تجمع لمستخدمات الدهن العظيم دابر املا :)

[حصوص الكويتية]

انا جربته بس وين ما احط كا اسبوع احط كل اسبوعين او كل ماطرى على بالى المشكله اللى مايدوام عليه

انا مشكلة شعرى تساقط بالهبل الى درجه خلص شعرى والجلدة قامة تبين من جدام وخفيف حيل وباهت بالمرة يعنى شعرى تعبان ورايح فيها

 

[الزيـــــنــــة]

بنات ودابر أملا اللي معطر شسالفته هل يعطي نفس مفعول أبو ريحه لأني شريته من الجمعيه
ردوا شرايكم

اي انا بعد سالت عنه بس ما مدحولي اياه قالولي بو ريحة احسن

 

[كيفانية من قدي]

صراحة دابر املا روووووووووووووووووووووووووعة بس لازم تدامويين علية يعني اسبوعيا لازم تحطينه وتطلع لج النتيجة من عقب استخدامين

اما عن الريحه فالله يعينج

بس انا اغسله بالشامبو مرتين وبعدين احط سيرم علشان الجفاف واللمعه وابخر شعري وتعالي شوفي اللمعه والريحه تجنن


والله يوفق الجميع

 

[هــنــــــد]

ديــــرو بــالكم بنــات، أمــلا اللي ماتبي تــداوم عليه لا تستعملـــه
لأنه أول شي راح يطيح الشعـــر الضعيــف، تـــالي يبدى يطـــلع الشعر ويكثفـــه
يعني اذا استخدمتيه وهديتيه بتشوفين نتيجه عكسيــه

 

[موزة ام فارس]

والله خبري فيه من زماااااااااان ايام الثانوية

بس والله اشوفه حاله حال اي زيت ثاني

بس ريحتة استغفر الله تبط الراس :tomato2:

 

[العصيمية]

والله وحده ترفعني ورحت شريته
والثاني تحبطني وودي ارده

 

[روقاء]

قوه حبيبتي العصميه تعالي اقولج سر جمال شعري من كنت صغيره لما جبت عيال واهو دابراملا الحمدلله شعري طويل واسود لامع وكثيف من الله ثم دابراملا بس ليه سنه واشوفه احسن وناعم بواجد وسر لما قالتلي خدامتي الهنديه ماما تبين شعرج يصير طويل اكثر اخلطي مع دابراملا زيت فازلين كيشوردهني ودهنيهم مرتين بالاسبوع والصراحه يجنن ومع فيتامينات الشعر اللي انا مصورتهم في موضوعي لشعر حميل ولامع واستخدميهم وراح تشوفين شعرج ما يحتاج استشوار وادعيلي انا وعيالي واما ابي رد منج ضروري بعد شهر من استخدامه.

 

[Cup-Cake]

فعلا الزيت ممتاز انا مجربته
اخلطه مع براشوت واحط ريحان بودره داخل البطل عشان الريحه وايضا الريحان ممتاز للشعر
اصلا يقوى فروة الراس
بس ترا اول ماتحطينه يطيح الشعر بس بعدين يمسك ويصير فضيع ولو هديتيه مايطيح الا اذا تعب الشعر مره ثانية من السشوار والصبغ


وسلامتكم

 

[كريستال ليدي]

شوقتوني اجربه بس المشكلة شعري مصبوغ و اغلب البنات يقولون انه يسود الشعر

 

[L a w y e R]

خبري فيه من 12 سنة يمكن لوول

عاد والله قبل يومين طرا على بالي ونويت اشتريه

بس ذكرت ريحته وهونت :/

ماتعرفون زيت بنفس المفعول بس ريحته اخف واهون من دابر املا ؟

 

[فيونكا فوشيهـ]

انا تووني شاريته
و قررت استخدمه بطريقه شفتها بمنتدى ثاني و يقولون ان هاذي الطريقه الصحيحه حق استخدامه
اول اسبوع كللل يوم احطه
و ثاني اسبوع كل يوم و ترك
و ثالث اسبوع كل يومين و ترك
و هكذا لما توصلين حق الاسبوع اللي تستخدمينه بس مره بالاسبوع و تداومين على مره بالاسبوع فقققط
المهم انا قلت لامايناسبني جذي فشنو سويت جدول
و قسمته على 4 اسابيع بسس
و حطيت الايام
و اول اسبوع استخدمه كلل يوم اذا قدرت
ثاني اسبوع بس 3 مرات بالاسبوع
و ثالث اسبوع بس مرتين
و رابع اسبوع بس مره
و اداوم على بالاسبوع مره
و مو مشكله اذا مره مشتهيه استخدمه مرتين بالاسبوع او اذا حسيت شعري يبيله بعد اعيد نفس اول كلل يوم بعدين كل 3 ايام و هكذا

و بصراحه لما شميتا من علبته كانت ريحته عااديه
بس لما حطيته تدريجيا قامت تزيد خخخ و حطيته من صلاة العصر ليما 5ونص
و الحين ريحته على راسي قاعده اشمها واااي غسلته 3 مرات و طووولت على الشامبو عشان يسحب الريحه و مايدهن و يتنظف عدل بس الظاهر ماكو فايده و باجر وراي رياضه راح اعرق و اتفشل اللي يمي بيشموون اكيد خخخ ماسوت علي و هم دوام وييع
عاد رحت حق اختي خليتي بين شعري و بين خشمها اقل من 4 سانتي قلتلها تشمين قالت اي قلتلها شنو تشمين قالت دهنج القديم ( جدايل) و قلتلها وااضح قالت لا يعني قلتلها الريحه خايسه قالت حلوه بس مو حلوه خخخ قلتلها انزين قويه قالت لا عادي
اذبحتني ههه ماعندي غيرها و لا جان سألت احد ثاني

عاد النتايج لما نشف بصراحه حسيت ان صاير ناعم يمكن منه و يمكن من السدر اللي حاطته امس و الله مادري بس انعم من امس يعني لما تلمسنه تحسينه ناااعم
و اي ترا الشامبو اللي استخدمه ميتال فيمكن عشان جذي ماراحت الريحه عدل لأن اهوا ماينظف عدل

و بس هذا اللي عندي دي الوأتي

 

[كيوت_25]

شوقتوني اجربه بس المشكلة شعري مصبوغ و اغلب البنات يقولون انه يسود الشعر

في دابر املا الذهبي يقولون للشعر المصبوغ ما يسود الشعر

 

[أبلة ندى]

والله آنا وأمي نحط دابر أملا الذهبي بالياسمين واااااي وااااااااي ما شاالله شوفي شعورنا شلون متعدلة ويكثر الشعر ويطوله بمدة قياسية وينعم واي شهادتي مجروحة بحقه أحسن من القديم وع ريحته خايسة ونشف شعري

 

[((معشوقة خالد))]

انا صارلي اسبوووووع شكله زين على شعري
بس داومي عليه اذا تبين شعرج يتعدل

ويعطيج العافيه واتمنى اكون فدتج

 

[صعفوقة]

انا سمعت انه رهيب وكنت احطه مره كل شهر ماينفع لازوم اسبوعى بس الريحه ووووووووووع

 

[Red carpet]

انا جربته و طول شعري و صارت في لمعه
بس بالاماكن التالفه حيل ما فاد معاها
بس انا تركته لان يطيح الشعر
و ما كثفه

 

[ياوحشة غيابك]

عن تجربه استخدموه وانتوا مغمضات عيونكم انا استخدمته قبل عرسي بشهر والله والله والله انه صار شي ثاني حتى خواتي ماصدقوا لما شافوا شعري بالصالون لاني كنت اجهز واروح واجي وماكانوا ينتبهون له والحمدالله بشهادة الكل انه شعري لمعه وطول وكثافه ومثل ماقالت اختي فيونكه فوشيه اول شهر يوم وترك وبعدها يومين باالاسبوعين وانصحكم بشامبو الأحمر مال العبي عرفتوه او شامبو البض من صانسيلك والصراحه كنت استخدمهم اثنينهم مره هذا ومره هذا

 

[جمود الدمع]

مشكووورة

 

[SaD FaCe]

انا استعمل براشوت احسه احسن ..

ودابر املا سمعت ان الاصلي تلقونه بالتراث الهندي اختي شرته من هناك

 

[el 7abeeba]

ودي أجربه من زمان ولا مرة جربته .. شوقتوني