قوة حبيياتي ،،،،،،،، أحب أكتبلكم رحلتي الطويلة مع حفر الوجه والندوب والحبوب الكبيرة
طبعا أمي الله يحفظها :yaaaaaarb: أكبر منتقد لبشرتي وجسمي ودايما مسكينة تحاتيني واتسوّلي خلطات وتوديني حق دكاترة علشان تعالج بشرتي بس طبعا عقدتها بعمرها عناد وغصب أروح وأتمنن عليها
طبعا مشكلتي بدت من أربع سنوات تقريبا ، فجأة حبوب تخرّع وكبيرة وبدت تطلعليي حفر عميقة يعني بالمختصر صارت بشرتي دمار :eh_s(16):خذتني أمي حق وايد دكاترة واستخدمت وايد كريمات بس مافي فايدة ،،،،،،،بعدين ودتني ماماتي حق الشركة الكويتية للتجميل إلّي ع البحر بالسالمية واشتركت عندهم تنظيف بشرة مسوين عرض 12 جلسة ب 350 واستلمتني مدام دليلة وبعدين استمريت مع مدام سحر تهبل هذي المره جدا أخلاقها راقية وتشتغل بضمير والله يا بنات كانت صادقة معاي قالتلي راح أشيل كل الحبوب بس الحفر ما راح تروح وفعلا آنا ألحين معاها من سنتين أو أكثر تقريبا شالتلي كل الحبوب من عرجها بدون ما تزيد الحفر كانت الجلسة معها تستمر ساعتين أو أكثر وكل مرّه كانت بشرتي تصفى بس طبعا الحفر موجودة وصارت تبيّن أكثر ، بعدين ماماتي حبيبتي ودتني حق أوباجي وسويت معاهم 3 جلسات ليزر فراكسل كل جلسة ب200 دك وما فاد بعدين ودتني طبعا عارفين منو حلوة اللبن حق د. عادل قطينة وسويت عندهم تقريبا ومع د. أحمد صراحة يشتغل بضمير تقريبا 5 جلسات والتحسن كان بنسبة 40% (( طبعا الألم ما ينوصف )) لكن الوالدة ماكانت راضية عن النتيجة وهاتلك خلطات من كل صوب بس بصراحة فادتني بس بشكل بسيط يعني 10% ،،،،،،،،،، وألحين نجي حق آخر شي أستخدمه حاليا والّي فعلا بنات تقريبا أقدر أقولكم بثقة إن الحفر خفت بنسبة 90% يعني باجي شي بسيط لا يذكر :ggdw:،،،،،،،،، (( د. رولر )) الأصلي ،،،،،،،، فعلا فعلا راحت وعلى فكرة آنا أسوّي بالبيت وعواره لا يذكر أنصحكم فيه
وشكراااااااااااااااااا أدري طوّلت عليكم سامحوني
