تجمع لندنياااات 2011 الي راحو والي بيروحون

[dectora 7elwa]

انا رحت وردييت الحمد الله مشاااااء الله لندن تهبل عجيييبه انا حبييت كل شي فيها جوها عجيب وسوقها والاماكن السياحيه حدييييقه الحيوان تهبل مشاء الله كبييره 3 ساعت اندورها اتينن من كبرها وفيها العاب تهبل والهايد بارك عجييبه كل مكان ومشاء الله سهالات الحمد الله رب العالمين ​

عليج بالف عافيه مرايم
انا بروح 23-9 يلا سويلي جدوا وعلميني وين اروح وشلون الجو بما انج فرش
انا وزوجي بروحنا وتسلمين عالموضوع الحلو

 

[مهندسة طموحة]

بنات عفيه ساعدوني شنو اتيبون صوغه من لندن
انا اول مره بروح و سمعت ان سوقهم غالي
شنو تنصوحوني وين الاماكن الي تصلح حق الهدايا و اشياءهم رخيصه و زينه؟؟؟

 

[جوويره]

روحي سوق شبردبوش حق الصوايغ واشياء رخيصه

 

[White Musk]

منو يفيدنا بالجو حاليا بلندن ؟؟ مادري شاخذ لبس معاي؟؟

 

[White Musk]

السبت طايرة عالبريتيش ان شاء الله

 

[White Musk]

الحمدلله عالسلامة
مرايم اشسوستس عالوزن انا بعد معطيني عالبريتيش بس 23 وموصيني اهلي على اغراض شكلي بشتري وزن زيادة من النت

 

[mr000]

شوفوا هالموقع تعرفون منه حالة الجو في لندن اسبوعيا http://news.bbc.co.uk/weather/forecast/8

 

[ترنيمة اختنآق]

منو يفيدنا بالجو حاليا بلندن ؟؟ مادري شاخذ لبس معاي؟؟

الجو بارد حيل جيبي معاج ملابس ثقيله وتقريبا يوميا مطر


أنا بلندن حالياً

 

[F.a.R.o.7.a]

سلام لندنيات

اول شئ للي يسألووون عن الجوو الحين بلندن برررررد

لاتنسووون الجاكيتات واذا معاكم أطفال دفووووهم بالملابس



بالنسبة للصوغات ..

عندكم سوق السبت و سوق الاحد و سوق الشبربوش << مثل مايسموونه الخليجيين

عندكم بعد مجمع اسمه ( تروكاديرو ) في شارع البكاديلي هذا المجمع كللللللللله هداااايااا للي عندهم أطفال


أماكن لاااازم تزورونها ::

متحف الشمع - الهايدبارك - حديقة الزهور - ساعة بيق بين

( روحو عند عين لندن ) في هناك قعدات حلوووه وفي محل هدايا بعد ..


الأسواق :

بريمارك - جون لويس - هارودز - سلفردج - فيلد ويست << هذيلا اهم شي

طبعا عندكم بعد طوووووول شارع الاكسفوورد محلات يعني امشي امشي طوول الشارع

حتى في شارع البيكاديلي محلات ماركات روووعه

ولا تنسوووووووووووووووووون تروحون للقرية اللي فيها خصومات وتنزيلات لبضاعة السنه اللي فااتت

اسم القرية (( بسترفيلج )) تروحولها في قطار ساعتين او ساعه ونص شي جذي

طبعا القرية تسكر الساعه 4 او 5 .. يعني اذا بتروحون لها من الصبح عشان تاخذوون رااحتكم بالتسوق



و أي استفسار انا في الخدمة

 

[ام يوسف كويتيه]

F.a.R.o.7.a يعطيج الف عافيه علي المعلومات القيمه
انا بغيت تساعديني بالسكن انا ناويه اسافر ان شاء الله شهر اكتوبر لكن الصراحه احترت بالسكن فنادق الاكسفورد غاليه الليله مو اقل من 100 دينار وانا ناويه اقعد 12يوم تعرفين شقق بالاكسفورد او قريبه منه اسعارها اقل .؟؟

 

[White Musk]

مرو وترنيمة وفروحة شكرا بس انا ماخذة جينزات والبس معاهم توينزات من الاقطان الثقيلة وفوقهم جاكيت كافي للبرد ؟؟؟؟ ما اعتقد شتوي ثقيل

 

[dectora 7elwa]

مشكوره فروحه
الله يعطيج العافيه

 

[ترنيمة اختنآق]

ايه عادي حبيبتي بس اهم شي تجيبين معاج جاكيتات ثقيله

 

[الام المحبه]

اشوة اني دخلت هالصفحة لاني باجر بسافر وقالوا لي كارديغان او ترينج كافي لان مو وايد برد
بما ان الجو باااااااارد يعني بنثقل الجنطة
الله يعينا عالوزن

 

[كلي فخر]

أنا انششالله بروح عالاسبوع الياي سويت الفيزا بس بقى الحجز وناوي عالبريطانية ...

أمبية الجو بارد حيل يقولون. الله يعينا على البس

يعني اذا كل يوم مطر شلون نطلع نتسوق؟

زين الوزن الزائد جم يأخذون علية و شلون اشتري وزن مافهمت


يكثر يقولون لي لاتطوفين هالمحلات

بريمارك primark
جون لوبس John llewies
قرية بستر فليج شفته صوورها روعه كل المحلات الماركة تخفيض٤٠٪
يعني محل Dior كانه ببيت ريفي لونه من برا ازرق شكله يشوق
طبعا ينراح له بالقطار
وفي محل اسمه دورثي بيكنز يقولون حلو بروح له
وودي اروح هارودز انشا الله


شنو بعد اسواق حلوة

 

[F.a.R.o.7.a]

f.a.r.o.7.a يعطيج الف عافيه علي المعلومات القيمه
انا بغيت تساعديني بالسكن انا ناويه اسافر ان شاء الله شهر اكتوبر لكن الصراحه احترت بالسكن فنادق الاكسفورد غاليه الليله مو اقل من 100 دينار وانا ناويه اقعد 12يوم تعرفين شقق بالاكسفورد او قريبه منه اسعارها اقل .؟؟

شوفي ياقلبي ..

أنا أخر مرره كنت ساكنه في البارك ويست بلوك 9 .. الشقة حلووة و زينه ..

أحنا اخذناها لأن كانت مده قعدتنا شهر ..

بس نظافتها مو نفس الفنادق اكيد .. لانها مالت عراقيين يأجرونها عالسياح

بس هذا مو معناه انها يبيلها تنظيف وماينقعد فيها بالعكس كانت حلوه

وقتها كان اجارها 1800 باوند بالاسبوع ما يقارب800 دينار تقريبا بس هذي اسعارهم في شهر 7 يعني موسم السفر والاجارات كلها نااار

بس الحين تحصلين الشقة ب 800 باوند بالاسبوع يعني 400 دينار او أقل بالاسبوع

وطبعا هذا يعتمد من صاحب شقة لأخر

بس اهم شئ لايضحكووون عليكم لان الاسعار الحين طااااااايحه مو اكثر من 800 باوند

طبعا شقق العراقيين لما تأجرينها اي شئ تبينه من ( صحون او جدوور او مكنسه ) او اي شئ يخص الشقة تراااها عليهم بس قولي ابي مكنسه او ملاعق او اي شئ



عندج ( صوت وصوره ) يمدحووون شققهم بس اسعارهم وقتها كانت غاليه بس الحين اكيد نزلووو اسعارهم

عندج ( ديدلي ) بس كانت الشقة حييييييييل ضيقه يعني تنفع لشخصين

كل اللي قلتهم لج بشارع الاجوارود

 

[F.a.R.o.7.a]

يعافيييييكم وأنا بالخدمة

 

[SHiKhaH]

طافتني بداية التجمع ..

يلا ماعليه حبيبتي اللي راح تيي الله الله بالملابس الشتويه كل يوم تبرد عن اللى قبلها
بس مرات بالنهار تصير دفي ( شويه ) << يعني حاطتها بعين قوسين مو حر

Oxford Street
Regent Street
Bond Street
Piccadilly
Westfield Mall
Shefards Bush
Covent Garden
Bicester Village
knightsbridge
Harrods
Hight street Kensington

وان شاء الله تستانسون حبيباتي بالتسوق والتمشي وبالاجواء الحلوه ..

وبالنسبه للسكن نازل لان خلص موسم السياحه حبيباتي

 

[monati22]

بنات انا كنت مسافرة لندن في الصيف وحبيت احذر البنات اللي بيشحنون اغراضهم من لندن من المكتب العربي للشحن احناشحنا اغراضنا عندهم ولما وصلت الاغراض جميع العطور وبعض الكريمات خذوها ولم يرجعوها لنا بحجة ان العطور ممنوعة في الشحن وهم حتى لم يخبرونا بذلك من قبل والشنط كلها تم فتحها بطريقة سيئة جدا والاغراض اللي اغلبها هدايا ممزقة حسبي الله عليهم

 

[ام يوسف كويتيه]

f.a.r.o.7.a مشكوره علي الفايده تسلمين بس انا ناويه السكن بالاكسفورد مو بشارع العرب