن وغيره والتواريخ المنتهية وتحطينها بالسكانر وتضيفينها بالبوربوينت( فقرة العمل الفاسد والغش والخداع)
اخذي من افكار التقويم اللي كتبتها فوق
اممم .. احسن شي سوي درسج بوربوينت وعرضي صور للمهن وتككلمي عن لو أدى الشرطي وظيفته عدل مثلا لقلت الجرائم والحوادث ولو اخلص البناء في بناء المنازل لاختفت حوادث انهيار المباني ووو فالنتيجة مجتمع راقي متطور وووو(ييبي نقزات عن الموظفين اللي يطقون الكرت ويرجعون البيت ههههه)
ممكن تلبسين بنات لبس يدل على مهن مختلفة ويتكلمون شلون يخلصون في وظائفهم
الحديث الحفظ شوفيله رسمة بالنت تدل عليه وحطي رسمة طرار وخلي البنات يقولون الفرق
الصحابة مثلا : هم دوري صورة للبئر وشلون صعوبة اخراج الماي منه مو مثل البئر الحين ولا تنسين اتييبين تمرة اللي اهي الاجر اللي كان يدفع لعلي.
اممم هذا اللي ياني من افكار الحين
يارب اكون قدرت اساعدج
بس غريبة اذا بتشرحينه الاسبوع الياي شلون يمديج اتخلصين المنهج
احنا اخر يوم 30/12 وعقبها امتحانات القرآن

 

[أمة2006]

بنات عفية كل وحدة تقول لنا جم نصابها وشنو المراحل اللي تدرسها

انا سادس وسابع ونصابي 15

 

[السعاده]

أمة 2006 سبحان الله معاك سادس وسابع ( الى الابد ان شاء الله اذا ما رجعت ابتدائي ) ونصابي 15 ​

 

[أمة2006]

سبحان الله مثلي
انا اتصدقين ما احب ادرس الا سادس وسابع احلى مرحلتين
مواضيعهم حلوة
خاصة الفصل الثاني