تجمع لمشتركات نادي (( كيرفز )) تعالو فيدو واستفيدووو

[جاي مخدر]

السلام عليكم

ودي أشترك بنادي كيرفز

مابي اتسرع لان الاشتراك سنة

وابي اخذ رايكم

-------------------------------

تاريخ الاشتراك :
الفرع :
جم كيلو نزلتوو :
القياسات تغيرت ولا لا :
مستوى النادي :
النص ساعه صج تسوي شغل :
جم يوم تروحون بالاسبوع :
المدربات يجابلون ولا اشتغل بروحي :

 

[ii DareeN ii]

خوش موضوع للامانة انا اشتركت وحلو بس ماكملت للاسف فماقدر افيدج

ملاحظة صورت الشاي عجيباااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

 

[xxx]

مشكورة على الموضوع

ان شاءالله المشتركات مايقصرون

 

[سارة_kw]

وانا بعد ابي معلومات بجم الاشتراك

وجم يوم بالاسبوع الله يعافيكم

 

[الزين يفرض نفسه]

وانا توووووووني قبل يومين سمعت عنه ودشت هني واول مره ادش هني عشان اسألكم عنه

ياريت تفيدونا ومشكوره جاي مخدر على الموضوع سالتي كل الاسئلة اللي في بالي

 

[ابلة رسم كتكوته]

انا مشتركه من شهرين
نزلت 8 كيلوات
بس مع رجيم طبعا
خووووش نادي
تروحين 3 مرات بالاسبوع
انا بفرع السالميه
وبصراحه المدربات عسل
بس هالالاسبوع ما رحت لاني تعبانه
دقوا علي اليوم فقدوني

 

[ايفيان]

النادي وايد حلو ونظيف والمدربات حليوين مع ان اجسامهم كلش مو
اجسام مدربات يمكن خذوا دوره بالاجهزه والتمارين وصاروا مدربات

فكرة النادي ان هو تلعبين رياضة مدة نص ساعه ما بين جهاز وحركات انتي تسوينها بروحج على الارض لكل عضلة من عضلات الجسم تقعدين على كل جهاز ثلاثين ثانيه بس بعدين تنتقلين للعب على الارض هم ثلاثين ثانية وطبعا تعرفين الوقت من المسجل تقول غيروا الوضع الحين بس بالانجليزي وتسوين دورتين ولما تخلصين تروحين حق جهاز التمدد تسوين تمدد حق العضلات وتكونين جذي كملتي النص ساعه...

احسن ما فيه ان مدته نص ساعه يعني ما تستثقلينه

وهو مفيد بس ليش مدة اللعب قصيره فالافضل مع ريجيم

انا نزلت 5كيلو

 

[الزين يفرض نفسه]

ماشاءالله زين نزلتوا


عاد انا اولمره اشترك بنادي


يعني امل؟؟


انا ما اشتغل ولا عندي عيال ولا شي بالعكس ابي نادي اسبح فيه واسوي رياضه ورقص شرقي


واتمرن واريح لى كيفي


هل اذا اشتركت بكيرفز لازم نص ساعه واطلع يطردوني يعني ؟ هههه


مافيه حمام سباحه ؟

 

[ام مهودي]

ايي بنات فيدوونا بلييز نبي نعرف اكثر
انزين انا مو متينه ما ابي اسوي ريجيم ينفع ابي انزل 3 كيلو بس والباجي ابي شد حق البطن بس راح ينفع ولا لا وبجم اشتراكه لمدة سنه

 

[إمرأة مثالية]

والله شكلي بشترك فيه

لأني مليت من تشامبينز كلش مو عاجبني

 

[كيوت_25]

حتى انا ودي اشترك و خايفه اتحسف

عموما اشتراكه حق سنه تقريبا 300 دك

مافيه حمام سباحه

 

[frfr]

الحين امسوين عرض السنه اب 321 بدل من 345 وتقدىن اتقصدونهم

 

[إمرأة مثالية]

حبيبتي كيوت مو إلا حمام سباحه

آنا في تشامبينز الحين وحمامهم السباحه الخاص برياضة الأكوا كلش مونظيف

حتى لما أشيل إيدي يطلع معاها شعر وعيزنا نقولهم ليش ما تغيرون الماي

يقولون إحنا نغير نصه بس والفلترات مالت حمام السباحه مو قويه تضخ شوي شوي

أمس وحده تقولي بالنادي وآنا بحمام الأكوا إن في وحده تعرفها صار فيها حساسيه والبلاء كله في حمام السباحه

عالعموم اشتراكي قرب يخلص على خير

 

[al7anona]

يسلمووووووووووووووووو

 

[حقانيه]

انا اليوم رحت وسجلت بمعهد curves الصحي . و الإشتراك عندهم لازم سنه كامله. و قيمته 312 دينار . أما بالأقصاط فهو أكثر. ومدة التدريب نص ساعه . كبدايه 3 مرات بالأسبوع . بس بعدين تقدرين تروحين كل يوم . و أنا شايفه أجهزته وايد مفيده بس ما أدري أقدر أكمل و إلا لأ.

 

[xxx]

انا اليوم رحت وسجلت بمعهد curves الصحي . و الإشتراك عندهم لازم سنه كامله. و قيمته 312 دينار . أما بالأقصاط فهو أكثر. ومدة التدريب نص ساعه . كبدايه 3 مرات بالأسبوع . بس بعدين تقدرين تروحين كل يوم . و أنا شايفه أجهزته وايد مفيده بس ما أدري أقدر أكمل و إلا لأ.

بالتوفيق

اشتركتي باي فرع ؟

 

[ديم الغيم]

ان شالله بيفتح قريب عندنا بالسعوديه بالخبر في مستشفى برو كير مقابل الظهران مول وبشترك فيه لاني واااااااجد متحمسه يكون جسمي مشدود وحلو وبصراحه ماصدقنا يفتح عندنا نادي عالمي اخيراااااااااا
وانا شفت برنامج المذيعه الامريكيه تايرا جايبه حلقه كامله عن كيرفز وتجارب الحريم اللي تغيرت اجسامهم لما اشتركو فيه والله يوفق الجميع..

 

[زيزو]

ياالله بنات فيدونا لان ودي اشترك

 

[**بياض الثلج**]

موفقين جمييعا ياربي

 

[دلوشه]

اي والله

انا سمعت عن اللي بالجابريه ؟؟ نظيف ولا لا ؟؟