تجمع لندنيات 2012

[saastar]

بنات أبي أعرف شنو العطور أللي بس بلندن وخالتي تقول لا تطوفكم عطور نكست باردة وتصلح للأيام العادية

 

[saastar]

أنا قلت حق خالتي أبي فساتين طويله وحلوة ما أبي ماركة لأني لبسة وحدة ما ألبسها ثاني مرة فأبي رخيصة بليز من وين

 

[saastar]

أللي قالت شرت عطور حصرية بلندن نبي صور بليز

 

[نجد دياري]

مرحبا حبيباتي
انا كنت في التجمع السابق للي بيسافرون بصيف 2012
وسافرت ورجعت الحمدلله واستانسنا حيل
المهم انا بنصحكم نصيحه كان ودي اكتبها من زمان لكن ظروف ماخلتني ادخل المنتدى قبل هالوقت
انتبهوا!!!!!!! وانتم تتسوقون خصوصا من الماركات العالميه
خاصة فندي وقوتشي
اللي حصل اني شريت جنطه من فيندي السلفردج وكانوا الموظفات مرتبكات ولما جيت بحاسب قالت مامعاي صرف روحي تمشي بالمول وردي لنا عقب .. تمشيت ورديت لهم لقيتهم حاطين الجنطه بكيستها ومجهزينها حاسبت وطلعت...
ورحت قوتشي شريت جزمه لما حاسبت قال الموظف ماعندي فكه وراح وخلاني يعني اخذ الباقي بدون اذن!!
انا قلت خلاص مايستاهل وطلعت من المول وكان اخر يوم لي بلندن جهزت جناطي ورجعت الديره الحمدلله
الحاصل
يوم فتحت جنطتي وطلعت جنطة فيندي لقيتها تالفه حسبي الله عليهم
معطيني جنطه بدون اللوقو اللي يجي في سلسله على برى يعني احسن مافي الشنطه موموجود انتم عاد تخيلو وش صارلي تنرفزت وانقهرت وطيران على فرع فيندي عندنا وكلمة المدير وصور الشنطه وارسل طلب صيانه .. بعد 3 شهور ارسلوا القطعه الناقصه بعد المرمطه وحرق الاعصاب .. وما استفدت منها الا من يومين لان قبل كانت تالفه وناقصه
اكثر ماقهرني بالموضوع ليش الاستغفال شايفينا نشتري منهم قالوا نلعب عليهم
انا خذت درس اي شي اشتريه لازم اقلبه وافتحه في المحل قبل لا اطلع سواء ماركه غاليه والا من بريمارك ان شاءالله ... وانصحكم تنتبهون زين وماتتركون لاحد فرصه يغشكم والا ينهبكم
رحله سعيده للجميع

 

[kenda]

تسلمين ام العيش ياعمري
kenda متى سفرتج ؟؟

سفرتي السبت الياي 6-10

 

[مشتطـه]

نجد دياري شافو الخليجيات يقطون بالهبل قالو نقص عليهم هههههههههههههههههههههههههههههه


امبي شانيل بالهبل يشترون منه يا حافظ والجنطة ب 1200

وكل هذا عشان فلانه تقول عني راعية ماركات
وكل وحده منهم ماخذه قرض

ياربي لا تبلانا عالاسراف
اللي عندها خيييييير عليها بالعافيه


انا ام رفيجتي خذت قرض 8 الاف كويتي
هذا والام مديرة ومعاشها 2000 وشيي


شرت ساعه وشرت جناط

الحمدلله والشكر يا حافظ

ترى العمر مو بس ماركات
من جذي استغلوكم
ل

 

[عزاااه]

اي اكيد لازم الوحده تاخذ مو كله ماركات

 

[نجد دياري]

اخواتي بغض النظر عن المشتريات ماركات والا مو ماركات
انا حبيت انصحكم تنتبهون وانتم تتسوقون وتبطلون كل شي تشترونه قبل لاتطلعون من المحل
لاتشبكون السوالف ببعض

 

[shoshowoo]

سوري عزاه عالرد المتاخر بس مو دايما اجيك عامواضيع الي اشارك فيها
شوفي حبيبتي انا حبيت وقت الكريسمسعشان التنزيلات ومافي عرب وايد بس برررررررررد لكن الاجواء رووووعه خاصه اذا مع ناس انتي مرتاحه معاهم انا كنت مع ريلي ورفيجه ومرت رفيجه صج استانست

بس

اول مره رحت لها بالصيف كان احلى ليش لان الكولكشن احلى صح ماكان في ذاك التنزيلات بس ملابس صيف واحنا هني صيفنا اطول من شتانا

اذا الروحه حق ملابس اكثر شي فا انا اايد الصيف

اذا حق كل شي فا لندن كل الاوقات حلوه طبعا مكياجها وعطورتها واكسسواراتها زوغه ووناسه
حتى صيدلياتهم تونس

احب لندن وكان ودي اروح بالصيف بس مالله قسم ان شالله اخر هالسنه باذن الله رايحه

واي استفسار انا حاضره حبيبتي

 

[shoshowoo]

وعلى طاري الماركات مرت رفيج ريلي ماشترت غير الماركات صرفت بحدود ٥٠٠٠

انا لا ماشيه على قاعده it not about brand it about style

يعني مولازم اشتري ماركه الا بحدود المعقول اشتري الي يعجبني باللبس

مثلا انا اشتريت جنطه ماركه بالتنزيلات ب٨٠ اهي اشترت حزام عااااادي اسود بس ماركه ب٢٠٠ ثاني يوم بالبيكادلي اشتريت حزام اسود ابد نسخته بس ماركه عاديه طقت زارا بس محل مو بالكويت ب ٢٥ دينار

انا اشتريت غراض الدنيا من بريمارك ونكست عطوراته كانو موصيني اهلي يبون اهي ماحبت الوضع ببريمارك لان زحمه ورخيص اسعاره معقوله


فايعتمد عالمشتري وشنو يبي

 

[!amorra!]

اهم اللي يبيعون اغلبهم فقاره او بارت تايم ونصهم طالبات

فا شيسون لما تعطيج جنطه مضروبه فاهيا تاخذ الفلوس لها لان الجنطه المضروبه ماتنباع فاهم ياتقاسموا فلوسج او خذوا الجنطه الاصليه لهم وباعوا مالتج بالـ ebay انا اقول لو اتابعين مع مسؤولين السلفردجز وتنبهينهم عشان هالجلبات عزكم الله يدرون انه العرب مو اغبيا ويستغفلونا

ووايد ناس صادفوا هالشي في الاوتلت انه اللي يبيعون يحطون جناط تقليد عشان الناس تشتري واهم ياخذون الفلوس!!

انتي لو منتبها ومشتكيه عليهم جان انسجنوا لان هذي تعتبر جريمه في بريطانيا

اغلب اللي يبيعون بالسلفردجز مو انجليز نصهم نصابين

انا صادفت اللي تشتغل هناك باكستانيه تبي تبيعني لورا مرسيه بنص السعر بس تسلمنياها برا فدريت بتعطيني تقليد!!

انا عمري ماصادفت جذي بهارودز اغلب اللي اسمعه عن السلفردجز والاوتلت

واللي استغربت منه بعد انه بالاكسفورد اهم اكثر اللي ينصبون فالناس لازم ادير بالها وتشيك عالفواتير والمشتريات

صج حروني حسبي الله عليهم!!

 

[عزاااه]

صباح الخير يالله ان شالله اكل يغير جو

 

[عزاااه]

يالله ياحلوين متى سفراتكم كل وحده تكتبلنا شنو سوت بفيزا سوتها

 

[!amorra!]

بنات منو تبي اتيي لندن

ابي اوصيها على شغله من الكويت

 

[دندرمه بارده]

يعطيكم العافيه بنات تجمع لندنيات ابيكم تساعدوني انا انشاءالله رايحه لندن 24/10/2012 وقالولى انها برررررد وعيالى معاي واحد 8 سنوات والثاني سنه ونص صج الملاهي تسكر بالشتا والجو راح يكون عمدهم برررد زمهرير ياريت تفيدوني ويعطيكم العافيه

 

[عزاااه]

هلا فيج شهر ١٠برد بس مو كثر ١١ و١٢مادري اذا تسكر او لا

 

[$وجد شاااعر$]

السلام عليكم بنات
انا ان شاء الله بطلع من النفاس اخر عشره ومفكره اسافر لندن بطلعتي يعني راح تكوت السفره اول 11
حييييل خاطري بلندن ومحتااره
زوجي اليوم يحاول يقنعني بجزر المالديف او ماليزيا
ابي رايكم بليييز
وصج راح تكوت برد لايطاق يعني مارح استانس؟
فيدوني يالخبيرات لان حيييييل بخاطري لندن وانا مارح اقعد الا اسبوع

 

[عزاااه]

والله وجد شاعر اكيد برد تدفي يصير جو اوكي انا بروح نص ١٢

 

[!amorra!]

وجد انسي فكرة لندن والله برد يهد الحيل

المالديف احلا ورومانسيه اكثر

اخذي 3 ايام فيها والباجي بماليزيا

 

[عزاااه]

بعكس برد احلى البسي تدفي احلى لندن من ماليزيا ماليزيا انا رايحه خيسه ورطوبه موت